Vakalagi 11:39 - KITABU KITAKATIFU

³⁹ Imieli giviri nijakavita, mukaana uyu yirana na baba weve yakola kuli vaalagana na Yahova, mukaana uyu yakuza nakikiri umugima. Kigiria yaga gwamanya nigugwa umwima mu Isiraeli

Vakalagi 11:39 ပူးပေါင်းရင်းမြစ်များ

2 Kyetsinyinga 35:25

Muporofeti Jeremia yalomba ulwimbu lwu lwikuulu ku mwami Josia. Kali kuduuka kalunundi, gwagwa umwima ku avimbi vakali na vasaza mu Isiraeli ukwimba mu liekula liavo. Yakola Lwimbu yilu kuva lilaga mu Isiraeli, na lwang'odwa mu zinyimbu zieliekula.

Isaya 66:3

“Avandu vakora kuli vayaanza. Gaveeye malala meere kuvo, niiva vita igiriki kuli kisiuviriru anoho vavunanyie ligoti lie imbwa; niiva valahaana kihanwa chuvuswage anoho vahane masahi gi inguruvi; vahaana kimuli anoho vasaale ku kifananyi gaveeye malala meere kuvo. Yee, vasangalira mu zinzira ziavo ziukusigamira zielivihiliriza.

Kwidzulitsa 12:31

Mutasigamira Yahova Nyasaye winyu kuli yavo vasigamira avanyasaye vaavo mba, kigira mu lisigamira avanyasaye vaavo, vakora vindu viukuvihiliriza zing'ano ziosi via Yahova adunyiraa. Kali vahaana avana vaavo kuli visiuviliru mu muliru ku vwali vwavo.

Vakalagi 11:31

ndahaana ku ivi umundu woosi utura munyumba yange wukutanga kuza kunzaganira lwanduuka kutura mu vulwani vwiliguuta ave kuli kihanwa chukusambwa. Ndahaana umundu oyo ku Ivi kuva kuli kisiuviriru.”

Vakalagi 11:38

Baba weve yamuvugilira kuzia, na yaamutuma imieli giviri. Yazia harara na valina veve mu vigulu kusioma kigira yaali nazizaa kukuza nakikiri konyoora umusaza, kandi nakikiri kwivura ku.

Vakalagi 11:40

ndi avakaana va Isiraeli vazizaa vuli muhiga kusioma umukana wa Jefuza mu Gileadi, madiku gane.

1 Samweli 1:11

Hana yalagana na Nyasaye navoora, “O, YAHOVA WANYALA VIOSI, henza ku inzi mutumikiri woovo! Lola vudinyu vwange na unzizulizi! Utanzivilira mba! Numba mwana muyaayi, inzi suuvirizaa ndi ndamuhaana ku ivi, Yahova, mu livamwoyo lilie liosi na sialivega liisu lilie.”

1 Samweli 1:22

Navuzwa ing'inga yiyi Hana siyaazia yo mba. Yavolera musaza weve “Lwu mwana uyu alekela kunuuna, ndamuhila munyumba ya Nyasaye, uwa alimenya madiku geege goosi.”

1 Samweli 1:24

Lwu mwana yaleka linuna, yamuhira Shilo, navugura harara naye igiriki yi mihiga jivaga, zikilo likomi ziuvusie, imuuya yekeseero niyizuuyi iwaini. Yavugula Samweli nakikiri mudoto kuli ndio, kuduuka munyumba ya Yahova ha Shilo.

1 Samweli 1:28

Kunangwa kalunu muhaanaa ku Yahova. Alava mutumikiri wa Yahova madiku geege goosi.” Kunangwa, vaasigamira Yahova ahene yaho.

1 Samweli 2:18

Mu ing'inga yeyo, muyaayi Samweli yaazizagilira kutumikira Yahova ha Shilo, niyiviiki kisibaho chinguvu yi katani indakatifu.