Vakalagi 17:5 - KITABU KITAKATIFU

⁵ Mika yaali na havundu hehe hayazizaa kusigamira vifananyi. Yalomba vifananyi viukusigamira kandi kisifao kumuvolera aganyala kwekoleka mu madiku gimbiri, ma natovora mulala ku vayaayi veve kuva umusaalisi weve.

Vakalagi 17:5 ပူးပေါင်းရင်းမြစ်များ

Litanga 31:19

Lwa Labani yaali naziiyi kukalaga vwoya vwa magondi geege, Raheli yiva avanyasaye vi inyumba ya baba weve.

Litanga 31:30

Inzi manyi ndi wiruki kigira waali nuvuha kwirana hango ha baba woovo, navuzwa kigira ki wiva avanyasaye vi inyumba yange?”

1 Avami 12:31

Jeroboamu yumbaka kandi havundu hukusigamira kuzindongozi zie vigulu, kandi yatovola vasaalisi kutura mu zinyumba zitaveeye zie ihiiri ya Levi.

1 Avami 12:32

Jeroboamu kandi yatangiza lisavo ku lidiku lia 15 liu mweli gwa munane, kuli lisavo liali Ivuyuda. Vahaana visiuviliru ku vanyasaye vi vimoli vigiriki via yaali naalombi, kutura ku ifeza mu Bezeli, kandi yavika yo avasaalisi vatumika havundu hukusigamira misambwa ha yaali niyumbaki.

Ezara 1:7

Mwami Sairasi kandi yiranyia viju vie Litembeli lia Yahova viu mwami Nebukadineza yaali nagingi kutura Jerusalemi navihili kuviviika mu Litembeli lia vanyasaye veve.

Kutwula 24:5

Maku yatuma vasoleri ku avandu va Isiraeli, vasambiri Yahova visiuviliru vie zing'ombe kuva vihaanwa vie mirembe.

Kutwula 28:15

“Olombere musaalisi munene isalamba atumikiri mu limanyiriza uvulariri vwange. Kuduuka elombwe ku vindu vilala viere kuli kisibaho, yirangi ya bulu, muzambarao inzakanyu kandi yikatani indahi.

Kutwula 28:4

Uvavoolere valombe isalamba, kisibaho, chumusaalisi iganza, lisadi lianavirwa mu amangirinya, kelemba, kandi musibi. Gavadukiraa valombere amwavo woovo Haruni zinguvu ziuvusalisi harara na avayaayi veve, kunangwa vave avanyala kundumikira kuli avasaalisi.

Kutwula 29:9

imisibi mu visindi viavo kandi zikofia ku mitwi jaavo. Nindio gakuduukiraa uviiki utakase Haruni na vayaayi veve. Yavo harara ni visukululwi viavo valandumikira kuli avasaalisi mihiga ni mihiga.

Isaya 44:13

Umuvazi agelaa lubaho numugoye. Akekolaa umufano gwi kindu cha yenya kuvaaza, ma akivaaza ni viju vivie nokokelomba mu lifana liu mundu, mu lifana liu mundu mulahi wukuyaanziza ma akiviika munyumba yeye.

Ezekieli 21:21

Mwami wa Babiloni asingiyi hakelolero mu vwavukaniru vwi zinzira. Kumanyiriza inzira yukuziraku, kuduuka akole yaga: Asungusi uvuta, azie kuvasigitili kandi ahenzerizi mu ingudumani yinyama yi kisiuviriru.

Ezekieli 21:26

Inzi, Yahova Wuvunyali mali kovora. Utulizi igudwa yooyo nekelemba chicho. Vindu si vilava kuli vivezaa mba. Vadedekere valanenehizwa kandi avigingiri valikizwa.

Hosea 3:4

Mu liiva kuli yili avandu va Isiraeli valakamenye ku ing'inga indambi vugira avami anoho aviimiliri, vugira visiuviliru anoho magina gizitiilu matakatifu, vugira vifananyi viu kutumikira ku vusigitiri.

Hosea 8:14

“Avandu va Isiraeli vamali kwumbaka zinyumba ziuvwami, navuzwa vayivilira mulombi wavo. Avandu vi Ivuyuda vamali kwumbaka madaala manene gi zimbinga. Navuzwa inzi ndasamba zinyumba ziavo ziu vwami kandi madaala gaavo manene.”

Livalidza 3:10

Ivi ulatovola Haruni harara na vayaayi veve kokora miyinzi juvusaalisi; wundi mundu woosi ogeliza kokora miyinzi yiji aliitwa.”

Vahebraina 5:4

Sihaveeyeho nu mundu wivuguliraa umwene luyali lwu kuva musaalisi munene mba. Samulala gamudukira Nyasaye amutovole kuli yatovola Haruni.

Vakalagi 17:4

Lwa yiranyira mama weve amabese, mama weve yavugula vidonye mia mbiri vie ifeza, nahaana ku muturi wi vivia naye nalomba kifananyi chukuvazwa ni kivakwa ifeza. Kifananyi zana chaviikwa mu nyumba ya Mika.

Vakalagi 18:14

Maku avandu vatano avaari nivazia kutunyiriza kivala ichakumbiriza Laishi vavoolera avalina vaavo, “Mwamanya munyumba ndala ku ziveeye hano yizi kifananyi chavazwa ku musaala nacho chavakwa ifeza? Harara ni Kisibao kindi koveeye mu. Muganaganaa gakuduukiraa kokole ki?”

Vakalagi 18:24

Mika yativura navoora, “Muvuguyi vanyasaye va ndalomba, kandi umusaalisi wange ma mutangi logendo! Sindigaye ku ni choosi mba.”

Vakalagi 18:30

Avandu vihiiri ya Dani velombera vifananyi viukusigamira ha Janazani, umwana wa Gerishomu uwaali umwisukulu wa Musa, yatumika kuli umusaalisi ku avandu va Dani kandi ivisukulurwi vivie viatumika kuli avasaalisi vaavo kuduuka lwa vaahirwa mu vuhambi mukivala ekegeni.

Vakalagi 8:27

Gidioni yalomba ikimanyiru chi zahabu ma naakiviika mu lidaala lilie lia Ofura. Avaisiraeli vosi valeka Nyasaye nivasigamira ikimanyiru yiki. Yigu gwaali umutego ku Gidioni na vinyumba yeeye.

1 Samweli 19:13

Maku Mikali yavugula kifananyi chi inyumba yaavo, naakegonyia kukidali, naviika mudo gwalombwa ku vwoya vwizimbuli ha mutwi gwacho ma naakifuma ni inguvu.

1 Samweli 23:6

Lwa Abiazari muyaayi wa Ahimeleki yiruka niyiiyunga na Daudi, mu Keila; yazia ni kisibaho.