Vakalagi 15:14 - KITABU KITAKATIFU

¹⁴ Lwa yaduuka ha Lehi, vandu va Filisitia vaza wayaali nivanyagura, nivamuhanzukila. Nonoho yanyoora izingulu zia Yahova, na yakalanyia imigiye javaali nivavoheye amakono geege, nijifanaa kuli uluvusi lusambiywi mu muliru.

Vakalagi 15:14 ပူးပေါင်းရင်းမြစ်များ

Ayubu 20:5

uvusangari vwa avandu vachamu voveeye vwi ing'inga engekeeke.

Zaburi 118:11

Vangumbiriza ku zimbega ziosi; navuzwa ndavaguuta kuzinguru zia Yahova!

Zaburi 18:34

Yanzigizaa kuli nyara kulwaana, kunangwa nduuki kutumikira uvuta vwu mugasa vwizingulu kuvita vwosi.

Kutwula 14:3

Mwami alaganagana ndi, ‘Avandu va Isiraeli vavodong'anaa mu kivala, na vigaliiywi nichangalangwi.’

Kutwula 14:5

Lwu Mwami wa Egebeti yavolerwa ndi avandu va Isiraeli vamali kwiluka, oyo harara na vatumikiri veve vagirung'anyia zing'anagani ziavo ni vavoola, “Kokoli kindiki yiki? Kumali koleka vandu va Isiraeli viiruki, kandi kumali kuvagotiza kuli avatugwa viitu!”

Mika 7:8

Mutasangalira kivi change, O, muinyi avasigu viitu lwakugwa, kulavuuka kandi. Kali ninzikala mu kisundi, Yahova alava uvulavu vwange.

Zekaria 4:6

Maku engelosi yambolera kuhaana makuva yaga ku Zerubabeli kutura ku Yahova: “Ulanyaliza, na si gaveeye kigira vunyali vuvwo anoho kigira zinguru zizio mba, navuzwa gaveeye kigira Roho wange Yahova wamahi avoora.

Vafilipi 4:3

Ndeva ivi muyinziri musuuvirifu wache, yaanza okonye avakali yava. Vayinzira vudinyu harara ninzi kulandiza Ivangeri ni zinguru, harara na Kilemendi kandi avayinziri vache vosi, avamita gaavo gang'odwa mu kitabu chi livamwoyo.

Vakalagi 14:19

Nonoho izingulu zia Yahova ziamwizula nasulungutaa mu Ashikeloni, niyiita avasaza salasini, navatuliza izinguvu ziavo, nazihaana ku vasaza vaativura ulugano. Agene yaga nigakavita, yirana yengo wa baba weve naasinyiki ligali.

Vakalagi 14:6

Nonoho, Samusoni yahulira zinguru zia Yahova ni zimwizuuyi, na yatandulanyia isimba zana yeyo mu vidonye kuli umundu anyala kutandulanyia kememe chimbuli, kali niiva siyaali nichugi mu mukono gwigwe. Navuzwa siyavolera aviivuli veve chayaali naakori mba.

Vakalagi 15:13

“Gaveeye malahi,” vavoola “Kulakovoha vuzwa, na kukuhiri ku vandu va Filisitia vene yavo. Sikulakwita kunyi aveene mba.” Kunangwa vamuvugura, nivamuvoha ni migoye imihia giviri, nu kumutuliza mu luhangaywa lwu lwanda.

Vakalagi 15:9

Avandu va Filisitia valomba hokososa mu Yuda, nivalwana ilidaala lia Lehi.

Vakalagi 16:12

Kunangwa Delila yavugula imigoye imihia nukumuvoha. Maku yahanzuka, “Samusoni! Avandu va Filisitia vazaa!” Avandu zana vaali nivalindilira mu keng'oze. Navuzwa yagadula imigoye yijo kuli umundu agadulaa uluvusi.

Vakalagi 16:24

Lwa vandu valora Samusoni, vizominya munyasaye gwaavo nivavoora, “Munyasaye wiitu ukuguutiyi umusigu wiitu, Uyu uwononyia ikivala chiitu kandi naakwita kuvita ekegero.”

Vakalagi 16:9

Delila yaali naavisi avandu vasaza mu keng'oze chinyumba yeyo. Yahanzuka, “Samusoni, vandu va Filisitia vamali kuduuka!” Navuzwa Samusoni yaagadulanyia imigoye ju vuta na jagaduka kuli ekedonye chu luvusi lugadukaa lwa kiviikwa ku muliru. Kunangwa vandu va Filisitia sivamaya ahizingulu zia Samusoni ziaviswa mba.

Vakalagi 3:10

Roho wa Yahova yaza kuye, ma naagwa umwimiliri wa vandu va Isiraeli. Ozinieli yazia mu vulwani na Yahova yamuha uvuguuti ku umwami wa Mesopotamia.

Vakalagi 5:30

“Veyenyela vuzwa vindu viukugumira nukugavurana, umukana anoho vaviri ku vuli mundu wuvulwaani, izinguvu zia Sisera ziuvuguli vonene, iziaviikwa amangirinya zimbega ziosi ziayaandetelaa.”

1 Samweli 10:10

Lwa Saolo nu mutumikiri weve vaduuka ha Gibea, muganda gwa avaporofeti gwagaana naye. Nonoho Roho wa Nyasaye yaza kuye nizinguru, kandi yahambana navo mu liporofeta liavo.

1 Samweli 10:6

Nonoho Roho wa Yahova alaza ku ivi ni zinguru, na ivi ulaporofeta harara navo, kandi ulagirung'anywa kugwa umundu wu lugano lundi.

1 Samweli 11:6

Lwa Saolo yahulira amakuva yaga, Roho wa Nyasaye yaza kuye nizinguru zinene ligali muno; kandi uvutima vwivwe vwaka ligali kuli muliru.

1 Samweli 17:35

Inzi ngerondaa, nokukitulira, kandi kohonyia kememe chi ligondi kutura mu munwa gwacho. Kandi niiva king'ang'a kinga idubu inzikiluka, inzi ngigumira mwigoti, ngikuya nuku jiita.

1 Samweli 4:5

Lwa Lisandugu lie Lilagana lia Yahova liaduuka mu hokososa, avandu va Isiraeli vosi vasangala ligali nivahanzuka nu mwoyo munene, kali lirova lialangilira.