Vahebraina 5:14 - KITABU KITAKATIFU

¹⁴ Navuzwa chukulia kidinyu, ku lovega lundi, keveeye cha vandu vakulundu, kuvitira mu limanya liavo lia viinaliza, avanyala kwavukanyia hagati hu vulahi nuvudamanu.

Vahebraina 5:14 ပူးပေါင်းရင်းမြစ်များ

Litanga 3:5

Nyasaye yavoola ndio kigira yamanya ndi lwa mulia makuyu ku musaala yigu, mulava vageri kandi mulava kuli oyo, mulimanyiriza uvulahi kandi uvudamanu.”

2 Samweli 14:17

Ndeevolera inzi mwene, ndi lisuuvirizwa liilio, mwami wuluyali, lilandetela likingwa, kigira mwami aveeye kuli engelosi wa Nyasaye kandi anyala kwavukanyia uvulahi kutura ku vudamanu. Yahova Nyasaye woovo ave harara nivi!”

1 Avami 3:11

Kunangwa Nyasaye yamuvolera, “Kigira oteevi ovogeri wamihi nuvulungi, mu vogono vwu kwetevera livamwoyo lie mihiga minyingi kinga uvutugi (uvuhinda) kinga likuza lia avasigu vovo,

1 Avami 3:9

Kunangwa uhaane ku inzi, mutumikiri woovo vogeri vwa nyenya nduuki kwamiiha avandu nu vulungi kandi kumanya liavukanyia hagati hu vulahi nuvudamanu. Nigataveeye ndio, nyara ndi kwamiiha avandu vovo vanene yava?”

Ayubu 12:11

Navuzwa gaveeye vuzwa kuli lulimi luyaanzaa kuzazama chukulia, kandi ndio ugutu guyaanzaa kuhuliriza amakuva.

Ayubu 34:3

Kigira ugutu gogerizaa makuva, kuli lulimi luzaazamaa chukulia.

Ayubu 6:30

Muganaganaa mboraa ovovehi? Kandi muganaganaa sinyala kwavukanyia kumanya vulungi nu uvudamanu? Navuzwa gaveeye gu vulungi kandi giligali.

Zaburi 119:103

Amigizu googo gaveeye manolu ligali - amanolu ligali kali kuvita uvwuki!

Lwimbu lwa Solomoni 1:3

Wivaki maguta gu muhomo; lieta liilio liveeye kuli amaguta gidorokaa, kunangwa avakali vakuyaanzaa.

Lwimbu lwa Solomoni 2:3

Nindio aveveeye muyanze wange hagati ha vasaza vandi, oveeye kuli musaala gwa makuyu hagati hi misaala ju mulitu. Ndayaanza kwikala mu chiriri chagwo, kandi makuyu gagwo gaveeye amanolu ligali.

Isaya 7:15

Alalia maguta nuvwuki lwa amanya kusuura uvudamanu nokotovola uvulahi.

Matayo 5:48

Kunangwa gamudukira muve vadukanu, kuli Baba winyu wu mwigulu aveeye mudukanu.

Varumi 14:1

Muvugiliri vandu vaveeye vadedekere mutahangalizana navo ku makuva gi zing'anagani ziavo mba.

1 Vakorintho 2:6

Kali ndio, nzilwazaa likuva lio vogeri ku yavo avaveeye vadukiru mu Roho. Navuzwa vogeri yivu sivoveeye vwi lirova yili liegiza, anoho vwa vami avamiiha lirova yili, avaveeye kunzira yu kudiva mba.

Vafeso 1:18

Saalaa ndi Nyasaye amukole muduuki kumanyiriza vulavu vwivwe, kunangwa muduuki kumanya lisuuvirizwa lia yamulangira kandi uvutugi vwuvukumi vwi miandu jije ku avandu veve

Vafeso 4:13

Kandi ndio, kunyi kwosi kulakaze harara muvuhambani vwi lisuuvira lieta kandi mu limanya lietu liu Mwana wa Nyasaye. Kulakave avandu avahindira avadukanga ku kegero chu vuduukiru vwosi ovonyoleka mu Kristo.

Vafilipi 3:15

Kunyi kwosi avakoveeye avadukiru mu Roho mu liiva liu Vukristayo, gakuduukiraa kusingiri vudinyu mu liganagana lilala liere kuli ndio. Navuzwa niiva avalala ku munyi valaganagana lugano, Nyasaye alamuvuulira ikindu zana yicho.

1 Vatesalonike 5:21

mugerizi vindu viosi, mugumiri vudinyu ligali yiki ekeveeye kilahi:

Vahebraina 6:1

Kunangwa, gendi kwisundi imbiri kuduuka ku migizu gu vuduukiru nakoleke inyima amigizu gukutanga gu Vukristayo. Kutatema kandi musingi gwi lieganira kutura ku miyinzi midamanu, nu gwi lisuuvira mu Nyasaye mba;

Yakobo 3:2

Kunyi kwosi kokora vudamanu kazozo amanyingi. Navuzwa niiva umundu woosi siakolaa vudamanu agaveeye kovora, aveeye umundu umudukiru, kandi anyala kulinda liiva lilie liosi.