Vahebraina 13:15 - KITABU KITAKATIFU

¹⁵ Gendi kuvitiri mu Yeso, kuhaane ku Nyasaye kisiuviriru chi lizominya lietu kazozo, agaveeye kovora, kisiuviriru kihaanangwa ni minwa jiyama lieta lilie kuli Mwami.

Vahebraina 13:15 ပူးပေါင်းရင်းမြစ်များ

2 Kyetsinyinga 29:31

Hene yaho, mwami Hezekia yavavolera, “Kalunu mumali kwitakasa munyi aveene imbiri wa Yahova, mwisundi ahimbi, mulete visiuviliru kandi vihaanwa viu kusandiza ku Yahova.” Livugana lialeta visiuviliru kandi vihaanwa viu kusandiza mu Litembeli; na vosi avaari nu mwoyo gwu vwihaani valeta vihaanwa viu kusambwa.

2 Kyetsinyinga 33:16

Yumbaka vuhia uvwali aha Yahova yaasigamirwa, kandi yahaana visiuviliru viemirembe kandi vihaanwa vie lisandiza kuvwo. Yalaga avandu vosi vi Ivuyuda ukusigamira Yahova, Nyasaye wa Isiraeli.

2 Kyetsinyinga 7:6

Vasaalisi vasingira mu vogono vwavo; kuli vandu va Levi vaakora ni viju via Yahova viukwimbira, viu mwami Daudi yaali ni yalomba kulwu kwizominya Yahova kandi iviatumikirangwa lwa yaahaanaa lisandiza, navoora, “Vuyanzi vwivwe vuhindiraa mihiga ni mihiga.” Avasaalisi vaakuba visiriva nivahenzi vandu va Levi, na vandu vosi va Isiraeli vasingira.

Ezara 3:11

Vimbira Yahova nilizominya kandi nilisandiza: “Yahova aveeye mulahi; uvuyanzi vwivwe ku avandu va Isiraeli vuhindiraa mihiga ni mihiga.” Vuli umundu yahanzuka nizinguru zizie ziosi: Vizominya Yahova kigira miyinzi jumusingi gwi Litembeli jaali nijimali kutanga.

Nehemia 12:40

Kunangwa viduma viombi via mavugano iviali nivihaanaa lisandiza ku Nyasaye, viaduuka mu mugizi gwi Litembeli. Komeeda ku inusu ya aviimiliri avaari harara niinzi,

Nehemia 12:43

Lidiku yilio, vahaana visiuviliru vinyingi, na avandu vizura vusangali vonene ligali kigira Nyasaye yaali navakoli kuva nu vuyanzi ligali. Avakali na avana vasanga mu lisangala zana, kandi liyoga lia valomba liahulirika kuduuka ihale na ihale.

Zaburi 118:19

O, Yahova, unziguliri virivwa vie Litembeli; na inzi ndingira mu nukuhaana lisaandiza kuye!

Zaburi 119:108

O, Yahova vugilira lisaala liange lielisandiza, kandi unzigize amalago googo.

Zaburi 18:49

Kigira yaga, ndakwizominya ivi O, Yahova hagati hi zihiiri. Ndakwimbira zinyimbu zie lizominya.

Zaburi 50:14

Lisandiza lienyu, live kuli ivisuuviliu vienyu ku inzi, Nyasaye winyu kandi muhaane ku inzi Uwanyala Viosi, viosi via mwalaga.

Zaburi 50:23

Lwa muhaanaa lisandiza ku inzi, gaveeye kuli muhanaa visiuvilu viu kuhaana luyali ku inzi, na mulikola ndio, ligali ndahonya yavo vosi avambuliraa.”

Isaya 57:19

Mbana mirembe ku vosi, vombi vaveeye ihale na avaveeye ahimbi! Inzi ndahonyia avandu vange.

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Jeremia 33:18

kandi avasaalisi kutura mu ihiiri ya Levi valandumikira, kandi valahaana vihaanwa viu kusamba, vihaanwa viu vuswage kandi visiuviliru mihiga ni mihiga.”

Hosea 14:2

Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

Kyavalevi 7:12

Niiva mundu alahaana kihanwa yiki kuli kihanwa chi lisandiza ku Nyasaye, hene yaho, alahaana harara nu mutugu guhaanwa, kuli kisiuviriru mugadi gutaveeye mu na mamera uguzuganyiywi mu na maguta ga muzeituni, visikuti vivakiywi maguta ga muzeituni, anoho viabati vitaveeye mu namamera vivakiywi maguta ga muzeituni, anoho zikeki zialombwa ku vusie vunyuki zizuganyiywi mu namaguta ga muzeituni.

Livalidza 7:62

Kandi yahaana ibakuli indala yi zahabu yuvulitu ziguramu 110 ni yizuuyi kimuli kifunyaa mwayu,

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Luka 10:21

Ing'inga zana yeyo, Yeso yizula uvusangari mu Roho Mutakatifu, niyizominya Nyasaye, navoora, “Baba, Mwami wi ligulu nilirova. Ngusandizaa ligali kigira ivi umali kuvisa ivindu yivi kuvageri kandi ku avilimanya, navuzwa uvuuliyi vihanzahanza. Yee, Baba, nindio wayanza yaga gakolwi kuli vulaliri vuvwo.

Yohana 10:9

Inzi mbeeye kirivwa. Ku vosi uwingira kuvitira ku inzi alahonywa; alingira kandi atuli ichova kandi alanyoola vwayiru.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Varumi 6:19

Hano moloma kuli mundu wa kase kigira vodedekere vwi liiva lienyu aveene. Ku ing'inga ndala mwihaana aveene ligali kutumikira uvudamanu kandi kifwavwi kigira uvudamanu. Navuzwa kalunu kuduuka mwihaane aveene ligali muve avatugwa vu vulungi kigira kivuni kitakatifu.

Vafeso 2:18

Gaveeye kuvitira mu Kristo ndi kunyi kwosi, Avayuda kandi vandu vizihiiri, koveeye avanyala kuuza imbiri wa Baba mu Roho mulala.

Vakolosai 1:12

musandiza Baba, umali kumuvugilira kusanga mu miandu juvugasu vwa Nyasaye yavikira Vakrisitayo veve mu vwami vwu vulavu.

Vahebraina 12:28

Kunangwa, gendi kusandizi kigira konyoora uvwami vutanyala kodengeyizwa. Gendi kusandizi ma kusigamiri Nyasaye munzira yu ku muyaanziza, niliegehiza nuvuti ligali,

Vahebraina 7:25

Kandi ndio anyala, kalunu na kazozo, kohonyia yavo avaazaa ku Nyasaye kuvitira muye, kigira aveeye mwoyo mihiga ni mihiga, kandi avasaaliraa ku Nyasaye kazozo.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.