Vakalagi 1:16 - KITABU KITAKATIFU

¹⁶ Ivisukulurwi viu Mukeni, guuga wa Musa, vazia kutura Jeriko mu lidaala lie misaala ja makindu, harara na vandu va Yuda, kuzia Muligendanyama lie Vuyuda, iliveeye kolovega lwi savaalu, ahimbi na Aradi; na vazia komenya hagati ha vandu vamaleki.

Vakalagi 1:16 ပူးပေါင်းရင်းမြစ်များ

1 Kyetsinyinga 2:15

Ozemu na Daudi.

1 Kyetsinyinga 2:55

Avi viliango via vang'odi yava vamenya mu lidaala lia Jabezi: Avatirazi, Avashimeazi, kandi Avasukazi. Vaali Avakeni avaatura Hamazi, na avaleetanaa na Avarekabu.

2 Kyetsinyinga 28:16

Ku ing'inga yeyo mwami Ahazia yatuma amakuva ku mwami wa Asiria naamugonyaa amuhe ovokonyi.

Kutwula 18:1

Kunangwa Jezero, musaalisi wa Midiani, navizara wa Musa, yahulira goosi aga Nyasaye yakolera Musa kandi avandu va Isiraeli ulwa yaavimilira kutura Egebeti.

Kutwula 18:12

Maku Jezero yaleeta kihanwa chukusambwa choosi nivisiuviliru vindi vihaanwe ku Nyasaye. Haruni na aviimiliri vosi va Isiraeli vazia harara na Navizara Musa ukulia chukulia kitakatifu kuli likora liukusigamira Yahova.

Kutwula 18:27

Maku Musa yasivulana na Jezero na Jezero yirana yengo mu kivala chiche.

Kutwula 18:7

kunangwa Musa yatura nazia kumwaganira, niyinama imbiri weve, kandi naamuvusa. Vateevana samulala kigira uvulamu vwavo ma ni vazia ni vingira mu lihema lia Musa.

Kutwula 3:1

Lidiku lilala Musa yaali ni yaya amagondi ni zimburi zia navizara weve Jezero, musaalisi wa Midiani yimilira chayo zana kuvitira imadioli wi ichangalangwi, kandi naduuka ku kiguru cha Sinai, ekeveeye kiguru kitakatifu cha Nya Nyasaye.

Kutwula 4:18

Maku Musa yirana ku Jezero, navizara weve, namuvolera, “Mwaza nuyanza ndeka nzirane ku aviiko vange avaveeye mu Egebeti ndore niiva vakikiri mwoyo.” Jezero yamuvugilira nazia nimirembe.

Jeremia 35:2

“Zia ku vandu vi hiiri ya Rekabu na omolome kuvo. Maku uvalete mukeng'oze kilala ku ving'oze viu mulitembeli ma uvahe iwaini.”

Livalidza 21:1

Lwu mwami wa Kanaani wi kivala cha Aradi Isavaalu wa Kanaani ya hulira ndi avandu va Isiraeli vazaa kuvitira mu inzira ya Azarimu, ya vingilira na vugula valala kuvo

Matayo 3:1

Mu madiku yago Yohana Mubatizi yaza, natanga kwilwaza mwigendanyama lie Vuyuda navoora,

Kwidzulitsa 34:3

kivala keveeye isavaalu wa Yuda; kandi kereremo kitulaa Zoari kuduuka Jeriko, lidaala linene lie misaala ja makindu.

Kwidzulitsa 34:4

Maku Yahova yavolera Musa, “Yiki ni kivala cha ndaasuuviriza Aburahamu, Isaka na Yakobo ndi ndahaana ku visukululwi viavo. Umali kokelola, navuzwa sindaleka uzie yo mba.”

Joshua 12:14

Horima, Aradi,

Joshua 18:21

Amadara manene aga vandu vi ihiiri ya Benjamini gaali Jeriko, Bezi-hogula, Emeki kezizi,

Vakalagi 1:15

Achisa yamuvolera, “Nyenya ombe uvugasu; kigira waimba umulimi mwumu isavaalu, ulamba kandi ivisinukiru via mazi.” Kunangwa Kalebu yamuha ivisinukiru vieluhia kandi viendangu.

Vakalagi 3:13

Egiloni yiyunga na vandu va Amoni kandi vandu va maleki; vaguuta Isiraeli kandi nivavugura Jeriko, lidaala lie misaala ja makindu.

Vakalagi 4:11

Ing'inga yene yeyo Heberi Mukeni yaali niyumbaka lihema lilie himbi na Kedeshi ha Zananimu. Yaali niyaang'anya kutura ha Vakeni vandi vamenya, kutura ku avana va Hobabu, umukwasi wa Musa.

Vakalagi 4:17

Sisera yiruka kuduuka mu lihema lia Jaeli, mukali wa Heberi Umukeni, kigira Umwami Jabini wa Hazori yaali umulina wa vandu vinyumba ya hazori.

1 Samweli 15:6

Yatuma lieganihiza ku vandu va Vakeni, avandu va vaguuga vaavo vakolera vandu va Isiraeli vulahi lwa vaatura Egebeti navoora: “Muturi! Muzie, muleke avandu va Maleki kunangwa mburi kumudiviza harara navo.” Kigira mwamanyia uvugasu ku vandu va Isiraeli lwa vaatura Egebeti. Maku avandu vakeni vaatura ni vazia.

1 Samweli 27:10

uwaali unyala kumuteeva, “Ni hayi aha uziiyi kwigilira ing'inga yiyi?” Ahene yaho Daudi yamutivuliraa ndi aziyi kolovega lwi Isavaalu wi Ivuyuda, anoho ku kivala cha ihiiri ya Jerahameeli, anoho ku kivala cha ivaale wa Avakeni.

1 Samweli 30:29

kandi Rakali, ihiiri ya vandu va Jerahameeli, avandu va Keni,