Vakalagi 20:31 - KITABU KITAKATIFU

³¹ Avandu va Benjamini vaza kulwaana, navo vaatura ichova kutura mu lidaala. Kuli maziambiri, vatanga ukwita vandu va Isiraeli valala mu kiguti, kunzira izizaa Bezeli kandi kunzira izizaa Gibea. Avandu va Benjamini vita vandu va Isiraeli himbi salasini.

Vakalagi 20:31 ပူးပေါင်းရင်းမြစ်များ

Isaya 10:29

Vamali kwambuka inyambuku, na vaziiye konyoora lisosa lia vudiku ha Geba! Avandu mu lidaala lia Rama vaveeye nu vuti, kandi avandu mu lidaala lia Gibea liu mwami Saolo vamali kwiluka.

Joshua 7:5

Ahene yaho avasaza va Ayi vavakunga kutura mu kirivwa chi lidaala, kuduuka Shebarimu, aha magina gayavwa kandi vita ahimbi vandu salasini na sita kunzira yikisulungutu. Maku vandu va Isiraeli vagotiza uvuluviliri vwavo; kandi vaali nuvuti vonene ligali.

Joshua 8:17

Vuli musaza mu Ayi kandi Bezeli yazia kolondelera vandu va Isiraeli ni lidaala lialekwa nilialami, nilitaveeye vugira mundu wukulikinga.

Vakalagi 20:30

Kumadiku galondekanaa gavaga, avandu va Isiraeli vasulunguta kuzia mu vulwani ku na vandu va Benjamini na valohiza vasikari vaavo mu vwiyangu vuduukana kulwaana lidaala lia Gibea kuli vaakora maziambiri.

Vakalagi 20:32

Avandu va Benjamini vavoola, “Kuvaguuti kuli maziambiri.”