Vahebraina 5:12 - KITABU KITAKATIFU

¹² Ing'inga yaveeye ho indambi ya gaduukanaa munyi muve avigizi, navuzwa munyi mukiri ni lienya mundu amwigizi amigizu gu kutanga agiligali ga makuva ga Nyasaye. Mugwiyi avenyaa kunwa maveere mu vogono vwu kulia viukulia vidinyu.

Vahebraina 5:12 ပူးပေါင်းရင်းမြစ်များ

2 Samweli 16:23

Zing'anagani ziosi zia Ahizofeli yahaana mu madiku yago ziavugilirwa kuli ziali ligali likuva lieligali kutura ku Nyasaye; vombi Daudi na Abisolomu vazilonda.

Ezara 7:10

Ezara yihaana kosooma nokohenzeriza mu mang'oda gi lilaga lia Yahova, kugaviika mu vikolwa, kandi kwigiza malago galio goosi ku vandu va Isiraeli.

Zaburi 34:11

Hambi munyi vana vange, mumbulirize, na nda mwigizaa kuhaana luyali ku Yahova.

Isaya 28:13

Yicho nicho kivuni kigira Yahova azizaa kumwigiza induguta ku induguta, luvaso ku luvaso, liegizu ku liegizu. Maku mulikigitala ku vuli kika cha muduukaku; mulaatwa zing'oma, mulahambwa mu mitego, kandi mulahilwa mu vuhambe.

Isaya 55:1

Yahova avoora; “Hambi, sa mulala oveeye nuvuluhu, mazi gaveeye hano! Hambi munyi avatali namabesa, muguli vuswage ma mulie! Hambi! Guli iwaini na maveere, simulatunga kindu mba!

Matayo 17:17

Yeso yativura, “Munyi avamuvula ilisuuvira! Ndamenya ni munyi kuduuka ng'inga ki? Ndikuzira ni munyi kuduuka ng'inga ki? Ndeteri umwana zana hano.”

Marko 9:19

Yeso yavavolera, “Likula litaveeye ni lisuuvira munyi! Ndamenya harara ni munyi kuduuka ng'inga ki! Ndikuzira ni munyi kuduuka ng'inga ki! Muleeti hano ku inzi.”

Vikolwa 7:38

Musa uyu niyie uwaali mu livugana lia avandu va Isiraeli mu changalangwe harara nengelosi uwavolerana naye mu Kiguru cha Sinai. Kandi yaali hala na avaguuga viitu. Niyie wahevwa amakuva ga Nyasaye gi livamwoyo ahe kunyi.

Varumi 3:2

Yee, koveeye ho nu vukala ligali mu goosi. Kutanga, Nyasaye yahaana ku Avayuda uvulindi vwi likuva lilie.

1 Vakorintho 14:19

Navuzwa mu likanisa liu kusaala nyaanzilira ligali kovora makuva gatano govogeri vwange aganyala kuhulirika gukwigiza vandi, kuvita komoloma amakuva zielefu mu zinimi zing'eni.

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

Vagalatia 4:3

Munzira ndala nzere, kunyi kandi kwaali avatugwa va mademoni gamiihaa ni kukikiri kuhindira mu roho

Vafilipi 3:1

Mulimala, avaamitu vange, musangare mu Mwami. Sivoveeye uvudinyu ku inzi ukwirana kumung'odera ivindu vilala viere, navuzwa vwakaveeye vulahi ku munyi, niiva inzi ngola ndio.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

Vahebraina 10:32

Mwizurizi kuli lwa gaali nimunyi zing'inga ziavita. Mu madiku yago inyima wu vulavu vwa Nyasaye vwali nivwakaa ku munyi, mwasalira vindu vinyingi, navuzwa simwaguutwa mba.

Vahebraina 5:11

Koveeye na makuva manyingi gokovoola ku makuva yaga, navuzwa ni vudinyu kumwivaalira kigira si muveeye vangu kumanyiriza nukuhulira ligali mba.

Vahebraina 5:13

Mundu woosi ukinwa maveere akikiri mwana mudoto, utaveeye ni limanya mu makuva gu vulungi nu vudamanu.

Vahebraina 6:1

Kunangwa, gendi kwisundi imbiri kuduuka ku migizu gu vuduukiru nakoleke inyima amigizu gukutanga gu Vukristayo. Kutatema kandi musingi gwi lieganira kutura ku miyinzi midamanu, nu gwi lisuuvira mu Nyasaye mba;

1 Petro 2:2

Muve kuli avana vadoto vuli ing'inga vaveeye nuvuluhu kwenya amaveere malahi gu mu Roho, kunangwa lwa muganwezaa, muduuki kuviruka no kohonywa.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.