Vakalagi 2:19 - KITABU KITAKATIFU

¹⁹ Navuzwa lwu mukalagi yalange niyakakuza, vandu va Isiraeli viirana muzinzira ziavo ziukusigamira vanyasaye vandi kali kuvita lwambiri. Vaali vanyara kusigamira vanyasaye vandi mavasuura koleka izinzira ziavo zindamanu.

Vakalagi 2:19 ပူးပေါင်းရင်းမြစ်များ

Litanga 6:11

Vuli umundu yaali mudamanu imbiri wa Nyasaye kandi kirage chaali havundu hoosi.

Nehemia 9:28

Lwa mirembe janyoleka, vakora uvwoni kandi. Ma kandi ivi waleka avasigu vaavo kuvaguuta kandi. Navuzwa lwa viganira nokoteeva ivi uvahaonyie, ivi wahulira noveeye mwigulu, na vuli ing'inga, wavahonyia kigira livererera zimbavasi zizio zinene.

Zaburi 78:8

Sivalava kuli avaguuga vaavo mba, avandu vi liebaala kandi avatahuliraa; avi lisuuvira liavo mu Nyasaye siliali lidinyu kali hakuzu mba, kandi sivali avasuuvirifu kuye zing'inga ziosi.

Kutwula 32:7

Yahova yavolera Musa, “Yika hasi vwangu, kigira avandu vovo avawimilira kutura mu kivala cha Egebeti, vamali kwona mbitilira.

Jeremia 16:12

Navuzwa mumali kokora vudamanu ligali kuvita kali avaguuga vinyu. Munyi mwosi muveeye avahindagirizi kandi aviziimbi, kandi simutizaa inzi mba.

Jeremia 23:17

Ku avandu vamali kusuura kuhulira aga inze mali kovora, vazizagilira kovora ndi goosi galava amalahi kuvo. Kandi vavoolera vuli mundu oveeye muhindagirizi ndi kivi sikilamugwira mba.”

Jeremia 3:17

Lwa ing'inga yeyo iliduuka, Jerusalemi ilakalangwe ‘Endeve yu vwami vwa Yahova’, kandi izihiiri ziosi zilakavuganiri wene yeyo kusigamira. Kunangwa sivalalindagilira nokolonda uvudamanu vwimioyo jiavo mba.

Ezekieli 20:30

Kalunu ovoolere avandu va Isiraeli aga Inzi Yahova Wuvunyali mboraa: Kigira ki mukoraa uvwoni vulala vwere vwa vaguuga vinyu vaakora, nu kusigamira vifananyi viavo?

Matayo 23:32

Muzizagiliri kumaliriza imiyinzi ja vaguuga vinyu vatangiza iju uvwoni!

Kwidzulitsa 31:29

Manyi ligali ndi inyima wilikuza liange, avandu valagwa avadamanu kandi vasuuli icha ndaavigiza. Mu ing'inga yizaa, maduywa gukutihiza galavagwira, kigira valava ni vakora Yahova kuva nu vutima mulikola ga yavagaya vavuli kokora.”

Joshua 24:31

Ku madiku goosi ga Joshua yaali mwoyo, avandu va Isiraeli vatumikira Yahova, na inyima wi likuza lilie vazizagilira kokora ndio lwa viimiliri yavo avaari nivelolera vindu viosi via Yahova yaali niyaakolera Isiraeli.

Vakalagi 10:13

Navuzwa munyi mwanzivilira, kandi nimwilana kusigamira vanyasaye vandi, na kalunu Inzi sindamukonya kandi mba.

Vakalagi 2:18

Vuli ing'inga lwa yahova yahaana vakalagi ku vandu va Isiraeli, yakonya vakalagi yava vave nivo avahonyia vandu kutura ku vasigu vaavo madiku goosi gavalange vakalagi; kigira Yahova yalange ni zimbavasi kuvo lwavanyoolaa uvusaliru ni lidambizwa kutura ku vasigu vaavo.

Vakalagi 2:20

Kunangwa Yahova yaali nu vutima ovonene na vandu va Isiraeli, nokovoora, “Avandu yava imali kuvunanyia lilagana liange lia ndaalaga vaguuga vaavo. Kigira vavuli kumbulira aga Inzi,

Vakalagi 2:7

Ku ing'inga yoosi ya Joshua yaali mwoyo, avandu va Isiraeli vaatumikira Yahova; kandi lwa yaali niyakakuza vazizagilira kokora ndio lwa vanene vaali nivakiri mwoyo, avaari nivalora ivindu vinene via Yahova yaali namali kokolera Isiraeli.

Vakalagi 4:1

Lwa Ehudi yakuza, vandu va Isiraeli vaakora vwoni imbiri wa Yahova kandi.

Vakalagi 8:33

Kunangwa lwa Gidioni yaali niyakakuza, avandu va Isiraeli valeka Yahova, nivasigamira vanyasaye va Baali; nivalomba Baali wi lilagana kuva munyasaye wavo.

1 Samweli 15:23

Uvwibaali kuye voveeye uvudamanu kuli ovologi kandi kizalo keveeye kuli uvwoni uvwu kusigamira misambwa. Kigira wasuula lilago lia Yahova, naye umali kusuura ivi kuli mwami.”