Vakalagi 16:14 - KITABU KITAKATIFU

¹⁴ Delila yakola Samusoni naagona, manaavugura ivisutuka saba vie liisu lilie, ma naalivoha vudinyu. Yahanzuka, “Samusoni! Avandu va Filisitia vazaa!” Navuzwa Samusoni yavuka vwangu naang'usa visutuka nivilekana.

Vakalagi 16:14 ပူးပေါင်းရင်းမြစ်များ

Zaburi 106:43

Yahova yahonyia avandu veve haali kanyingi, navuzwa vatovora kwibaala kuye, kandi vazizagilira kwiyingiriza mu vwoni vunyingi ligali.

Vakalagi 16:13

Delila yavolera Samusoni, “Ivi ungadaa no kongola musiru nuvula kombolera agiligali. Mbolera kuli mundu anyala kokovoha.” Samusoni yamuvolera, “Niiva unyala kuvugura ivisutuka saba vie liisu liange ma uvivohe nu vuvusi vudinyu, zizingulu ziange zilageha, na Inzi ndava vuzwa kuli avandu vandi vosi.”

Vakalagi 16:15

Delila yamuvolera, “Unyala kovora ndi wainyaanza, lwa ombehelaa. Ongoli umusiru haali kavaga, na kuduuka kalunu ukikiri kombolera ikindu kekolombaa nuuva ni zinguru ligali.”