Vakalagi 16:24 - KITABU KITAKATIFU

²⁴ Lwa vandu valora Samusoni, vizominya munyasaye gwaavo nivavoora, “Munyasaye wiitu ukuguutiyi umusigu wiitu, Uyu uwononyia ikivala chiitu kandi naakwita kuvita ekegero.”

Vakalagi 16:24 ပူးပေါင်းရင်းမြစ်များ

1 Kyetsinyinga 10:9

Vakala mutwi gwa Saolo, nivanaavura iviuma vivie, ni vatuma avatumwa navio mu kivala cha Filisitia choosi okovolera ivifananyi viavo via vasigamira kandi avandu vaavo amakuva malahi yaga.

Zaburi 97:7

Sa mulala usigamiraa vifananyi avikiywi mu zisoni; avanyasaye vosi viinama imbiri wa Yahova.

Isaya 37:20

Kalunu, O, Yahova Nyasaye wiitu, okosoole kutura ku vandu va Asiria, kunangwa zihiiri ziosi zie kivala ziduuki kumanya ndi ivi weng'ine oveeye Nyasaye.”

Ezekieli 20:14

Navuzwa si ndaakola ndio mba, kigira yaga gaali ganyala kwikiza luyali lwange hagati hi zihiiri zialola ninyimiliraa avandu va Isiraeli kutura mu kivala cha Egebeti.

Danyeli 5:23

Oveeye ni liegingira ku Yahova wu mwigulu, kandi wavugula viju kutura munyumba ya Nyasaye wavileeta imbiri woovo. Wavihaana ku vandu vu munyumba yu vwamihi, avakali vovo kandi vakali vovo vaviika vanweramu iwaini. Wizominya avanyasaye valombwa kutura ku ifeza, izahabu, magina gu mugasa, vivia, misaala kandi magina; vanyasaye vatalolaa anoho kuhulira anoho vatamanyi, navuzwa si wahaana luyali ku Nyasaye oveeye ni litovola ku limenya anoho likuza mba; kandi oveeye nu vunyali ku vindu viosi via okolaa.

Danyeli 5:4

Vizominya avanyasaye valombwa ku izahabu, ifeza, magina gu mugasa, vivia, misaala kandi magina.

Habakuk 1:16

Kali vasigamira miluvo jaavo kandi vahaana vihaanwa vie visiuviliru kuzio, kigira miluvo jaavo givahezaa choosi cha venya.

Kwidzulitsa 32:27

Navuzwa sindakaleke avasigu vaavo vigingiri, ndi vamali kuguuta avandu vange, lwa yaali ninzi Yahova mwene umali kuvasionolanyia.’

Likunula 11:10

Avandu vamenya mu lirova, valayanzizwa nu kusangara ku likuza liavo kandi valahaanilana vihaanwa kigira avaporofeti vaviri yavo avaleeta uvusaliri ovonene ligali ku avandu vamenya ku lirova.

Vakalagi 15:14

Lwa yaduuka ha Lehi, vandu va Filisitia vaza wayaali nivanyagura, nivamuhanzukila. Nonoho yanyoora izingulu zia Yahova, na yakalanyia imigiye javaali nivavoheye amakono geege, nijifanaa kuli uluvusi lusambiywi mu muliru.

Vakalagi 15:16

Samusoni yimba: “Ndiita avandu elefu ndala, ni kigumba chu lusaya lwi bunda; kigumba chu lusaya lwi bunda Inzi ndaavavungiza mu vitumi.”

Vakalagi 15:8

Yavingilira ni zinguru ziosi, niyiita vandu avanyingi. Maku yamanya nazia komenya muluhangaywa lwulwanda lwa Etamu.

Vakalagi 16:25

Lwa vaali ni vakasangala ligali mu mioyo jaavo, vavoola, “Leeti Samusoni akokole kusangale.” Maku valanga Samusoni kutura muvuhambe, navavinira mulivayaanziza vaduuki kusangara. Maku vamuhira nasingira hagati hi zitiru ziviri.

1 Samweli 31:9

Vakala mutwi gwa Saolo nigutura kumuviri, nivanaavura isalamba niviuma vive kandi nivatuma vatumwa navio mu kivala choosi cha vandu va Filisitia kovoolera misambwa na vandu vosi amakuva malahi yaga.