Vakalagi 2:17 - KITABU KITAKATIFU

¹⁷ Navuzwa vandu va Isiraeli sivahulira vakalagi vaavo mba. Sivali vasuuvirifu ku Yahova mba navuzwa vaasigamira vanyasaye vandi. Avaguuga vaavo valonda amalago ga yahova, navuzwa ilikula lihia liivilira kolola ndio.

Vakalagi 2:17 ပူးပေါင်းရင်းမြစ်များ

Zaburi 106:39

Vekola aveene avadamanu ku vikolwa viavo, kandi vasigamira vifananyi viavo.

Zaburi 106:43

Yahova yahonyia avandu veve haali kanyingi, navuzwa vatovora kwibaala kuye, kandi vazizagilira kwiyingiriza mu vwoni vunyingi ligali.

Zaburi 73:27

Henza, yavo avalekaa ivi valadiva ligali. Ivi uladiviza ligali yavo avataveeye avasuuvirifu ku ivi.

Kutwula 32:8

Vamali koleka inzira ya ndaavalaga kolonda ku: vamali kwelombera kifananyi chi igiriki kutura ku izahabu isialulukiziywi nukugisigamira, nukuhaana kucho visiuviliru. Vavoola ndi oyo numunyasaye wavo, uwavatuliza mu kivala cha Egebeti.

Jeremia 3:6

Yahova yambolera mu madiku giliamiiha liumwami Josia, “Ololi aga Isiraeli, mukali utaveeye musuuvirifu oyo akoli? Agirung'ani kutura ku inzi, kandi kukigulu choosi kitambi kandi isi wu musaala muvisi gwosi akoli kuli utaveeye musuuvirifu.

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Hosea 2:2

Avana vange, mugoonye mama winyu, kali niiva si aveeye mukali wange, kandi inzi si mbeeye musaza weve mba. Mumugonye aleke kokora ovoheyi kandi uvulaya.

Kyavalevi 17:7

Avandu va Isiraeli sivadukanaa vazizagiliri kuva vataveeye vasuuvirifu ku Yahova mba, ku lisinzira zinyama mu viguuti kuli vihaanwa nukuvihaana ku mademoni gi zimburi. Avandu va Isiraeli gavadukiraa valindi lilaga kuduuka ku makura gaaza.

Amosi 2:4

Yahova avoora, “Avandu vi Ivuyuda vamali uvwoni haali kanyingi, na kigira yaga ndavaha amageri ligali. Vamali koleka kolegeriza amigizu gange kandi vavuli kugumira amalago gange. Vamali kogotizwa na vanyasaye vuvugadi valala vere ava avavaguuga vaavo vasigamira.

Vagalatia 1:6

Ng'enyera munyi! Mu ing'inga ngekeeke mulekaa vwangu Nyasaye uwamulanga ku zimbavasi zia Kristo, kandi mugirung'ani nukuvugilira Ivangeri yu lugano lundi.

Kwidzulitsa 31:16

Yahova yavolera Musa, “Ivi uzizaa kukuza vwangu, na inyima wi likuza liilio avandu yava sivalava avasuuvirifu ku inzi kandi mba, valavunanyia lilagana liange lia ndalomba harara navo. Valandeka nu kusigamira avanyasaye vandi vi kivala cha vaveeye ahimbi kwingira mu.

Kwidzulitsa 31:18

Kandi ndakasuuli kuvakonya, kigira vamali kokora uvudamanu, kandi kusigamira avanyasaye vandi.

Kwidzulitsa 9:12

“Kunangwa Yahova yambolera, ‘Singira wiki hasi hi kiguru vwangu, kigira avandu vovo va wimiliraa Egebeti veyonogonyi kandi vakoli uvudamanu. Vagirung'ani koleka gandavalaga kandi velombeeye aveene kifananyi.’

Kwidzulitsa 9:16

Lwa ndahenza, ndaalora ndi mwali nimumali kwona ku Yahova Nyasaye winyu ku lielombera aveene kifananyi chalongwa ku kivia mulifaana lie kemoli. Mumali kugirung'ana nonoho kutura kunzira ya Yahova yamulaga.

Joshua 24:24

Kunangwa avandu zana vavoolera Joshua. “Kunyi kulasigamira Nyasaye wiitu, yeng'ine vuzwa. Kulahulira malago geege goosi.”

Joshua 24:31

Ku madiku goosi ga Joshua yaali mwoyo, avandu va Isiraeli vatumikira Yahova, na inyima wi likuza lilie vazizagilira kokora ndio lwa viimiliri yavo avaari nivelolera vindu viosi via Yahova yaali niyaakolera Isiraeli.

Vakalagi 2:7

Ku ing'inga yoosi ya Joshua yaali mwoyo, avandu va Isiraeli vaatumikira Yahova; kandi lwa yaali niyakakuza vazizagilira kokora ndio lwa vanene vaali nivakiri mwoyo, avaari nivalora ivindu vinene via Yahova yaali namali kokolera Isiraeli.

Vakalagi 8:33

Kunangwa lwa Gidioni yaali niyakakuza, avandu va Isiraeli valeka Yahova, nivasigamira vanyasaye va Baali; nivalomba Baali wi lilagana kuva munyasaye wavo.

1 Samweli 12:12

Navuzwa lwa mwalora ndi mwami Nahashi wa Amoni aveeye ahimbi kumwingilira, mwambakana Yahova kuli mwami winyu kandi muvooleraa Inzi, ‘Kweenyaa mwami akwamihi.’

1 Samweli 12:17

Eveeye ing'inga ye kemeyu? Navuzwa ndasaara, na Yahova aleetaa inguba ni imbura. Lwayaga gakolekaa, mulamanya ndi mwamala kokora uvwoni vonene ligali ku Yahova lwa mwamuteeva amuhe mwami.”

1 Samweli 12:19

kandi vavoolera Samweli, “Mwaza kusaaliri ku Yahova Nyasaye woovo, kunangwa kunyi avatumikiri vovo kuvuli kukuza. Kalunu kumanyi ndi, komeeda ku vwoni vwitu vundi vwosi, kwakora uvwoni ku liteeva koheevwe mwami.”