Vakalagi 15:6 - KITABU KITAKATIFU

⁶ Hene yaho vandu va Filisitia vateva, “Nivwaha umali kokora yaga goosi?” Navavoola, “Ni Samusoni, kigira baba wu mukaana weve kutura Timuna yavugula umukali weve wa yaaserera, ma namuhaana ku mulina wamusingilira mu keserero.” Vandu va Filisitia vaatura ni vazia nivasamba umukali uyu harara na baba weve.

Vakalagi 15:6 ပူးပေါင်းရင်းမြစ်များ

Tsing'ano 22:8

Mundu utagaa vudamanu alagesa kivi, ni lidambiza lia dambiza vandi lilahelizwa.

1 Vatesalonike 4:6

Mu makuva yaga, mundu atakolera Mukristayo wache uvudamanu. Umwami mwene alavaanza kisaalia ku yavo avakolaa vindu yivi viosi; kuli kwamuvolera, kandi ku mwiganihizaa nizinguru.

Vakalagi 12:1

Avandu va Efuraimu vetegekera uvulwani; vaambuka Mugera gwa Jorodani ni vazia Zafoni nivavolera Jefuza, “Kigira ki waasila ulwako nuzia kulwaana vandu va Amoni vugira kukulanga kuzia nivi? Kulakusambira munyumba!”

Vakalagi 14:15

Lidiku liakora gane vavoolera mukali wa Samusoni, “Ogonye musaza woovo aduuki kukuvuulira cha uvubara aduuki kukuvuulira cha ulugano lovoolaa; nigataveeye ndio kulakusamba nu muliru, ivi harara ninyumba ya baba woovo. Ivi nu musaza woovo mukogenihizi kunangwa muduuki kukunyaga viakoveeye navio. Sigaveeye ndio?”

Vakalagi 15:5

Maku yahambiza umuliru ku mikira manavilakura kuzia mu milimi jingano ya vandu va Filisitia. Munzira yiyi, yasamba ingano iyaali ni yaageswa ni yindi yaali nikikiri kogeswa, harara ni milimi ja Mizeituni.

Vakalagi 15:7

Kandi Samusoni yavavolera, “Niiva nindio mukoraa, kuduuka ndungizi kisaalia kumunyi, ndakamala kokora ndio, ndazia.”