Vakalagi 12:5 - KITABU KITAKATIFU

⁵ Avandu va Gileadi valinda vwambikiru vwosi ku mugera gwa Jorodani kunangwa vaduuki kwigalira vandu va Efuraimu vavuli kwiruka. Niiva mundu wa Efuraimu woosi agerizaa kwiruka, yateeva munwa kwambuka. Avandu va Gileadi vaali vanyara koteeva, “Ivi nu mundu wa Efuraimu?” Mundu oyo niyavoola, “Awa,”

Vakalagi 12:5 ပူးပေါင်းရင်းမြစ်များ

1 Avami 11:26

Mundu wundi wagirung'ana Mwami Solomoni yaali mulala ku vimiliri veve, yaali Jeroboamu muyaayi wa Nebati, kutura mu lidaala lia Zeredahi mu kivala cha Efuraimu. Mama weve yaali mukunzakali walangwa Zerua.

Joshua 2:7

Kunangwa avandu vumwami yavo vatanga kolondelera avatunyirizi zana, kunzira izizaa kunyambuku yu mugera gwa Jorodani, kandi nonoho lwa avalondeleri yavo vaali nivakatula ichova wi lidaala, ikirivwa chahaanwa.

Joshua 22:11

Avandu va Isiraeli vandi vosi vavolerwa ndi, “Huliri! Avandu vi zihiiri zia Rubeni, Gadi, ni inusu ya ihiiri ya Manase vi Ivugwi vamali kwumbaka uvwali ha Gelilozi, kolovega lwiitu lwu mugera gwa Jorodani!”

Vakalagi 12:4

Maku Jefuza yalanga avandu vosi va Gileadi navaviika harara, ma nalwaana avandu va Efuraimu nu kuvaguuta, kigira vavoola, “Munyi vandu va Gileadi muveeye vandu viiruka kutura ku Efuraimu na Manase.”

Vakalagi 12:6

vaamanyanga vamuteeva avoole, “Shibolezi!” Navuzwa oyo niyavoola, “Sibolezi”, kigira siyaali unyala kovora vulahi mba. Maku vaamuvugura mavazia kumwitila ha vwambukilu vwu mugera gwa Jorodani. Vaakuza ku ing'inga yeyo avandu va Efuraimu 42,000.

Vakalagi 17:7

Ing'inga yene yeyo muyaayi kutura mu ihiiri ya Levi yaali niyamenya mu lidaala lia Bezelehemu mu kivala che Vuyuda.

Vakalagi 3:28

Yavavolera, “Nondi! Yahova umali kumuguutila vandu va Moabu, avaveeye avasigu vinyu.” Avandu valonda Ehudi, nukwigalira ha vwambukilu vwa vandu va Moabu venyekana vaambukiri mugera gwa Jorodani. Sivavugilira kali mulala kwambuka mba.

Vakalagi 7:24

Gidioni yatuma avatumwa mukivala choosi chivigulu cha Efuraimu kovora, “Sulunguti muzie, kulwaana vandu va Midiani. Mulindi Mugera gwa Jorodani, kandi no togera twosi kuduuka Bezibara, kwigalira vandu va Midiani vavuli kwambuka.” Avasaza va Efuraimu valangwa harara nivigalira Mugera gwa Jorodani no togera kuduuka Bezibara.

1 Samweli 1:1

Haali ho nu mundu mulala uwalangwa Elikana, kutura mu ihiiri ya Efuraimu, wamenyaa mu lidaala lia Rama mu kivala chi vigulu cha Efuraimu. Yaali muyaayi wa Jerohamu kandi mwisukulu wa Elihu, kisukururwi cha Tohu, na kesoni cha Zufu.