Vakalagi 20:28 - KITABU KITAKATIFU

²⁸ Finiasi mwana wa Eliaza waali naveeye umulindi walio. Vateva Yahova, “Gaduukanaa kunyi kutuli kuzia kulwaana avaamitu vandu vi hiiri ya Benjamini kandi, anoho koleke?” Yahova yativura navoora, “Muvalwaane. Mugamba ndamuha uvuguuti.”

Vakalagi 20:28 ပူးပေါင်းရင်းမြစ်များ

2 Samweli 6:3

Valivugula kutura hango ha Abinadabu ku kiguru, nivaviikaku ligare lihia. Uzia na Ahio, vayaayi va Abinadabu, vaali nivahira ligare zana,

2 Kyetsinyinga 20:17

Munyi si mulalwaana mu vulwani yivu mba, navuzwa musingiri mu vogono vwinyu, musingiri vudinyu, na mulalora liguuta lia Yahova ahaanaa. O, munyi avandu vi Ivuyuda na Jerusalemi, mutakuza mioyo jenyu mba, anoho mutatia, mugamba mutule kuzia ku valwaana, na Yahova alava harara na mwinye!’ ”

Ezara 7:5

na Buki yaali muyaayi wa Abishua, na Abishua yaali muyaayi wa Finiasi, na Finiasi yaali muyaayi cha Elieza, na Elieza yaali muyaayi wa Haruni musaalisi munene.

Kutwula 6:25

Elieza muyaayi wa Haruni yaleeta mulala ku vakana va Putieli kuva mukali weve, uwamwivulira Finiasi. Yava nivo avaari mitwi jie zinyumba ni miliango jie ihiiri ya Levi.

Jeremia 10:23

O, Yahova, manya ligali livamwoyo liu mundu siliveeye lilie mba; sihaveeyeho nu mundu kali mulala oveeye nuvunyari kulimenya lilie mba.

Kwidzulitsa 10:8

Yahova yatovola avasaza vi ihiiri ya Levi, valindi Lisandugu lia malago ga Yahova, vamutumikiri kuli avasaalisi kandi kugasiza avandu mu lieta lilie. Yiji ni miyinzi jaavo kali kuduuka kalunu.

Kwidzulitsa 18:5

Yahova Nyasaye winyu yatovola ihiiri ya Levi kutura mu zihiiri ziosi zia Isiraeli vamutumikiri kuli avasaalisi mihiga ni mihiga.

Joshua 22:13

Maku avandu va Isiraeli vaatuma Finiasi, muyaayi wu musaalisi Elieza, kwimilira muganda kuzia ku avandu vizihiiri zia Rubeni, Gadi na Manase vi Ivugwi, mu kivala cha Gileadi.

Joshua 24:33

Lwa Elieza muyaayi wa Haruni yakuza, avandu va Isiraeli vaamuyavira mu lidaala lia Gibe. Lidaala yili liali mu kivala chi vigulu cha Efuraimu, ichaali ni chahaanwa ku muyaayi weve Finiasi.

Joshua 7:7

Joshua yavoola, “O, Yahova, Wuvunyali! Kigira ki nokoleta engereka wa Jorodani? Kukuhaana ku vandu va Amori vakudivizi? Kijiraki nikuvula komenya kolovega Lundi lwa Jorodani?

Vakalagi 1:2

Yahova yativura, “Ihiiri ya Yuda ilamwimilira kutanga; Inzi mali kuhaana kivala yicho mumakono gave.”

Vakalagi 19:16

Lwa vaali nivaveeye ahene yaho, umusakulu yaavitira ho nivinukaa kutura mu mulimi. Yaali umundu wamenyaa Gibea, navuzwa yengo weve wukutanga yaali mu kivala chivigulu cha Efuraimu. Avandu vandi vosi ahene yaaho vaali avihiiri ya Benjamini.

Vakalagi 7:9

Vudiku vulala vwere yivwo, Yahova yalaga Gidioni, “Singira na usulunguti kutangiza iliihi, kigira Inzi mali kuviika vandu va Midiani mu makono googo.

1 Samweli 14:37

Kunangwa Saolo yateeva Nyasaye, “Nyara kuzia kwingilira vandu va Filisitia? Ulakwimilira kuguutia?” Navuzwa Nyasaye siyativula kindu lidiku yilio mba.

1 Samweli 30:8

Daudi yateeva Yahova, “Nyara kuzia kolondelera avalanyi yavo, kandi ndavagumira?” Yahova yativura, “Zia; ulavagumira kandi ulahonyia vahambe yavo.”