Vakalagi 3:27 - KITABU KITAKATIFU

²⁷ Lwa yaduuka mu kivala chivigulu cha Efuraimu, yakuba ikisiliva, kulanga avandu va Isiraeli muvulwani; maku yaavimilira kusulunguta kutura mu vigulu.

Vakalagi 3:27 ပူးပေါင်းရင်းမြစ်များ

2 Samweli 20:22

Maku mukali oyo yazia ku avandu vi lidaala linene ni lilohiza liovogeri vwivwe; kandi vakala mutwi gwa Sheba nivagusigisila Joabu kutura igulu wi lidiji. Joabu yakuba kisiriva kuli kimanyiru ku avasikari vi liihi veve valeke lidaala linene live, kandi viirana yengo. Joabu yirana Jerusalemi ku Mwami munene Daudi.

2 Avami 9:13

Nonoho, avanene vache vaala zinguvu zindambi ziu kwigulu ziavo ku vika, Jehu aduuki kusingira ku, ni vakuba visiliva kandi nivahanzuka, “Jehu aveeye mwami!”

Nehemia 4:14

Ndalora ndi avandu zana vahendi mwoyo, kunangwa ndavavolera aviimiliri navanene vaavo, “Mutatia avasigu viitu mba. Mwizurizi ndi Yahova aveeye munene kandi wukutihiza, ma mulwaaniri avandu vikivala chienyu, avana vinyu, avakari vinyu kandi zinyumba zienyu.”

Joshua 17:15

Joshua yativura, “Niiva muveeye avanyingi ligali, kuva agiligali ndi kuli ndio na ikivala chivigulu cha Efuraimu kegehi ligali, muzie mwenyoolere milimi jiveeye ja vandu va Perezi na vandu va Refaimu, kandi mutimuli nukwilimira yo aveene kivala.”

Joshua 17:18

Ndamuha kivala chivigulu, kali niiva keveeye mulitu. Mulakitimula nukukivugula keve chienyu kutura kundulu kwolovega lulala kuduuka kolovega Lundi. Mulakuunga vandu va Kanaani vosi, kali nivava nivaveeye ligali na magare givivia kandi nivaveeye avandu vizingulu ligali.”

Vakalagi 10:1

Lwa Abimeleki yaali niyakakuza, Tola umwana wa Pua, umwisukulu wa Dodo, yaza kohonyia Isiraeli. Yaali kutura mu ihiiri ya Isakari, na yamenya ha Shamiri, mu kivala chi vigulu cha Efuraimu.

Vakalagi 17:1

Haali ho nu mundu walangwa Mika uwamenyaa mu kivala chi vigulu cha Efuraimu.

Vakalagi 19:1

Mu madiku yago lwa Isiraeli yaali nitaveeye nu mwami, yaali ho nu mundu kutura mu ihiiri ya Levi uwamenyaa mu kivala chivigulu cha Efuraimu. Yavugula umukana kutura Bezelehemu yi Vuyuda kuva umukali weve muviika kwivikira weve.

Vakalagi 3:26

Ehudi yiruka lwa avatumikiri vu mwami vaali nivakilinda, naavitira hamagina gavaazirwa, nazia Seira.

Vakalagi 5:14

Vaatura Efuraimu ni vazia mu kivoona inyima wihiiri ya Benjamini na vandu veve. Aviimiliri vu vulwani vasulunguta kutura Makiri, mimiliri kutura Zabuloni.

Vakalagi 6:34

Roho wa Yahova yaza ku Gidioni, ma nakuba ikisiliva kulanga avasaza vi ihiiri ya Abiezeri vamulonde.

Vakalagi 7:24

Gidioni yatuma avatumwa mukivala choosi chivigulu cha Efuraimu kovora, “Sulunguti muzie, kulwaana vandu va Midiani. Mulindi Mugera gwa Jorodani, kandi no togera twosi kuduuka Bezibara, kwigalira vandu va Midiani vavuli kwambuka.” Avasaza va Efuraimu valangwa harara nivigalira Mugera gwa Jorodani no togera kuduuka Bezibara.

1 Samweli 13:3

Jonazani yita munene wi liihi lia vandu va Filisitia mu lidaala lia Geba, na vandu va Filisitia vosi vahulira inguuva yiyi. Maku Saolo yatuma avatumwa kulanga Avaheburaina vosi vazie mu vulwani ku likuba kisiriva hoosi mu kivala choosi.