Vagalatia 6:9 - KITABU KITAKATIFU

⁹ Kunangwa kunyi kutaluha ku likora uvulahi mba, kigira kulavuna mu zing'inga ndahi, kulakagese niiva si kukuza mioyo mba.

Vagalatia 6:9 ပူးပေါင်းရင်းမြစ်များ

Litanga 29:7

Yakobo yavoola, “Kigira vukikiri mbasu kandi ing'inga ikikiri kuduuka yukwingiliza viayo, kigira ki simuzinwehiza mazi ma wiranyie muchayiru?”

Zaburi 104:27

Vindu yivi viosi vieredaa ku ivi, uvihe chukulia ing'inga ya viveeye ni inzara.

Zaburi 126:5

Leka yavo avamiiza uvuguza namaliga, vaavungize ligesa nuvusangali!

Zaburi 145:15

Avandu vosi veereda ku ivi, kandi uvahezaa viukulia viavo mu zing'inga ziduukanaa.

Tsing'ano 11:18

Avandu vachamu sivanyoola kindu mba navuzwa nokora agaveeye amalungi, ulanyora madanyi.

Kohelethu 11:1

Koveeye ni livoora lia makuva ndi, “Usiuvi viukulia vivio ku mazi, na inyima wi ing'inga idukanaa, ulavinyoola kandi.”

Jeremia 45:3

ivi ovola, ‘Inzi ndeke! Yahova amali komeeda ovovereri ku uvudinyu vwange. Inzi nduhi kigira likenya, kandi sinyala konyoora ovososi mba!’

Kyavalevi 26:4

ndamutumira imbura mu ing'inga idukanaa, kunangwa kivala chaame viamo ni misaala jaame makuyu.

Zefania 3:16

Ing'inga yiza navoolere avandu va Jerusalemi ndi, “Mutava nu vuti mba, lidaala lia Ziyoni! Makono ginyu gatadedekera mba!

Malaki 1:13

Muvooraa, ‘Kunyi kuluhi ni vindu yivi viosi!’ Na mugilung'anaa ni mumbezaa. Lwa muhaanaa ku inzi muletaa vihaanwa vie zinyama zia mumali kwiva, anaho inyama yalema anoho ilwalaa, muganaganaa ndazivugilira?

Matayo 10:22

Na avandu vosi valamudunyira kigira lieta linage. Navuzwa mundu uliekuzira kuduuka ku keheri, alakahonywi.

Matayo 24:13

Navuzwa uyu ulakikuziri kuduuka ku keheri, alahonywa.

Matayo 25:17

Munzira ndala nzere, umutumikiri wahevwa zitalenta ziviri yanyoora vukala zitalenta zindi ziviri.

Matayo 9:19

Kunangwa Yeso yasingira harara na aviigi veve, naamulonda.

Marko 3:3

Yeso yavolera umundu waali niyang'era mukono, “Hamba usingiri imbiri yinu.”

Luka 18:1

Maku, Yeso yavolera vigi veve lugano kuvamanyia ndi, gavadukiraa vasaale kazozo vugira kuluha.

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

2 Vakorintho 4:1

Mu zimbavasi zia Nyasaye, umali kuhaana ku kunyi muyinzi yigu kokole, kulwayago, sikunyala kukuza mwoyo mba.

2 Vakorintho 4:16

Kigira kivuni yiki, kunyi sikukuzaa mwoyo mba. Navuzwa kali niiva liiva lietu lio muviri liguundaa galaha, liiva lietu liu mu Roho likolwa lihia kazozo.

2 Vakorintho 9:6

Mwizurizi ndi, mundu utaagaa vumwu vokekeeke agesaa vikekeeke; mundu utaagaa vumwu vunyingi agesaa vinyingi.

Vafeso 3:13

Kunangwa mugoonyaa ligali, mutakuza mioyo mba kigira salira kulwa munyi; yaga gaveeye uvukala vwinyu.

Kwidzulitsa 11:14

Ni mukora ndio, alatuma imbura mu kivala chienyu mu zing'inga ziayo, imbura yukutanga kandi imbura yi chuvwi, kunangwa muduuki kuva nuvuswage, iwaini kandi maguta ga muzeituni.

2 Vatesalonike 3:13

Navuzwa munyi, avaamitu viitu, mutaluha likora amalahi.

Vahebraina 12:3

Muganagane ligali ku ga Yeso yavitira mu; kuli yikuzira ku lihing'ana linene kutura ku vandu voni. Kulwayago mutaluha kandi mutakuzi mioyo jinyu mba.

Vahebraina 12:5

Mumali kwivilira amakuva gukumuruviriza ga Nyasaye amolomaa ku munyi kuli avana veve? “Mwana wange, utalegeriza mwami lwa ahaanaa mageri mba. kandi utakuzaa mwoyo lwa akogondokeraa mba.

Vahebraina 3:14

Kunyi koveeye avasangi harara na Kristo, niiva kulagumila lisuuvira lietu kuduuka kukeheri kuli lia kwaali nalio mulitanga.

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.

Yakobo 5:7

Kunangwa avaamitu vange, muve aviikuziri kuduuka liza liu Mwami. Heenzi kuli umulimi alindiliraa mu liekuzira, ivitagwa vivie viduuki kwama amakuyu amalahi. Alindiliraa nu vwikuziri imbura yu kutanga kandi yinyima.

1 Petro 2:15

Uvulariri vwa Nyasaye voveeye ku likora vulahi muduuki kukiring'anyia limoloma lia vandu avasiru.

1 Petro 3:17

Ni vulahi ligali kusalirizwa kigira likora vulahi, niiva nu vulaliri vwa Nyasaye, kuvita lisalirizwa ku likora vudamanu.

1 Petro 4:19

Yavo avasaaliraa kigira uvulariri vwa Nyasaye, gavadukiraa vihaane ku mulombi wavo musuuvirifu kandi vazizagiliri kokora vulahi.

Likunula 2:17

“Uyu oveeye nu gutu ahuliri likuva lia Roho avolera amakanisa! “Yavo avaguutaa ndavaha amaana gavisiywi, kandi ndavaha ligina lilavu, ling'odeywi ku lieta lihia, liu umundu, atamanyi nataveeye uyu oheveywi ilieta zana.

Likunula 2:3

Ivi oveeye umwikuziri kandi umali kusalira kigira inzi, navuzwa siwakuza mwoyo mba.

Likunula 2:7

“Oyo oveeye nu gutu, ahuliri aga Roho avolera amakanisa! “Uyu ugutaa, ndamuha uvunyali aduuki kulia amakuyu gu musaala gwi livamwoyo, ogoveeye mu mulimi gwa Nyasaye.