Vakalagi 1:33 - KITABU KITAKATIFU

³³ Avandu vi ihiiri ya Nafutali sivali vanyara kukunga avandu vamenya mu madaala ga Bezi-shemeshi na Bezianazi mba. Navuzwa avandu va Nafutali vahaana kuvo havundu hokomenya hagati ha vandu va Kanaani, navuzwa vayinzilizwa imiyinzi jukunigwa.

Vakalagi 1:33 ပူးပေါင်းရင်းမြစ်များ

Zaburi 18:24

Nandio, Yahova yaambezaa amadanyi, kigira ngolaa agaveeye amalungi. Kandi amanya ndi mbeeye vugira imbara.

Joshua 15:10

aha liavodong'ana imadioli wa Baala kuzia mu kivala chi Vigulu cha Edomu, niluzizagilira kolovega lwi Ivaale wi kiguru cha Jearimu, ikilangwa kalunu Chesaloni, kusulunguta Bezi-shemeshi, kandi kuvitira ahimbi Timina.

Vakalagi 1:30

Avandu vi ihiiri ya Zabuloni sivali vanyara kukunga avandu vamenya mu madaala ga Kituroni kandi Nahalali mba, na vandu va Kanaani vazizagilira komenya harara navo, nivanigwa kuyinzilira vandu va Isiraeli.

Vakalagi 1:32

Avandu va Asheri avamenyaa na avandu va Kanaani kigira sivavakuunga mba.

Vakalagi 1:34

Avandu va Amori vaniga avandu vihiiri ya Dani komenya mu kivala chivigulu, na sivavavugilira kuuza komenya mukeleremo mba.

Vakalagi 1:35

Avandu va Amori vazizagilira komenya ha Aijaloni, Shalubimu, nu mu Kiguru cha Heresi, navuzwa zihiiri zia Efuraimu na Manase ziazizagilira kuvamiiha, nukuvaniga kuvayinzilira.