Vahebraina 9:13 - KITABU KITAKATIFU

¹³ Amasahi gi zimburi na gi zigiriki kandi ligoke lie vimoli viukusambwa viuhwa ku vandu vaveeye vadamanu kolondekana numwima gwi vindu yivi vivatakaasa nukutulizaho uvudamanu vwavo kolondekana numwima.

Vahebraina 9:13 ပူးပေါင်းရင်းမြစ်များ

2 Kyetsinyinga 30:19

“O, Yahova, Nyasaye wa vaguuga viitu, mu vulahi vuvwo yaanza usamihi yavo avasigamiraa ivi ni mioyo jaavo josi kali niiva si vaveeye avatakase kolondekana na malago ga hatakatifu.”

Zaburi 51:7

Tuliza ho uvwoni vwange, na inzi ndava munifu. Onzogize, na inzi ndava mulavu kuvita likonza.

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Ezekieli 44:26

Inyima wu musaalisi amali kweyonogonyia, gamuduukira alindi ku madiku saba,

Livalidza 8:7

Okole yaga kuvatakasa: Uvuhili amazi gu kutakasa na uvavoolere vavege miviri jaavo josi, vafuyi zinguvu ziavo ziosi ma vitakase aveene.

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

Vahebraina 10:29

Kunangwa galava ki ku mundu uchayaa Mwana wa Nyasaye? Galava ki ku okolaa amasahi gi lilagana lia Nyasaye ga mutakasaa kutura muvwoni kuva gaveeye kindu vuzwa? Galava ki ku oyo onyegaa Roho wi zimbavasi? Gamudukira ahevwe amageri malulu ligali kuvita agadukanaa naye.

Vahebraina 10:4

Amasahi gi zigiriki na agi zimburi siganyala kutulizaho uvwoni mba.

Vahebraina 9:19

Kutanga Musa yalandizira avandu vosi malago goosi kuli galohizwa mu Lilaga. Maku navugura masahi gi zigiriki na gi zimburi, nagazuganyia harara na mazi, kandi naguuha ku kitabu chi Lilaga kandi niyuha ku vandu vosi, natumikira ameyo galombwa ku visara nuvwoya vwakanyu.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.