Vakalagi 18:12 - KITABU KITAKATIFU

¹² Vazia nivamenya hokososa imadioli wa Kiriazi-Jearimu mu kivala chi Ivuyuda. Yiki nicho kigira havundu hene yaaha nihalangwa Hokososa ha Dani kuduuka kalunu.

Vakalagi 18:12 ပူးပေါင်းရင်းမြစ်များ

2 Kyetsinyinga 1:4

Navuzwa Lisandugu lie lilagana liali mu Jerusalemi, na liavikwa mu Lihema liu Mwami Daudi yaali yasingiriza lwa yalileeta kutura mu kivala cha Kiriazi-Jearimu.

Joshua 15:60

Gaali ho Kirizi Baali anoho Kiriazi-Jearimu kandi Raba; amadara manene gaviri harara nutudaala twago twosi twagakumberiza.

Joshua 15:9

Kutura uwene yeyo lwazia kuduuka ku vidaho via Mefitoa kandi ichova kuduuka ki madaala manene gaveeye himbi ni kiguru cha Efuroni. Uwene yeyo lwagirung'ana kohenza lidaala lia Baala, ililangwa kalunu Kiriazi-Jearimu;

Joshua 9:17

Kunangwa vandu va Isiraeli vasamula ku logendo kandi ku lidiku lia kavaga, vaduuka mu madaala mwa vandu yava vamenya: Gibeoni, Kefira, Beorozi, na Kiriazi-Jearimu.

Vakalagi 13:25

Kandi zinguru zia Yahova ziatanga kuyinzira muye nu lwa yaali hagati ha Zora na Eshitaoli hokososa ha Dani.

Vakalagi 18:11

Maku vandu miasita kutura mu ihiiri ya Dani nivaveeye niviugi vaatura Zora na Eshitaoli, vetegeka kulwaana.

Vakalagi 18:13

Vazizagilira nivaduuka munyumba ya Mika mu kivala chi vigulu cha Efuraimu.

1 Samweli 6:21

Vaatuma avatumwa ku vandu va Kiriazi-Jearimu kovora, “Avafilisitia vamali kwilanyia Lisandugu lie Lilagana lia Yahova. Hambi yinu mulivuguli.”

1 Samweli 7:1

Kunangwa avandu va Kiriazi-Jearimu vavugura lisandugu lie Lilagana lia Yahova kandi nivalihila munyumba yu mundu ulangwa Abinadabu, uwamenyaa ku kiguru. Vasaalisa muyaayi weve Elieza ave mulindi walio.