Vakalagi 15:18 - KITABU KITAKATIFU

¹⁸ Maku yamanya naahulira uvuluhu uvunyingi, na yalanga Yahova navoora, “Ivi wamba iliguuta linene yili; Gaduukanaa nguzi kigira uvuluhu kandi ngumilwi na vandu va Filisitia yava, avatamanyi Ivi?”

Vakalagi 15:18 ပူးပေါင်းရင်းမြစ်များ

Litanga 20:11

Aburahamu yativura, “Inzi ngoli ndio kigira ndaaganagana ndi havundu yaaha avulaho mundu watia Nyasaye, na valanzita ma vavuguli mukali wange.

Litanga 32:31

Yakobo yatura Penieli liuva nilikiri kutura. Yagenda nasegera kigira ivazwa yeeye.

2 Samweli 1:20

Utalandiza makuva yaga mu Gazi anoho mu zinzira zia Ashikeloni, gase avakali va vandu va Filisitia valasangala, gase avakaana va avandu vatamanyi Nyasaye valasangala. Avakaana avandu vatamanyi Nyasaye valasangala.

Yohana 19:28

Lwa Yeso yamanya ndi ivindu viosi vidukiziywi kandi kolomba Amang'oda Matakatifu kuva agiligali, yavoola, “Mbeeye nuvuluhu.”

Vahebraina 11:32

Mbeeye namanyingi gokovoola, navuzwa zing'inga sizimbugiliraa mbore amakuva ga Gidioni, naga Baraka, naga Samusoni, naga Jafeza; naga Daudi, naga Samweli, naga Vaporofeti mba.

Vakalagi 14:3

Navuzwa baba weve na mama weve vamuteeva, “Kigira ki wenyaa koleta umukali kutura mu vandu va Filisitia avatamanyi Nyasaye? Siunyala konyoora umukana kutura munyumba yitu yene anoho hagati ha vandu viitu vosi?” Samusoni yavolera baba weve, “Zia ondetere kigira yaakumala kunyaanziza.”

Vakalagi 15:17

Lwinyima yasiuva ikigumba chu lusaya zana. Havundu hamakuva yaga gekolekeraa, halangwa Ramazi Lehi.

Vakalagi 16:28

Maku Samusoni yasaala navoora, “Yahova Wuvunyali, mwaza nzizuliza; mwaza, Nyasaye, mbe zinguru ziange ing'inga yiyi yenyine vuzwa, oleke mbanze ikisalia ku vandu va Filisitia kigira zimoni ziange ziviri yizi.”

Vakalagi 8:4

Kuduuka ing'inga yiyi, Gidioni na vandu veve miatatu vaali nivakaduuka ha Mugera gwa Jorodani, kandi nivaakambuka. Vaali nivaluhi ligali, navuzwa vaali nivakikuunga vasigu.

1 Samweli 17:26

Daudi yateeva vasaza vaali nivaveeye ahimbi naye, “Musaza uva niyiita mundu Mufilisitia uyu nokovoholola Isiraeli kutura mu zisoni yizi alahevwaki? Kali ndio nivwaha, Mufilisitia musiindi uyu olegeriza liihi lia Nyasaye oveeye mwoyo?”

1 Samweli 17:36

Inzi, mutumikiri woovo ndayita ving'ang'a kandi ni zidubu, kandi ndakora malala mere ku Mufilisitia musiindi uyu, umali konyega liihi lia Nyasaye, oveeye mwoyo.

1 Samweli 27:1

Maku Daudi yaganagana mu mwoyo gwigwe, “Lilala ku madiku yaga, Saolo yaza yanzite. Kindu kilahi chokokola nukwirukira mu kivala cha vandu va Filisitia. Ahene yaho Saolo alatuliza mwoyo ku lienya inzi mu Isiraeli, na ndio inzi ndahonyia livamwoyo liange.”