Vakalagi 20:23 - KITABU KITAKATIFU

²³ Avandu va Isiraeli vazia nivalilira Yahova kuduuka hamugorova, kandi nivamuteeva, “Gakuduukiraa kwilane muvulwani kulwaane vandu va Benjamini avaveeye avamwavo viitu?” Yahova yavavolera, “Tuli muzie kuvalwaana.”

Vakalagi 20:23 ပူးပေါင်းရင်းမြစ်များ

2 Samweli 3:35

Lidiku liosi, avandu vageriza kumuniga mbula alie kindu, navuzwa Daudi yisuha navoora, “Nyasaye anzite niiva inzi ndalia kindu ku choosi liuva nikikiri koyeera.”

Hosea 5:15

“Inzi ndaleka avandu vange kuduuka lwa vasalira ligali kigira uvwoni vwavo kandi valaza konyenya. Namusia mulisalirizwa liavo valageriza kwenya Inzi.”

Joshua 7:6

Joshua harara na viimiliri va Isiraeli vatandula zinguvu ziavo mu vovereri, nivagwa hasi mamumama imbiri wi Lisandugu lie Lilagana, nivava ho kuduuka hamugorova, niviiyuhiyi uluguchi ku mitwi jaavo kumanyia ovovereri.

Joshua 7:7

Joshua yavoola, “O, Yahova, Wuvunyali! Kigira ki nokoleta engereka wa Jorodani? Kukuhaana ku vandu va Amori vakudivizi? Kijiraki nikuvula komenya kolovega Lundi lwa Jorodani?

Vakalagi 1:1

Lwa Joshua yaali niyakamara kukuza, Avandu va Isiraeli vateva Yahova, “Ni hiiri ki inyala kukwimilira muliizia kulwana Avakanaani?”

Vakalagi 20:18

Avandu va Isiraeli vazia havundu hukusigamira Yahova ha Bezeli, kandi nivateeva Nyasaye, “Hiiri ki idukanaa kwingilira vandu va Benjamini kutanga?” Yahova yativura, “Ihiiri ya Yuda.”

Vakalagi 20:22

Navuzwa avandu va Isiraeli vidinyia kuli lwambiri nivelohizi havundu harara heere havaali nivelohizi lidiku liukutanga.

Vakalagi 20:24

Maku vandu va Isiraeli visunda ahimbi ha vandu na Benjamini lidiku lia kaviri.

Vakalagi 21:2

Kunangwa avandu va Isiraeli vazia Bezeli nivikara yo imbiri wa Nyasaye kuduuka ha mugolova. Vaalira nivasioma vululu ligali nivavoora,

1 Samweli 10:3

Ulazizagilira kutura ahene yaho kuduuka lwa uzaa ku musaala mutakatifu ha Taba, aha nuwaagane na vasaza vavaga nivaziizaa kuhaana vihaanwa viavo ku Nyasaye ha Bezeli mulala kuvo naave niyimiliyi vimeme vivaga vie zimburi, na wundi nagingi migadi jivaga na wakavaga naave naveeye niimuuya ye kesero ni yizuuyi iwaini.

1 Samweli 11:4

Avatumwa vaduuka ha Gibea, aha Saolo yamenyaa, na lwa vavoola amakuva yaga, avandu vosi vatanga kulira ni vakuzi mioyo.

1 Samweli 7:6

Kunangwa vosi vavugana harara ha Mizipa vadaha amazi kandi nivagasundula ichova kuli kihanwa ku Yahova kandi ni vahonga lilia lidiku liosi. Vavoola; “Kumali kwonera Yahova.” Haali ha Mizipa ha Samweli yahuliriza lisolana lia vandu va Isiraeli nokoleta mirembe hagati haavo kandi kuvakalagira.