Kunangwa galava ki ku mundu uchayaa Mwana wa Nyasaye? Galava ki ku okolaa amasahi gi lilagana lia Nyasaye ga mutakasaa kutura muvwoni kuva gaveeye kindu vuzwa? Galava ki ku oyo onyegaa Roho wi zimbavasi? Gamudukira ahevwe amageri malulu ligali kuvita agadukanaa naye.
Kunangwa, avaamitu vange vatakatifu, avilisanga mu lilangwa lia Nyasaye, muviiki zing'anagani zienyu ku Yeso, wa Nyasaye yatuma kuva Musaalisi Munene wilisuuvira lia kulandizaa.
Siaveeyeho na vang'oda baba anoho na mama weve mba anoho mulala ku vaguuga veve mba; livulwa lilie anoho likuza lilie silimanyikani mba. Aveeye kuli Mwana wa Nyasaye; alava musaalisi mihiga ni mihiga.
Kristo si yingira Havundu Hatakatifu halombwa na makono ga vandu, ahaali kuli liiva lia hiligali mba. Yingira mwigulu mwene, mwa kalunu asingiraa imbiri wa Nyasaye kigira kunyi.