Vakalagi 13:20 - KITABU KITAKATIFU

²⁰ Lwolomemo lwali nilwaakaa nilunzia mwigulu, engelosi wa Yahova yaazira mu lomemo lwu vwali zana; Lwa Manoa nu mukali weve vagelora vaagwa hasi mamumama.

Vakalagi 13:20 ပူးပေါင်းရင်းမြစ်များ

Litanga 17:3

Aburamu yinama hasi mamumama kandi Nyasaye yavoola,

2 Avami 2:11

Vazizagilira komoloma ni vagenda; maku nonoho ligare liu muliru ni lihilwaa ni zibarasi ziu muliru liaza hagati haavo ni livavukanyia. Elija yahilwa igulu kuduuka mwigulu ni kihuzuzi.

1 Kyetsinyinga 21:16

Daudi yalora engelosi nasingiyi mu vwerefu hagati, nagumiyi kivavi chiche mu mukono gwigwe, niyetegeki kudiviza Jerusalemi. Maku Daudi na aviimiliri va avandu, vosi avaari niviviiki zinguvu zia magunia, vaagwa haasi mamumama.

1 Kyetsinyinga 21:21

Nonoho lwa Arauna yalora Daudi mwami niyazaa yaleka oloze, naagwa mamumama imbiri weve.

1 Kyetsinyinga 21:26

Yumbakira Yahova vwali hene yaho kandi nahaanira ku vihaanwa viu kusambwa kandi vihaanwa vie mirembe. Yasaala, na Yahova yamutivulira natuma muliru kutura mwigulu ukusamba visiuviliru ku vwali.

Zaburi 47:5

Nyasaye yanigira ku endeve yeeye yu vwami. Nilihanzuka liu vusangali; nu mwoyo gwi visiliva.

Ezekieli 1:26

Igulu muvwerefu, chaliho ni kindu chalorekaa kuli endeve yu vwami iyalombwa ni ligina liesafiro. Kondeve yu vwami yiyi, kindu chaali nichikaye ku, ichalombwa mu lifana liu mundu.

Ezekieli 1:28

Uvwaku vwu vulavu yivu vwafanaa kuli ikisahi chi imbura mu malesi mu lidiku lie imbura. Yiki chaloreka kuva kuli uvukumi vwa Yahova. Lwa ndaahulira yaga, ndaagwa hasi mamumama. Maku ndaahulira mwoyo gwu mundu nigumulomaa.

Danyeli 10:9

Lwa ndahulira mwoyo gwigwe, ndagwa hasi mamumama niimbura kumanya ichekolekaa.

Kyavalevi 9:24

Nonoho Yahova yatuma muliru kandi gwasamba kihanwa chukusambwa, ni zitinya ziali ku uvwali. Lwa vandu vosi vagolola, vahanzuka lwanga nivagwa hasi mamumama.

Matayo 17:6

Lwa aviigi vaaguhulira, vaagwa hasi mam'mama ni vaatia ligali.

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

Vakalagi 6:19

Kunangwa Gidioni yazia munyumba nadeeka ekememe chimbuli, natumikira uvusie zikilo likomi na ndala ninusu vutazugaani mu namamera okolomba mugadi. Yavika inyama zana mungungi; ma naviika umuunyu gwayo munyingu nukuhilira engelosi wa Yahova hamusaala.

Vakalagi 6:21

Maku engelosi wa Yahova yavugula imbimbu nadiira esonga yayo kuviukulia zana; ulwene yilwo umuliru gwaaduka kutura mulwanda, nigusamba ivukulia zana viosi. Maku engelosi wa Yahova yamuleka vugira kumanya.