Vakalagi 20:26 - KITABU KITAKATIFU

²⁶ Maku vandu va Isiraeli, avandu vosi, vanigira ha Bezeli niviikuuraa. Vahonga yo nivikaye imbiri wa Yahova vugira kali kulia ichukulia kuduuka hamugorova. Vahaanira Yahova kihanwa chukusambwa kandi kihanwa chi murembe.

Vakalagi 20:26 ပူးပေါင်းရင်းမြစ်များ

Litanga 28:19

Yalanga havundu yaaha “Bezeli” navuzwa maziambiri halangwa Luzi.

2 Samweli 3:35

Lidiku liosi, avandu vageriza kumuniga mbula alie kindu, navuzwa Daudi yisuha navoora, “Nyasaye anzite niiva inzi ndalia kindu ku choosi liuva nikikiri koyeera.”

2 Kyetsinyinga 20:3

Hene yaho mwami Jehoshafati yaali nu vuti ma niyenya uvulariri vwa Yahova. Mwami Jehoshafati yalandiza lilaga lio kohonga lilia mu Ivuyuda mwosi.

Ezara 8:21

Maku kumugera gwa Ahava ndahaana lilaga kukunyi vosi kohonga lilia kandi kusaala. Kunyi kwegehiza aveene kandi nikuteeva Nyasaye akwiranyie mu Jerusalemi ni mirembe harara navana viitu ni miandu jiitu josi.

Jeremia 36:9

Ku mweli gwa tisa ku muhiga gwa katano lwa Jehoyakimu yaali mwami wi Ivuyuda, avandu vosi mu Jerusalemi kandi avandu vosi avaazaa kutura mu madaala gi Ivuyuda valandiza lihonga lilia imbiri wa Yahova.

Joeli 1:14

Uhaane lilaga liokohonga lilia; ulange livugana! Vuganyia aviimiliri kandi avandu vosi vi Ivuyuda mu Litembeli lia Yahova Nyasaye winyu na mwaniri kuye.

Joshua 24:1

Joshua yavuganyia harara zihiiri ziosi zia Isiraeli ha Shekemu. Yalanga avakulundu aviimiliri, avakalagi na vanene va Isiraeli kandi vaza imbiri wa Nyasaye.

Joshua 7:6

Joshua harara na viimiliri va Isiraeli vatandula zinguvu ziavo mu vovereri, nivagwa hasi mamumama imbiri wi Lisandugu lie Lilagana, nivava ho kuduuka hamugorova, niviiyuhiyi uluguchi ku mitwi jaavo kumanyia ovovereri.

Vakalagi 20:18

Avandu va Isiraeli vazia havundu hukusigamira Yahova ha Bezeli, kandi nivateeva Nyasaye, “Hiiri ki idukanaa kwingilira vandu va Benjamini kutanga?” Yahova yativura, “Ihiiri ya Yuda.”

Vakalagi 20:23

Avandu va Isiraeli vazia nivalilira Yahova kuduuka hamugorova, kandi nivamuteeva, “Gakuduukiraa kwilane muvulwani kulwaane vandu va Benjamini avaveeye avamwavo viitu?” Yahova yavavolera, “Tuli muzie kuvalwaana.”

Vakalagi 20:25

Ing'inga yiyi lwa Avabenjamini vaatura Gibea kuuza kulwaana vandu va Isiraeli, Benjamini yita avandu 18,000 va Isiraeli avaari nivaavugura amigizu gu vulwani.

Vakalagi 21:2

Kunangwa avandu va Isiraeli vazia Bezeli nivikara yo imbiri wa Nyasaye kuduuka ha mugolova. Vaalira nivasioma vululu ligali nivavoora,

Vakalagi 21:4

Umugamba gwalonda ku avandu vavuuka kale kandi nivumbaka uvwali, ma nivahaana ivihaanwa viu kusambwa harara ni vihaanwa viu mirembe.

1 Samweli 11:4

Avatumwa vaduuka ha Gibea, aha Saolo yamenyaa, na lwa vavoola amakuva yaga, avandu vosi vatanga kulira ni vakuzi mioyo.

1 Samweli 7:6

Kunangwa vosi vavugana harara ha Mizipa vadaha amazi kandi nivagasundula ichova kuli kihanwa ku Yahova kandi ni vahonga lilia lidiku liosi. Vavoola; “Kumali kwonera Yahova.” Haali ha Mizipa ha Samweli yahuliriza lisolana lia vandu va Isiraeli nokoleta mirembe hagati haavo kandi kuvakalagira.