Vakalagi 13:12 - KITABU KITAKATIFU

¹² Manoa yavoola, “Lwa makuva googo galiloleka kuva giligali, umuyaayi zana aliva wa luganoki mulimenya lilie, na gamuduukira akole ki?”

Vakalagi 13:12 ပူးပေါင်းရင်းမြစ်များ

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

Zaburi 143:8

Unzizulizi vuli mugambazuri makuva kigira uvuyanzi vuvwo vwa kazozo vuli mugambazuri. Kigira inze mbikaa lisuuvira liange mu ivi, kandi masaala gange ganigiraa ku ivi; umanyie inzira ya nonda ku.

Tsing'ano 22:6

Wigizi mwana kuli adukanaa komenya, na sialivilira lwa ava muhindira mba.

Tsing'ano 4:4

baba wange yanzigiza nambolera, “Yizuliza gambolaa na utagivilira mba. Okole kuli ngovoleeye na ulahindira.

Vafeso 6:4

Munyi aviivuli, mutakola avana vinyu kuva nu vutima, navuzwa muvavirukizi kandi muvalindi mu liegiza kandi mu lieganihiza liu Vukristayo.

Vakalagi 13:11

Manoa yasingira nalonda mukali weve, na yaduuka ku mundu zana namuvolera, “Ivi nu umundu waamolomi ku mukali uyu?” Umundu zana yavoola, “Yee ninzi.”

Vakalagi 13:13

Engelosi wa Yahova yavoola, “Umukali woovo kuduuka akole aga inzi muvooleye goosi.