Vakalagi 19:13 - KITABU KITAKATIFU

¹³ Maku yavolera umutumikiri weve, “Hamba kwisundi ahimbi ni lidaala lia Gibea anoho Rama, makogone yo.”

Vakalagi 19:13 ပူးပေါင်းရင်းမြစ်များ

Isaya 10:29

Vamali kwambuka inyambuku, na vaziiye konyoora lisosa lia vudiku ha Geba! Avandu mu lidaala lia Rama vaveeye nu vuti, kandi avandu mu lidaala lia Gibea liu mwami Saolo vamali kwiluka.

Hosea 5:8

Mukubi visiriva viu vulwani mu Gibea! Mukubi kiliri mu Rama! Mukubi liyoga liu vulwani ha Bezaveni! O, munyi avandu va Benjamini, muzie muvulwani!

Joshua 18:28

Zela, Haelefu, Jebusi anoho Jerusalemi, na Gibea, Kiriazi-Jearimu, yaga na madaala manene komi na ine harara na madaala gagakumbiriza. Yiki nicho kivala cha vandu vi ihiiri ya Benjamini vanyoola kuli miandu jaavo.

Vakalagi 19:12

Mutumikiri weve yamuvolera, “Sikunyala kweveta mu lidaala litaveeye lia vandu va Isiraeli mba; navuzwa kulavita makuzie mu lidaala lia Gibea.”

Vakalagi 19:14

Vavita Jebusi kandi nivaziizagilira no logendo lwavo. Iliuva liali niliyeraa lwavaduuka mu lidaala lia Gibea mu kivala chi ihiiri ya Benjamini.

1 Samweli 10:26

Saolo yirana yengo weve mu lidaala lia Gibea. Avasaza valala vizingulu, ava Nyasaye yaali nadiiyi mioyo jaavo, vazia naye.