Vakalagi 2:14 - KITABU KITAKATIFU

¹⁴ Kunangwa Yahova yaali nu vutima ovonene ligali ku Isiraeli, na yavahana mu makono ga vanuuri avavanuula. Yaleka avasigu vaavo vosi ahimbi navo kuvavita ni zinguru, na ndio vandu va Isiraeli vadaka kuli vanyara kwikinga aveene.

Vakalagi 2:14 ပူးပေါင်းရင်းမြစ်များ

2 Samweli 24:1

Yahova yaali nu vutima na vandu va Isiraeli ligali, kandi yakola Daudi aleete uvudinyu kuvo. Yahova yamuvolera, “Zia uvalizi avandu va Isiraeli ni Ivuyuda.”

2 Samweli 7:11

kutura lwa ndaatovora avakalagi vave ku avandu vange Isiraeli, ngusuuvirizaa ndi ndakuha lielemeriza kutura ku avasigu vovo vosi. Kali ndio ngovolera ndi, ndakuha visukululwi.

2 Avami 13:3

Kunangwa Yahova yavihilirwa na Isiraeli ligali, kandi yaleka mwami Hazaeli wa Siria nu muyaayi weve Benihadadi kuguuta Isiraeli vuli ing'inga.

2 Avami 17:20

Yahova yasura avandu va Isiraeli vosi, navaha amageri, navaviika mu makono ga vasigu valulu vaavo kuduuka lwa yavatuliza mu zimoni zizie.

2 Kyetsinyinga 15:5

Mu madiku yago, mundu kali mulala siyali unyala kuza makandi azie ni mirembe mba, kigira vwaliho uvudinyu ni kivihiri mu vuli kivala.

2 Kyetsinyinga 28:5

Kunangwa, Yahova Nyasaye weve yaleka mwami wa Siria aguuti Ahazi, kandi naahira avandu avanyingi ligali mu Damasiko kuli avahambe. Yahova Nyasaye yaleka mwami wa Siria aguuti Ahazi kandi ni yita vandu veve avanyingi ligali.

2 Kyetsinyinga 36:16

Navuzwa vakolera vaporofeti va Nyasaye, kehenyahenye nivahuhiza makuva geege kandi nivavasekeliza, Kuduuka lwu vutima vwa Yahova vwavuukira avandu veve na sihali ho nichokohonyia mba.

Nehemia 9:27

Kunangwa ivi waleka avasigu vaavo vavaguuti nukuvamiiha. Mu vudinyu vwavo, vanira ku ivi uvakonye, na ivi waavativulira kutura mwigulu. Mu zimbavasi zizio zinene, ivi wavatumila aviimiliri avavahonyia kutura ku vasigu vaavo.

Zaburi 44:11

Wakokola kuva kuli magondi agahilwa kwitwa. Wakusalanyia mu kivala cha vandu vi zihiiri.

Zaburi 44:12

Ivi umali kuguliza avandu vovo ku mabese makekeeke, na siwenya uvuguli vwi gulu kuvo mba.

Isaya 42:24

Nivwaha wahaana avandu va Isiraeli ku valanyi? Yaali Yahova mwene, wa kunyi kumali kokora uvwoni kuye! Sikwaali kunyala komenya kuli yenya komenye mba, anoho kuhulira amigizu ga yakuha mba.

Isaya 50:1

Yahova avoora, “Muganaganaa ndakunga avandu vange kuzia ihale, kuli musaza akungaa mukali weve? Eveeye hayi ibarwa ya ndaamukungira? Muganaganaa ndaamuguliza mu kivala chu vutugwa kuli mundu agulizaa avana veve kuli vatugwa? Kandi mwagulizwa kuli avatugwa kigira amahiolo ginyu. Kandi kigira uvwoni vwinyu mama winyu yakungwa.

Jeremia 37:10

Kali niiva mulaguuta liihi liosi lia vandu va Babiloni, mavatigale avamali kurumindwa veng'ine nivagoni mumahema gaavo, avandu yavo vanyara kuvuka nukusamba lidaala yili nu muliru.”

Kyavalevi 26:17

Ndamugirung'ana kunangwa muguutwi kandi yavo vamudunyira valamwamiiha. Mulatihizwa ligali na muliruka lwa hataveeye ho nu umundu umukunga.

Kyavalevi 26:28

maku, mu vutima vwange, ndamugirung'ana kandi ndakora amageri ginyu kuva amadamanu ligali haali saba kuvita maziambiri.

Kyavalevi 26:37

Mulikigitala aveene naveene kuli avirukaa kutura mu vulwani, lwa ataveeye ho nu umundu umukunga; kandi si mulava nizinguru kulwaana avasigu mba.

Livalidza 32:13

Yahova yaali nu vutima na vandu, naavalomba kugendagenda mwigendanyama kulwimihiga arubaini kuduuka lwi likula liene yilio liavula kuyanziza Yahova liakuza.

Livalidza 32:14

Kandi kalunu mumali kuvugura vwiyangu vwa vababa vinyu, likula lihia lia vandu voni aveetegeki kwilanyia vutima vululu vwa Yahova ku vandu va Isiraeli kandi.

Kwidzulitsa 28:20

“Yahova alamuletera vilaamo, ovogoyanu kandi kivi mu viosi via mukoraa muluhi mudivi no kogota vwangu kigira ovudamanu vwa mumali kokora mu limuleka.

Kwidzulitsa 28:25

“Yahova alakola vasigu vinyu va muguuti. Mulavingilira kutura mulovega lulala, navuzwa mu liruka kutura kuvo mu zimbega saba, kandi avandu vosi vu mulirova valadegerizwa lwa valora ichekolekaa ku munyi.

Kwidzulitsa 28:58

“Niiva mulavula kuhulira nu vusuuvirifu amigizu ga Nyasaye goosi agang'odwa mu kitabu yiki, kandi muvura kuhaana luyali kulieta liokogenyia na liu kutihiza lia Yahova Nyasaye winyu

Kwidzulitsa 32:30

Mundu mulala anyala ndi kuguuta avandu elefu ndala? Anoho avandu vaviri vanyara ndi kuguuta avandu zielefu likomi? Yahova Nyasaye wavo umali kuvaleka; Nyasaye wi zinguru wavo umali kuvaleka.

Joshua 23:16

Niiva simulalinda lilagana lia Yahova Nyasaye winyu yalaga munyi mulindi, kandi niiva mu latumikira nukusigamira avanyasaye vandi, maku alamuha amageri mu vutima vwivwe, alamuha amageri, na alamudiviza ligali. Muturi mu kivala kilahi yiki icha amali kuhaana ku munyi.”

Vakalagi 1:19

Na Yahova yaali na vandu va Yuda. Kandi vavanyaga ikivala chi vigulu, navuzwa vaatamika kukunga yavo avaamenyaa mu livona kigira vaali na magare gi kivia.

Vakalagi 1:34

Avandu va Amori vaniga avandu vihiiri ya Dani komenya mu kivala chivigulu, na sivavavugilira kuuza komenya mukeleremo mba.

Vakalagi 10:7

Kunangwa Yahova yaali nu vutima ovonene na vandu va Isiraeli. Yavaleka ku guutwa na vandu va Filisitia harara na vandu va Moni.

Vakalagi 2:20

Kunangwa Yahova yaali nu vutima ovonene na vandu va Isiraeli, nokovoora, “Avandu yava imali kuvunanyia lilagana liange lia ndaalaga vaguuga vaavo. Kigira vavuli kumbulira aga Inzi,

Vakalagi 3:12

Avandu va Isiraeli vaakora vwoni imbiri wa yahova kandi. Kigira yaga, yahova yakola Egiloni umwami wa Moabu kuva ni zinguru kuvita Isiraeli.

Vakalagi 4:2

Kunangwa Yahova yavaleka nivaguutwa na Jabini, mwami wa Kanaani uwamihaa lidaala lia Hazori. Mwimiliri wiliihi lilie yaali Sisera, uwamenyaa ha Haroshezu Hagoimu.