Vakalagi 14:17 - KITABU KITAKATIFU

¹⁷ Mukali wa Samusoni yalira kumadiku saba goosi agiliilia. Navuzwa ku lidiku lia saba Samusoni yamuvolera amativuli gulugano zana, kigira yamuniga kuvita kegero. Umukali uyu yavolera vandu va Filisitia.

Vakalagi 14:17 ပူးပေါင်းရင်းမြစ်များ

Litanga 3:6

Kunangwa lwu mukali yalora ndi makuyu gu musaala yigu gaali amalahi gu kulia, kandi gaali gwu kumuyanziza, kandi musaala gwaali gwokokola mundu kuva mugeri, yavugula ku makuyu gu musaala yigu ma nalia. Kandi yavugula makuyu gandi naha musaza weve, kandi naye nalia.

Ayubu 2:9

Hene yaho, mukali weve yamuvolera, “Ivi kuduuka lero ukikiri musuuvirifu ku Nyasaye kuli kazozo? Umunyege ligali, ma ukuzi.”

Tsing'ano 7:21

Kunangwa mukali oyo yamugeriza no vuyanzi vwivwe, na muyaayi oyo yavugilira limoloma lilie lihoma lio kogoonya

Jeremia 9:3

Vaveeye avetegeku vuli ing'inga kovora ovovehi. Kuvula kuvaho nu vusuuvirifu vwamihi ikivala kuvita uvusuuvirifu. Yahova avoora, “Avandu vange vakora uvudamanu ku vundi, kandi sivambugilira kuli Nyasaye wavo mba.”

Mika 7:5

Utasuvira mutende woovo mba; utaviika lisuuvira liilio mu mulina woovo mba. Ohenze vulahi ku agovoola kali kumukali woovo.

Luka 11:8

Agiligali muvooleraa, kali niiva sialavuka amuhe kindu kigira aveeye mulina weve, navuzwa, kigira ligoonya lilie liataveeye nalio esoni, alavuuka amuhe choosi icha adaki.”

Vakalagi 14:16

Mukali wa Samusoni yazia kuye nalira, navoora, “Ivi siwainyanza mba! Waisura! Oteevi avalina vange ulugano na siomboleye ku amativuli galwo mba!” Samusoni yavoola, “Henza, kali ngikiri kovoolera ku baba wange na mama wange mba. Kigira ki ngovolere?”

Vakalagi 14:18

Lidiku lia Saba, Samusoni nakikiri kwingira ivuliri, avasaza vi lidaala yilio vamuteeva, “Ni kindiki ekeveeye ekenoru kuvita uvwuki? Kandi ni kindiki ekeveeye ni zinguru kuvita isimba?” Samusoni yavativulira navoora, “Mulavula kulimira eng'ombe yange erori yange, simwali mulanyala kwivaala ulugano lwange mba.”

Vakalagi 16:13

Delila yavolera Samusoni, “Ivi ungadaa no kongola musiru nuvula kombolera agiligali. Mbolera kuli mundu anyala kokovoha.” Samusoni yamuvolera, “Niiva unyala kuvugura ivisutuka saba vie liisu liange ma uvivohe nu vuvusi vudinyu, zizingulu ziange zilageha, na Inzi ndava vuzwa kuli avandu vandi vosi.”

Vakalagi 16:16

Delila yamenya namuteeva vuli lidiku. Samusoni yamanya naaluhilira mang'ana gu mukali uyu, kali umwoyo gwigwe nigulwala kuduuka navolera Delila agiligali.

Vakalagi 16:6

Kunangwa Delila yavolera Samusoni namuvolera, “Mbolera ahizingulu zizio ziveeye. Niiva umundu yenya kokovoha nokokolomba udake uvunyali, anyala kokora ndi?”