Vakalagi 18:8 - KITABU KITAKATIFU

⁸ Lwa vandu vatano yava viirana Zora na Eshitaoli, avandu vaali nivatigaye yengo vavateeva agavaali nivanyooye wavaziza.

Vakalagi 18:8 ပူးပေါင်းရင်းမြစ်များ

Joshua 15:33

Amadara gaveeye hi vigulu vitangira gaali Eshitaoli, Zora Ashina.

Vakalagi 13:2

Ing'inga yeyo, umundu yaali ho uwalangwa Manoa kutura mu lidaala lia Zora wihiiri ya Dani. Umukali weve yaali nakikiri kwivura ku umwana.

Vakalagi 16:31

Avamwavo veve na vandu vinyumba ya baba weve vasulunguta ni vazia kuvugura umuviri gwigwe. Vamuleeta nivamuyavira hagati ha Zora na Eshitaoli mu kilindwa cha Manoa baba weve. Yamiha Isiraeli ku mihiga sirini.

Vakalagi 18:11

Maku vandu miasita kutura mu ihiiri ya Dani nivaveeye niviugi vaatura Zora na Eshitaoli, vetegeka kulwaana.

Vakalagi 18:2

Kunangwa vandu va Dani vaatovora avandu vatano avaluviriri kutura mu zinyumba ziosi zie hiiri ma nivavatuma kutura mu madaala ga Zora na Eshitaoli na malago kuzia kutunyiriza ikivala. Avandu yava vosi vaatura mu vuli ihiiri. Lwa vaduuka mu kivala chivigulu cha Efuraimu, vamenya munyumba ya Mika.

Vakalagi 18:7

Kunangwa avandu vatano yava vaatura ni vazia mu lidaala lia Laishi. Valora kuli avandu uwene yeyo vaali nivamenyi mu mirembe kuli vandu va Sidoni. Vaali avandu vu murembe kandi avachiling'anu, vugira ililembana hagati haavo; vaali nivindu viosi viavenyaa. Vamenya ihale kutura ku vandu va Sidoni, na sivali ku nuvuhambani vwosi na vandu vandi mba.

Vakalagi 18:9

Vavativulira nivavoora, “Hambi kuzie kulwaana kivala cha Laishi. Kumali kolola ikivala, kandi keveeye ligali kigunamu. Mutikala vuzwa hano mba; koli vwangu! Tuli muzie kuvugura mu kivala yicho.