Vahebraina 13:20 - KITABU KITAKATIFU

²⁰ Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.

Vahebraina 13:20 ပူးပေါင်းရင်းမြစ်များ

2 Samweli 23:5

Kandi nindio Nyasaye aligasiza kisukururwi change, kigira umali kolomba lilagana lie mihiga ni mihiga ninzi, lilagana ililivula kuvunanywa, lisuuvirizwa ililivula kugirung'anywa. Yicho nicho choosi (ichanzegombaa); ikiliva liguuta liange, Na Nyasaye alakakitwekizi.

1 Kyetsinyinga 16:17

Yahova yalomba lilagana na Yakobo, ililihindira mihiga ni mihiga.

2 Kyetsinyinga 30:12

Nyasaye waali kandi na vandu vi Ivuyuda navahambanyia kuva kindu kilala vaduuki kokora agu mwami navana va vami valaga ku likuva lia Yahova.

Zaburi 23:1

Yahova aveeye mwayi wange; si nyara kudaka kindu mba.

Zaburi 80:1

Ukuhuliri O, Yahova Mwayi wa vandu va Isiraeli, ukuhulirizi ivi uwaali wi visukululwi via Josefu kuli ichayo cha amagondi; Ivi wikala kondeve yu vwami igulu wa Vakerubi, ong'ereng'ane,

Kutwula 24:8

Maku Musa yavugula masahi gaali kubakuli niyuha ku vandu navoora, “Yaga na masahi gahambanyia lilagana lia Yahova yalomba ni munyi lwa yahaana amalago yaga.”

Isaya 40:11

Yahova alalinda avandu veve, kuli umwayi alindaa nu kwaya chayo chiche. Alavungiza vimeme via amagondi geege harara, kandi alagavugula mu makono geege, na alagaginga ku kiritu chiche. Alalinda nu kwaya amagondi geege novohooma.

Isaya 55:3

“Muhulirizi kalunu munyi avandu vange, na muuzi ku inzi; muuzi ku inzi; na mulava ni livamwoyo! Ndalomba lilagana lihindiraa mihiga ni mihiga ni munyi, kandi ndamuha uvugasu vwa ndasuuviriza kuhaana ku Daudi.

Isaya 61:8

Yahova avoora, “Inzi ndayaanza likalaga liu vulungi, kandi ndunyiraa likora uvudamanu ndahaana amadanyi ku avandu vange mu vusuuvirifu. ndaalomba lilagana liange navo lie mihiga ni mihiga.

Isaya 63:11

Maku avandu veve vizuliza madiku ga kale, madiku ga musa mutumikiri weve. Vateva, “Yahova aveeye haliha kalunu, aviimiliri va vandu veve kutura mu inyanza nzakanyu? Aveeye haliha uyu uwavika Roho weve Mutakatifu hagati haavo,

Jeremia 32:40

Ndalomba lilagana liange navo lie mihiga ni mihiga. Ndazizagilira kuvakolera vindu vilahi, kandi ndavakora vatie inzi ni mioyo jaavo josi, kunangwa vavuli kugirung'ana kutura ku inzi.

Ezekieli 34:23

Ndahaana Mwami Daudi yeng'ine kuli mutumikiri wange kuva mwimiliri wavo kandi alagalinda.

Ezekieli 37:24

Mwami kuli mutumikiri wange Daudi naave mwami wavo. Vosi valakave nu mwami mulala kandi navatie malago gange Mu vusuuvirifu.

Ezekieli 37:26

Inzi ndakalombe lilagana harara navo liukuvasuuviliza mirembe mihiga ni mihiga. Inzi ndakavasingilizi kandi ndakameede ulwivulu lwavo, kandi ndakaviiki Litembeli liange mu kivala chavo uwa lilakamenye mihiga ni mihiga.

Zekaria 9:11

Yahova avoora, “Kigira lilagana liange na munyi liakunikwa na masahi gi visiuviliru, ndakahaane vovoholore ku vandu vinyu vaduuki kutura mu liliina liovuhaambe litaveeye na mazi.

Matayo 26:28

yaga na masahi gange, agaveeye umuhuri gwi lilagana lia Nyasaye, agasundurwa kigira ilisamiifa liu uvwoni vwa vanyingi.

Marko 14:24

Yeso yavavolera, “Yaga na masahi gange gi lilagana, agasunduliywi kigira avandu vanyingi.

Luka 22:20

Munzira ndala nzere, nivakamara lilia mugadi, Yeso yavugula kekombe chi iwaini navoora, “Kekombe yiki keveeye Lilaga Lihia lia Nyasaye mu masahi gange, agasundulwa kigira munyi.]”

Yohana 10:11

“Inzi mbeeye mwayi mulahi. Mwayi mulahi ahaanaa livamwoyo lilie kigira amagondi geege.

Yohana 10:14

“Inzi mbeeye mwayi mulahi, kandi manyi avaveeye avange, navo avaveeye avange, vamanya inzi,

Vikolwa 13:30

Navuzwa Nyasaye yamusimugukiza kutura mu vakuzu.

Vikolwa 17:31

Kigira umali kotovola lidiku lia alikalagira kivala nu vulungi, kuvitira ku mundu mulala wa yatovola. Yahaana ku avandu vosi lisuuviriza lwa lisimugukiza kutura mu vakuzu!”

Vikolwa 2:24

Navuzwa Nyasaye yamusimugukiza kutura mu vakuzu na muvoholora kutura mu vusaliri vwi likuza, kigira si ganyalika ndi likuza limuvohe mba.

Vikolwa 2:32

Nyasaye umali kusimugukiza Yeso uyu kutura mu likuza, na kunyi kwosi koveeye avalolekizi ku likuva yili.

Vikolwa 3:15

Munyi mwita oyo oveeye uvutangiliru vwi livamwoyo. Navuzwa Nyasaye yamusimugukiza kutura mu likuza, nakunyi koveeye avalolekizi ku yaga.

Vikolwa 4:10

gamudukira munyi vosi mumanye, kandi gaduukiraa avandu vosi va Isiraeli, vamanye ndi, mundu uyu asingiraa hano imbiri winyu mulamu ligali kuvitira mu zinguru zie lieta lia Yeso Kristo wa Nazareti, uwa mwavaamba, kandi uwa Nyasaye yasimugukiza kutura mu likuza.

Vikolwa 5:30

Nyasaye wa avaguuga viitu yasimugukiza Yeso wa munyi mwamwita, lwa mwamusunga ku musalaba.

Varumi 1:4

ku liiva liu vutakatifu vwu vunyasaye vwivwe, Yeso Kristo yalolekizwa ni zinguru zinene kuva Mwana wa Nyasaye kulwo kusimugukizwa kutura mu vakuzu.

Varumi 10:7

Anoho oteteeva: “Ivwaha uliika kuduuka musi mu lirova?” Nago ni koleta Kristo kutura mu likuza.

Varumi 15:33

Nyasaye oveeye uvutangiliru vwi mirembe ave harara ni munyi mwosi! Amini.

Varumi 16:20

Nyasaye wi mirembe sialalindagilira kusionolanyia Setani isi wi virenge vienyu mba. Zimbavasi ziu Mwami wiitu Yeso Kristo zive ni munyi.

Varumi 8:11

Niiva Roho wa Nyasaye, wasimugukiza Yeso Kristo kutura mu vakuzu, amenyaa mu munyi, hene yaho, uyu wasimugukiza Yeso Kristo kutura mu vakuzu alahaana livamwoyo mu miviri jinyu kuvitira mu Roho weve, omenya mu munyi.

1 Vakorintho 14:33

kigira Nyasaye siyenya kove no vogoyaanu mba, navuzwa kove mu lihulirizana kandi mu mirembe. Kuli goveeye umwima mulahi mu makanisa goosi ga vatakatifu,

1 Vakorintho 15:15

Kuvita yaga goosi, kunyi kololeki kuli avavehi kigira makuva ga Nyasaye, lwakwavoola oyo yasimugukiza Kristo kutura mu likuza, navuzwa niiva gaveeye giligali ndi avakuzu sivasimugukizwa, gamanyia ndi Nyasaye siyasimugukiza Kristo mba.

1 Vakorintho 6:14

Nyasaye wasimugukiza Mwami kutura mu likuza, kandi alakasimugukizi kunyi ni zinguru zizie.

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

2 Vakorintho 4:14

Kunyi kwamanya ndi Nyasaye wasimugukiza Mwami Yeso alakasimugukizi kunyi kandi harara na Yeso, kandi alakakuhili, harara ni munyi imbiri weve.

Vagalatia 1:1

Inzi Paolo, uwa lilaangwa liange kuva mutumwa si liatura ku avandu, anoho kuvitira mu zinguru ziu mundu mba, navuzwa kutura ku Yeso Kristo kandi Nyasaye Baba, uwamusigukiza kutura mu likuza,

Vafeso 1:20

zia yatumikira lwa yasimugukiza Kristo kutura mu vakuzu, namwikaliza ha mukono gwigwe mulungi mwigulu.

Vafilipi 4:9

Mukore vindu viosi via mwiga no konyoora kutura ku inzi kandi via mwahulira nimbora no kolola ningoraa. Na Nyasaye uhaanaa kunyi mirembe alava harara ni munyi.

Vakolosai 2:12

Munyi mwayavilwa harara na Kristo mu libatizwa, kandi mwasimugukizwa harara naye kuvitira mu lisuuvira lienyu, mu zinguru zia Nyasaye, wa simugukiza Kristo kutura muvakuzu.

1 Vatesalonike 1:10

kandi kulindilira Mwana weve kutura mwigulu naye ni Yeso, wa yasimugukiza kutura mu vakuzu, ohonyia kunyi kutura mu vutima vwa Nyasaye vuzaa.

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.

2 Vatesalonike 3:16

Kalunu Mwami mwene oveeye uvutangiliru vwi mirembe amuhe mirembe zing'inga ziosi kandi munzira yoosi. Nyasaye amuhe mirembe.

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

Vahebraina 10:29

Kunangwa galava ki ku mundu uchayaa Mwana wa Nyasaye? Galava ki ku okolaa amasahi gi lilagana lia Nyasaye ga mutakasaa kutura muvwoni kuva gaveeye kindu vuzwa? Galava ki ku oyo onyegaa Roho wi zimbavasi? Gamudukira ahevwe amageri malulu ligali kuvita agadukanaa naye.

Vahebraina 9:20

Yavoola, “Yaga na Masahi gi lilagana lia Nyasaye yamulaga mulonde.”

1 Petro 1:21

Kuvitira muye, munyi musuuviraa Nyasaye wasimugukiza Yeso kutura mu likuza, nu kumuha uvukumi. Kulwayago lisuuvira lienyu ni lisuuvirizwa lienyu viveeye ku Nyasaye.

1 Petro 2:25

Mwali ni mwagota kuli amagondi, navuzwa kalunu mumali kwilanywa muduuki kolonda umwayi oveeye umulindi wi mioyo jinyu.

1 Petro 5:4

Mwayi mwene aliloleka, mulakanyoole itaji yu vukumi ilivula kogotiza vwaku vwayo.