Vakalagi 2:11 - KITABU KITAKATIFU

¹¹ Maku vandu va isiraeli vaakora vwoni imbiri wa Yahova, nivatanga kusigamira vanyasaye va Baali;

Vakalagi 2:11 ပူးပေါင်းရင်းမြစ်များ

Litanga 13:13

uwa vandu valio vaali avachamu kandi vakora uvwoni ku Yahova.

Litanga 38:7

Kunangwa Yahova yita Eri kigira miima jije jaali midamanu kandi si yayanzizwa najo mba.

1 Avami 11:5

Yasigamira Ashitarozi, nyasaye wikikali wa Sidoni, kandi Moleki, nyasaye wukuvihiliriza wa Amoni.

1 Avami 18:18

Elija yativura “Inzi simbeeye mudambizi mba. Ni ivi harara na baba woovo avaveeye vadambizi. Ivi uvula kuhulira malago ga Yahova nukusigamira vifananyi via Baali.

1 Avami 22:53

Ahazia yasigamira nukutumikira Baali, na kuli baba weve waali imbiri weve, yavuukiza vutima vwa Yahova, Nyasaye wa Isiraeli.

2 Kyetsinyinga 28:2

Navuzwa yalonda liiva lia avami va Isiraeli. Kali yalomba vifananyi via Baali ivialongwa kutura ku Vivia,

2 Kyetsinyinga 28:3

Yasamba kimuli mu Livona lia Hinomu, kali yahaana avayaayi veve kuli visiuviliru viukusambira misambwa, kolondekana ni likora liukuvihiliriza lie zihiiri zia Yahova yakunga kutura mu kivala imbiri wa avandu va Isiraeli.

2 Kyetsinyinga 33:6

Yahaana avayaayi veve kuli visiuviliru viukusambwa mu Livona lia Hinomu. Yakola uvusigitiri, uvukumu, uvulaguli. Yakola uvudamanu vunyingi mu zimoni zia Yahova kandi naavukiza uvutima vwivwe.

Ezara 8:12

Johanani muyaayi wa Hakatani uwi ihiiri ya Azigadi harara navasaza 110.

Nehemia 9:26

“Navuzwa avandu vovo vibaara kandi nivavula kukuhulira vasuura kuhulira Lilaga liilio. Vita avaporofeti avaviganihiza, avavavolera viirane ku ivi vaanyega ivi vuli ing'inga.

Zaburi 78:56

Navuzwa avandu va Isiraeli vibaara ku Nyasaye Wuvunyali, kandi nivamugeriza. Sivahulira malago geege mba.

Jeremia 11:10

Vamali kwirana kokora uvwoni vwa avaguuga vaavo, avasuuraa kuhulira amakuva gange. Vamali kugirung'ana kuzia kusigamira kandi kutumikira avanyasaye vandi. Avandu va Isiraeli na vandu vi Ivuyuda vamali kuvunaga lilagana lia ndaalomba na avaguuga vaavo.

Jeremia 16:11

Kunangwa uvavoolere Yahova umali kovora, ‘Avaguuga vinyu vagirung'ana kutura ku inzi nivasigamira kandi nivatumikira avanyasaye vandi. Vandeka kandi sivatia nokolonda amigizu gange mba.

Jeremia 2:20

Mwami Munene Yahova avoora, “Munyi avandu va Isiraeli, madiku ga kale mwasuura zinguru ziange; mwasuura kutia kandi nu kusigamira inzi. Yee, ku vuli vigulu vitambi, kandi isi wa vuli musaala gwa amatu amavisi, mwasigamira avanyasaye.

Jeremia 2:23

Munyalandi kovora si mwayeyononyia aveene mba? Kandi si mwasigamira Baali kali hakuzu mba? Heenzi kuli mumali kokora uvwoni mu livona; loli ku aga mumali kokora. Muveeye kuli ing'amia yikikali, inyagura yiyi ni yiyi niyenya kutumwa.

Jeremia 32:23

Lwa vaduuka mukivala yiki, vaavugura miandu josi jaali mucho, navuzwa si vaatia amalago googo anoho si vamenya kolondekana na amagizu googo mba. Si vaakora kindu ku viosi via waali ni wavalaga mba. Kulwayago, ivi waleeta lidiviza yili liosi kuvo.

Jeremia 9:14

Muvogono yivwo vamali kuva avahindagirizi nukusigamira ivifananyi via Baali kuli avaguuga vaavo vavigiza vakole.

Livalidza 25:3

Kunangwa avandu va Isiraeli vahambana mu lisigamira vanyasaye va Baali ha Peori. Maku Yahova yaali nu vutima navo,

Kwidzulitsa 31:16

Yahova yavolera Musa, “Ivi uzizaa kukuza vwangu, na inyima wi likuza liilio avandu yava sivalava avasuuvirifu ku inzi kandi mba, valavunanyia lilagana liange lia ndalomba harara navo. Valandeka nu kusigamira avanyasaye vandi vi kivala cha vaveeye ahimbi kwingira mu.

Kwidzulitsa 4:25

“Kali lwa muliiva nimwakamenya mukivala zana ku ing'inga indambi, nokwivula avana na aviisukulu, mutakola uvwoni ku lielombera munyi aveene kifananyi chavazwa mu lifaana lie kindu choosi mba. Yaga gaveeye madamanu imbiri wa Yahova Nyasaye winyu kandi galamuvihiliriza.

Vakalagi 10:10

Maku vandu va Isiraeli vanira Yahova nivavoora, “Kwakora vwoni imbiri woovo, kigira kwaleka Ivi Yahova wiitu nukusigamira vanyasaye va Baali.”

Vakalagi 10:6

Avandu va Isiraeli vaakora uvwoni imbiri wa Yahova lwa vasigamira vanyasaye va Baali kandi Asitate, harara na vanyasaye va Sidoni, Moabu, Amoni na vanyasaye va Filisitia. Vivilira Yahova nivaleka kumusigamira.

Vakalagi 13:1

Avandu va Isiraeli vaakora vwoni imbiri wa Yahova, na Yahova yaleka vandu va Filisitia kuvamiiha ku mihiga arubaini.

Vakalagi 3:12

Avandu va Isiraeli vaakora vwoni imbiri wa yahova kandi. Kigira yaga, yahova yakola Egiloni umwami wa Moabu kuva ni zinguru kuvita Isiraeli.

Vakalagi 3:7

Avandu va Isiraeli vivilira Yahova Nyasaye wavo; vaakora vwoni imbiri weve, kandi nivasigamira vifananyi via Baali na Ashera.

Vakalagi 4:1

Lwa Ehudi yakuza, vandu va Isiraeli vaakora vwoni imbiri wa Yahova kandi.

Vakalagi 6:1

Avandu va Isiraeli vaakora uvwoni imbiri wa Yahova, kandi Yahova yaleka avandu va Midiani vavamiihi ku mihiga saba.

Vakalagi 6:25

Uvudiku yivwo Yahova yavolera Gidioni, “Vugula ijiriki ya baba woovo, ijiriki yakaviri eveeye ni mihiga saba, ma usambuli uvwali vwa Baali, uvwa baba woovo aveeye navwo, na otemagiri hasi munyasaye Ashera, wikikali ahimbi nu vwali zana;

Vakalagi 8:33

Kunangwa lwa Gidioni yaali niyakakuza, avandu va Isiraeli valeka Yahova, nivasigamira vanyasaye va Baali; nivalomba Baali wi lilagana kuva munyasaye wavo.

1 Samweli 12:10

Ahene yaho, vanira ku Yahova avakonye nivavoora, ‘Kunyi kwayona kigira kwagirung'ana nikutula ku ivi, Yahova, kandi nikusigamira vifananyi via Baali na Asitarite. Mwaza akohonyie kutura ku vasigu viitu, na kunyi kulakusigamira!’

1 Samweli 7:3

Samweli yavolera avandu va Isiraeli, “Niiva mulirana ku Yahova ni mioyo jinyu josi, kuduuka mwononyie avanyasaye vageni vosi kandi vifananyi via Asitarite, munyasaye mukali. Mwihaane aveene ligali ku Yahova kandi mumusigamiri, kandi alamuhonyia munyi kutura kuzinguru zia vandu va Filisitia.”

1 Samweli 7:4

Kunangwa Avaisiraeli vononyia vifananyi viavo viosi via Baali na Asitarite, kandi nivasigamira Yahova yeng'ine.