Vakalagi 4:14 - KITABU KITAKATIFU

¹⁴ Ma Debora yavolera Baraka, “Tula zia! Yahova aveeye harara nivi! Kalunu umali kukuha iliguuta lia Sisera.” Maku Baraka yasulunguta kutura mu Kiguru cha Tabori harara ni liihi lilie lia vandu izielefu likomi.

Vakalagi 4:14 ပူးပေါင်းရင်းမြစ်များ

Litanga 19:14

Maku Loti yazia ku avanavizara venya koleta avakaana veve, navavoolera, “Mukore vwangu muturi havundu hano, kigira Yahova azizaa kudiviza lidaala yili.” Navuzwa valora ndi Loti akole kehenyahenye.

Litanga 44:4

Lwa vaali ni vakazia logendo lwimbi kutura mu lidaala, Josefu yavolera mutumikiri winyumba yeeye, “Londelera avandu yava. Lwa uvanyoola, uvateeve, ‘Kigira ki mutungi uvudamanu ku vulahi? Kigira ki mwivi kekombe chu mugasa chu munene wange?

2 Samweli 5:24

Lwa uhulira muliviti gwi ligenda ku zisonga zie misaala ji zinyangeleri, ahene yaho zia uvingiliri kigira ndava niing'endanga imbiri woovo kuguuta liihi lia Avafilisitia.”

Isaya 52:12

Ing'inga yiyi simulatula kuzia vwangu vwangu; simulava nimugerizaa ukwiruka mba. Yahova Nyasaye winyu alamwimilira kandi alamukinga ku zimbega ziosi.”

Mika 2:13

Nyasaye alavigulira inzira, nukuvimilira vatuli mu lihaminywa. Valavunaga nu kuvitira mu virivwa vie lidaala linene kandi vazie novovoholore. Mwami wavo, Yahova Wuvunyali alavimilira.

Kwidzulitsa 9:3

Na vuzwa kalunu mulelorera aveene ndi Yahova Nyasaye winyu alimiira imbiri winyu kuli muliru gusambaa. Alavadiviza nokuvagehiza imbiri winyu lwa muvatulira. Kunangwa, mulavakunga nokuvadiviza vwangu kuli Yahova yamusuuviriza.

Joshua 10:8

Yahova yavolera Joshua, “Utavatia mba: inzi mali kuhaana kuivi liguuta. Sihaveeye ho numulala muvo unyala kusingira ku lihingira ivi mba.”

Joshua 7:13

Vuka! Uvavoolere, ‘Mwitakase munyi aveene mu lietegekera mugamba, kigira Inzi, Yahova Nyasaye wa Isiraeli, mbeeye na yaga kovora; “ ‘O, Isiraeli, muveeye ni vindu vilala hagati mu vindu vienyu via ndamulaga viononywe! Simunyala kusingira kulwaana avasigu kuduuka lwa mutuliza vindu yivi hagati hinyu.

Vakalagi 19:28

Yamuvolera, “Singira. Hamba kutange logendo.” Navuzwa mukali uyu siyativula kindu. Yavugula mukali uyu namuviika ku barasi yeeye natanga logondo kuzia yengo weve.

Vakalagi 4:10

Baraka yalanga zihiiri zia Zabuloni na Nafutali ni vazia Kedeshi, na vandu izielefu likomi vaamulonda. Debora yazia naye.

Vakalagi 7:9

Vudiku vulala vwere yivwo, Yahova yalaga Gidioni, “Singira na usulunguti kutangiza iliihi, kigira Inzi mali kuviika vandu va Midiani mu makono googo.

1 Samweli 9:26

Kandi yagona yo. Mu mavwevwe, Samweli yalanga Saolo naveeye kwigulu kwinyumba, “Vuka na ndakusamuliza uzie.” Saolo yavuka kandi yavo harara na Samweli vatura ni vazia kunzira.