Vahebraina 11:27 - KITABU KITAKATIFU

²⁷ Kigira lisuuvira Musa yatura Egebeti vugira kutia vutima vwu mwami; siyirana inyima kigira yaali vuzwa mundu olola Nyasaye utalolekaa mba.

Vahebraina 11:27 ပူးပေါင်းရင်းမြစ်များ

Zaburi 16:8

Inzi manya ndi Yahova aveeye harara inzi kazozo. Aveeye ahimbi ninzi na sihaveeye ho ni kindu kinyala kondegeliza mba.

Kutwula 11:8

Musa yamaliriza ku livoora ndi, “Avatumikiri vovo vosi valakaze kwinama imbiri wange, na valakandeve mbuguli avandu vange vosi nu kuzia navo. Inyima wayaga ndakatuli.” Maku mu vutima vonene Musa yatura ku Mwami.

Kutwula 12:11

Muduukana mugilie vwangu, kigira gamudukira mwiviki kwetegekera logendo, muve ni ivilato mu virenge vienyu, kandi zimbimbu mumakono ginyu. Mulie vwangu kigira liveeye lilia lie Lipasaka liu kuhaana luyali ku Inzi, Yahova.

Kutwula 12:50

Avandu va Isiraeli vosi vahulira ni vakora ndio kuli Yahova yalaga Musa na Haruni.

Kutwula 4:19

Lwa Musa yaali nakikiri mu Midiani, Yahova yamuvolera, “Yirana uzie Egebeti, kigira yavo vosi avenya vakwiti vaakuzi!”

Matayo 10:22

Na avandu vosi valamudunyira kigira lieta linage. Navuzwa mundu uliekuzira kuduuka ku keheri, alakahonywi.

Matayo 24:13

Navuzwa uyu ulakikuziri kuduuka ku keheri, alahonywa.

Marko 13:13

Avandu vosi valakamusuuli kigira ilieta liage. Navuzwa uyu uliekuzira kuduuka kukeheri alakahonywi.

Marko 4:17

Navuzwa silivingiraa nu kuhila imiri muvo mba. Navo vidinyirizaa mu Iikuva zana hakekeke vuzwa. Na ing'inga valora ikivi anoho ilidambizwa kigira likuva lia Nyasaye, nonoho ilisuuvira liavo likuzaa.

Vikolwa 2:25

Kigira Daudi yavoola kuye ndi, ‘Ndaalora Mwami imbiri wange kazozo; kigira aveeye ninzi, ha mukono mulungi gwage, kunangwa mburi kodengeyizwa mba.

1 Vakorintho 13:7

Uvuyanzi vukunikaa vindu viosi vusuuviraa vindu viosi, vusuuvirizwa vindu viosi. Vwikuzira ku vindu viosi.

2 Vakorintho 4:18

Kunangwa kunyi sikogoteraa ku vindu vilolekaa mba, navuzwa ku vindu vitalolekaa. Ivindu vilolekaa vimenya ku ing'inga ngekeeke vuzwa, navuzwa vitalolekaa vihindiraa mihiga ni mihiga.

Vakolosai 1:15

Kristo aveeye ligondo lia Nyasaye utalolekaa; utanga kwivulwa, na kandi aveeye umunene ku vilombe viosi;

Vahebraina 10:32

Mwizurizi kuli lwa gaali nimunyi zing'inga ziavita. Mu madiku yago inyima wu vulavu vwa Nyasaye vwali nivwakaa ku munyi, mwasalira vindu vinyingi, navuzwa simwaguutwa mba.

Vahebraina 11:1

Kuva ni lisuuvira ni kuva na giligali gi vindu via kulindiliraa, kandi vindu via kutanyala kolola.

Vahebraina 11:13

Avandu yava vosi vaakuza nivaveeye mu lisuuvira. Vaakuza nivakikiri konyoora vindu via Nyasaye yavasuuviriza. Navuzwa vaali nivaviloleeye ihale, kandi nivavavugilira, kandi niviyama havulavu ndi vaali avageni na vamenya mu lirova.

Vahebraina 6:15

Aburahamu yaali mwikuziri, kandi ndio yanyoora icha Nyasaye yamusuuviriza.

Yakobo 5:11

Henza, kuvavalizaa kuva avuvugasu kigira viikuzira. Mwamala kuhulira amakuva gu vwikuziri vwa Ayubu, kandi mumanyi kuli Mwami yamukolera mu limalirika. Kigira Mwami yizuuyi zimbavasi kandi livererera.

1 Petro 1:8

Munyi mumuyanzaa kali niiva simwamulola, kandi musuuviraa muye, kali niiva simumulolaa kalunu mba. Kunangwa musangare nu vusangali ovonene uvutanyala kovoolwa mu makuva vuzwa,