Vakalagi 17:10 - KITABU KITAKATIFU

¹⁰ Mika yamuvolera, “Menya hano harara ninzi. Ulava ku Inzi kuli umukonyi kandi umusaalisi. Ndakuha ividonye viefeza likomi vuli muhiga komeeda ku zinguvu, harara ni chukulia.”

Vakalagi 17:10 ပူးပေါင်းရင်းမြစ်များ

Litanga 45:8

Kunangwa si mwali munyi avanduma hano mba, navuzwa Nyasaye; umali kongonya kuva mutumikiri munene wu mwami. Mbeeye munene munyumba yeeye yu vwami, kandi mwamihi mukivala choosi cha Egebeti.

2 Avami 13:14

Muporofeti Elisha yaali mulwaye ligali, kandi lwa yaali naguvaguvaa mwami Jehoashi wa Isiraeli yasulunguta kuzia ku muloraa. Yamulilira navoora, “Baba wange! Baba wange! Ivi waveeye mukingi wi zinguru wa Isiraeli! Ligali uziiyi!”

2 Avami 2:12

Na Elisha yalilola ma yalilira Elija, “Baba wange, baba wange! Mukingi wi zinguru zia Isiraeli! Ligali uziiyi!” Kandi siyalola Elija kandi mba. Mu vovereri vonene ligali, Elisha yatandula inguvu yeye yu vusaalisi mu zimbala ziviri.

2 Avami 6:21

Lwu mwami wa Isiraeli yalora Vasiria yava, yateeva Elisha, “Nzite avandu yava, mwami wange? Mbiiti?”

Ayubu 29:16

Ndaali baba ku avadaka, kandi ndenyeleriza amakuva ga uyu wa ndaavura kumanya.

Isaya 22:21

Ndakavuguli zinguvu ziovonene vuvwo kandi nu musibi gugwo nu kumuviika. Ndakamuhe zinguru zizio ziosi. Alakave kuli baba wa vandu va Jerusalemi ni Ivuyuda.

Ezekieli 13:19

Munyi mwavura kuhaana luyali ku inzi imbiri wa vandu vange kunangwa muduuki konyoora uvuswage vokekeeke kandi migadi mikekeeke. Mwita vandu vataduukanaa kwitwa kandi muhonyia vandu vataduukanaa vavuli kuva mwoyo. Kunangwa muvooraa makuva gu vugadi ku vandu vange, kandi vamusuuvira.”

Matayo 26:15

navateeva, “Mulaamba ki ninzaama Yeso ku munyi?” Vaamuvalizira ividonye salasini viefeza ni vamuha.

Yohana 12:6

Si yavoola yaga kigira yahendera nokovelera avadaka, navuzwa kigira yaali umbiki wa mabese, na kuli yaali mwivi, vuli ing'inga yivaa kutura mu livikiru yilio.

1 Petro 5:2

Mugoonyaa ligali, mwaaye ichayo cha Nyasaye yamuha kulinda kandi mukindu nu vwihaani. Gatava ku linigwa, navuzwa ku mwoyo gwu vuyanzi kuli uvulariri vwa Nyasaye; Gatava kigira linyola mitungu, navuzwa mukore nu mwoyo gwu vwihaani.

Vakalagi 17:11

Muyaayi uyu yaavugilira komenya na Mika. Mika yaali ku Mika kuli mulala ku avayaayi veve.

Vakalagi 17:9

Mika yamuteeva, “Uturaa hayi?” Yamutivulira navoora, “Inzi nu mundu wi ihiiri ya Levi kutura Bezelehemu yi Vuyuda. Mbenza hanyala komenya.”

Vakalagi 18:4

Yativura navavoolera, “Mbeeye nu mupango ni lilohiza na Mika undungaa kumutumikira kuli umusaalisi weve.”

1 Samweli 2:36

Ku vosi visukululwi vovo avalitigala mwoyo valazia ku musaalisi oyo kandi vamusave mabese ni chukulia, kandi kogoonya vavugilirwi vakonye avasaalisi, kunangwa vaduuki konyoora kindu cha valia.”