Vakalagi 18:29 - KITABU KITAKATIFU

²⁹ Vaagirung'anyia ilieta lia Laishi nivalilanga Dani, iliali lia guuga wavo Dani uwaali umwana wa Yakobo.

Vakalagi 18:29 ပူးပေါင်းရင်းမြစ်များ

Litanga 14:14

Lwa Aburamu yahulira ndi mwana wa amwavo weve amali kugumirwa, yalanga avasaza vosi vukukubana mu lihema lilie, vosi vaali 318, ma ni valondelera vami vane kuduuka Dani.

Litanga 30:6

Raheli yavoola, “Nyasaye umali kukalaga muliyaanzilira liange. Amali kuhulira lisaala liange kandi ambeeye mwana muyaayi.” Kunangwa yamugulika Dani.

Litanga 32:28

Mundu uyu yavoola, “Kutura kalunu lieta liilio si ulalangwa Yakobo mba, navuzwa ulalangwa ‘Isiraeli’ kigira ivi umali kulwaana na Nyasaye kandi na vandu, na umali kuguuta.”

2 Samweli 17:11

Livoora lie zing'anagani ziange liveeye ndi oleete avandu vosi va Isiraeli harara, kutura ku lwako lulala kuduuka ku lundi, avanyingi kuli muyeke ku lujinga lwi inyanza, kandi uviimiliri ivi mwene mu vulwani.

1 Avami 15:20

Mwami Benihadadi yavugilira ku zing'anagani ziu Mwami Asa yaali naleti, kandi natuma vanene veve vi liihe harara na mahe gaavo kwingilira madaala manene ga Isiraeli. Vagumira Ijoni, Dani, Abeli Bezi Maaka, kivala keveeye himbi ku inyanza ya Galilaya; kandi kivala choosi cha Nafutali.

Jeremia 8:16

Avasigu viitu vadukikale mu lidaala linene lia Dani; kuhuliraa lihuuma lie zibarasi ziavo. Kivala choosi kedegeraa lwi zibarasi ziavo zifuumaa. Avasigu viitu vazi kudiviza kivala chietu kandi ni vindu viosi viveeye mu, lidaala lietu linene harara na avandu vamenyi mu.”

Kwidzulitsa 34:1

Musa yanigira kutura mu vireremo via Moabu kuzia ku Kiguru cha Nebo, kuduuka kondongozi kwi kiguru cha Pisiga, ivugwi wa Jeriko, nu uwene yeyo, Yahova yamumanyia kivala choosi: kivala cha Gileadi kuduuka Ivugwi wi lidaala lia Dani,

Joshua 19:47

Lwa vandu vi ihiiri ya Dani vanyagwa kivala chavo, vazia nivingilira lidaala linene lia Laishi. Valigumira, niviita avandu vaali mulio, kandi nivalivugula kuva liavo. Vamenya mu kandi nivagirung'anyia lieta lielidaala zana kutura Laishi kuzia ku Dani, valigulika inyima wa guuga wavo Dani.

Vakalagi 18:7

Kunangwa avandu vatano yava vaatura ni vazia mu lidaala lia Laishi. Valora kuli avandu uwene yeyo vaali nivamenyi mu mirembe kuli vandu va Sidoni. Vaali avandu vu murembe kandi avachiling'anu, vugira ililembana hagati haavo; vaali nivindu viosi viavenyaa. Vamenya ihale kutura ku vandu va Sidoni, na sivali ku nuvuhambani vwosi na vandu vandi mba.

Vakalagi 20:1

Avandu vosi va Isiraeli kutura Dani kolovega lwi ivaale kuduuka Beerisheba kolovega lwi savaalu, kandi kutura mu kivala cha Gileadi kolovega lwi vugwi vahulira umulango. Viivungikizana harara ha Mizipa.