Vakalagi 18:30 - KITABU KITAKATIFU

³⁰ Avandu vihiiri ya Dani velombera vifananyi viukusigamira ha Janazani, umwana wa Gerishomu uwaali umwisukulu wa Musa, yatumika kuli umusaalisi ku avandu va Dani kandi ivisukulurwi vivie viatumika kuli avasaalisi vaavo kuduuka lwa vaahirwa mu vuhambi mukivala ekegeni.

Vakalagi 18:30 ပူးပေါင်းရင်းမြစ်များ

2 Avami 15:29

Mu madiku gi liamiiha lia Peka mwami wa Isiraeli, Tigilazi Pileseri mwami wa Asiria, yaza nagumira madaala manene ga Ijoni, Abe-Bezi Maaka, Jonoa, Kedeshi, Hazori, Gileadi, kandi Galilaya, harara ni kivala choosi cha Nafutali; yahira avandu mu vuhambe mu kivala cha Asiria.

2 Avami 17:18

Yahova yavihilirizwa na vandu va Isiraeli, kandi navatuliza mu zimoni zizie, naleka vuzwa uvwami vwa Vayuda vweng'ine.

2 Avami 17:20

Yahova yasura avandu va Isiraeli vosi, navaha amageri, navaviika mu makono ga vasigu valulu vaavo kuduuka lwa yavatuliza mu zimoni zizie.

2 Avami 17:22

Avandu va Isiraeli valonda mwami Jeroboamu ni vazizagilira kokora vwoni vwosi vwa yakola,

2 Avami 17:23

kuduuka mu limala, Yahova yaatuliza avandu va Isiraeli mu zimoni zizie, kuli yaali ni yaviganihiza kuvitira ku vatumikiri veve avaporofeti kunangwa avandu va Isiraeli vaahirwa mu vuhambe mu kivala cha Asiria, uwavakemenyi kuduuka lero.

Kutwula 18:3

kandi Gerishomu na Elieza, avayaayi veve vaviri. Musa yaali navooye, “Inzi ndaaveyange mugeni mu kivala kegeni”; kunangwa yaali ni nalangi muyaayi mulala Gerishomu.

Kutwula 2:22

uwamwivulira mwana muyaayi. Musa yevoolera mwene ndi, “Ndamugulika Gerishomu, kigira mbeeye mugeni mu kivala kinu.”

Kutwula 20:4

“Mutelomberi vifananyi vie kindu choosi mwiligulu anoho chuku lirova, anoho chu mumazi musi mwi lirova mba.

Kyavalevi 26:1

Yahova yavoola, “Mutelomberi ivifanayi, anoho kusingiliza vifananyi vialongwa, anoho zitiru ziamagina anoho magina gavazwa kuvisigamira mba. Inzi mbeeye Yahova Nyasaye winyu.

Kwidzulitsa 27:15

“ ‘Alaamwe mundu olomba kifananyi chavazwa anoho kutulwa, ikindu keveeye chu kuvihiliriza ku Yahova, miyinzi ja makono gu musiza, na akisingirizi muvwivisu, akisigamiri’ “Kandi avandu vosi valavoora, ‘Amini!’

Kwidzulitsa 31:16

Yahova yavolera Musa, “Ivi uzizaa kukuza vwangu, na inyima wi likuza liilio avandu yava sivalava avasuuvirifu ku inzi kandi mba, valavunanyia lilagana liange lia ndalomba harara navo. Valandeka nu kusigamira avanyasaye vandi vi kivala cha vaveeye ahimbi kwingira mu.

Kwidzulitsa 31:29

Manyi ligali ndi inyima wilikuza liange, avandu valagwa avadamanu kandi vasuuli icha ndaavigiza. Mu ing'inga yizaa, maduywa gukutihiza galavagwira, kigira valava ni vakora Yahova kuva nu vutima mulikola ga yavagaya vavuli kokora.”

Vakalagi 13:1

Avandu va Isiraeli vaakora vwoni imbiri wa Yahova, na Yahova yaleka vandu va Filisitia kuvamiiha ku mihiga arubaini.

Vakalagi 17:3

Yiranyia amabese zana ku mama weve, na mama weve yavoola, “Kwigalira ikilaamo kivuli kolonda muyaayi wange, kuduuka Inzi mwene mbane amabese yaga ku Yahova. Na galatumika kolomba kifananyi chukuvazwa ni chavakwa ifeza. Kalunu ndakwiranyira vidonye vie ifeza yeyo.”

Vakalagi 17:5

Mika yaali na havundu hehe hayazizaa kusigamira vifananyi. Yalomba vifananyi viukusigamira kandi kisifao kumuvolera aganyala kwekoleka mu madiku gimbiri, ma natovora mulala ku vayaayi veve kuva umusaalisi weve.