Vahebraina 11:29 - KITABU KITAKATIFU

²⁹ Kigira lisuuvira avandu va Isiraeli vaambuka mu Inyanza Inzakanyu kuli vaali ku marova amuumu. Lwa vandu Vaegebeti vageriza kokora ndio vakuzira mu mazi vosi.

Vahebraina 11:29 ပူးပေါင်းရင်းမြစ်များ

Nehemia 9:11

Ivi walombera avandu vovo inzira yu kuvitira ku mu inyanza hagati, kandi wavimilira kuvitira ku marova amuumu. Yavo avavalondelera vaahirwa mu luliva lwa mazi, kuli ligina lieyinaa mu inyanza enene yiviguvuli.

Zaburi 66:6

Nyasaye yagilung'anyia inyanza nigwa kivala chumu, na avaguuga viitu vaambuka mugera ku virenge. Hene yaho kwasangala kigira ku goosi aga yakola.

Zaburi 78:13

Yavukanyia inyanza kandi naavavitizira hagati hayo; yalomba amazi gasingiri vulungi kuli madigi.

Kutwula 14:13

Musa yavativulira navoora, “Mutatia mba! Musingiri vudinyu, na mulalora icha Yahova akolaa kumuhonyia: lidiku linu simulalola vandu va Egebeti yava kandi mba.

Kutwula 14:22

kandi vandu va Isiraeli vavitira munyanza ku lirova liumu, harara na madigi ga amazi ku zimbega ziombi.

Kutwula 14:27

Kunangwa Musa yanyira mukono gwigwe kunyanza, lwu mugamba gwaduuka amazi girana kuva kuli kazozo. Avandu va Egebeti vaageriza kwiluka kutura mumazi, navuzwa Yahova yavatuula vosi munyanza.

Joshua 2:10

Kumali kuhulira kuli Yahova yuminya inyanza inzakanyu imbiri winyu lwa mwaali nimutulaa Egebeti. Kwamala kuhulira kuli mwita Sihoni na Ogu, avami vanene va vandu va Amori vaviri Ivugwi wu mugera gwa Jorodani.