Vagalatia 6:8 - KITABU KITAKATIFU

⁸ Niiva mundu alataaga mu mulimi ku liegomba lio muviri gwigwe mwene, alagesa ligesa lie likuza. Navuzwa niiva atagaa mu mulimi gwa Roho, kutura ku Roho, alagesa livamwoyo litahera mba.

Vagalatia 6:8 ပူးပေါင်းရင်းမြစ်များ

Ayubu 4:8

Mali kolola vandu ni vakora uvudamanu kandi nivamizaa uvudinyu kuli mulimi amizaa uvuguza, navuzwa vagesa vuzwa uvudamanu.

Tsing'ano 11:18

Avandu vachamu sivanyoola kindu mba navuzwa nokora agaveeye amalungi, ulanyora madanyi.

Tsing'ano 22:8

Mundu utagaa vudamanu alagesa kivi, ni lidambiza lia dambiza vandi lilahelizwa.

Kohelethu 11:6

Utage vuguza ing'inga ya mugamba kandi ing'inga ya mugolova, kigira siumanya niiva viosi vilamera vulahi anaho vitagwa vilala vilakola vulahi kuvita vindi mba.

Isaya 32:20

Vuli mundu alakave navuyanziki lwa mazi nagaveho muvunyingi agukusama ku vitagwa kandi nuvwayiru vunyingi havundu hoosi vwi zibunda kandi mitugu?

Jeremia 12:13

Avandu vange vaamiza ingano, navuzwa valakagese livaanze; vamali kuyinzira vudinyu, navuzwa sivanyoyeku kindu mba. Kigira vutima vwange vululu vitagwa viavo sivilakora vulahi mba.”

Hosea 10:13

Munyi mwakora uvudamanu, kandi mumali konyoora likora liu vudamanu vwinyu, mumali konyoora madanyi gu vugadi vwinyu. “Kigira mwasuuvira mu zibarasi zienyu kandi mu vasikari vinyu vanyingi,

Hosea 8:7

Lwa vegomba imbuza valanyora kihuzuzi! Mulimi gwuvuswage ugutaama sigunyala kuva niligesa lie ingano mba. Navuzwa kali niiva ligesa liakaveeye mu avageni valavilia.

Matayo 19:29

Navuzwa, ku yavo vosi avaleka zinyumba ziavo anoho avamwavo vaavo, anoho avavozo, anoho ava baba anoho avamama vaavo, avana, anoho milimi jaavo kigira inzi, valanyora ivindu haali mia, kandi valanyora imiandu je livamwoyo litahera mba.

Matayo 25:46

Kulwayago, valazia konyoora ikivi na maduywa gi mihiga ni mihiga, navuzwa avalungi valanyora livamwoyo lie mihiga ni mihiga.”

Luka 18:30

ulivula konyoora vinyingi ligali mu ing'inga ya kalunu, kandi konyoora livamwoyo litahera mba mu ing'inga yiza.”

Yohana 4:14

Navuzwa ku woosi unwa ku amazi ga mbana, sialava nuvuluhu kandi mba. Ligali amazi ga ndimuha galava muye kidaho cha amazi gi livamwoyo agasinukaa kumuha livamwoyo litahera mba.”

Yohana 4:36

Mugesi anyoora madanyi geege, ma avungiza viamo kigira livamwoyo litahera mba, kunangwa mundu utagaa nogesaa vasangala harara.

Yohana 6:27

Mutayinziliri viukulia vioneka; navuzwa muyinziliri viukulia vimenya kuduuka ku livamwoyo litahera mba. Yivi nivio viukulia viu Mwana wa Adamu alimuha; kigira Baba Nyasaye umali kuviika muhuri gwi livugilirwa kuye.”

Varumi 13:14

Navuzwa muvuguli viugi viu Mwami Yeso Kristo, kandi muleke kuganaganyia iliiva lienyu liu vwoni liukwigutiza likayirwa liavwo.

Varumi 6:13

Anoho mutaleki kali kevero kilala chi miviri jinyu kuva kiju cho kokora vudamanu nuvwoni mba. Navuzwa mwihaane ku Nyasaye kuli vandu vasimugukizwa kutura mu vakuzu, muhaane vivero vienyu viosi ku Nyasaye ku kivuni chuvulungi.

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

Varumi 8:11

Niiva Roho wa Nyasaye, wasimugukiza Yeso Kristo kutura mu vakuzu, amenyaa mu munyi, hene yaho, uyu wasimugukiza Yeso Kristo kutura mu vakuzu alahaana livamwoyo mu miviri jinyu kuvitira mu Roho weve, omenya mu munyi.

Varumi 8:13

Nimuva nimumenya kolondekana ni liiva lienyu liu muviri, mulakuza; navuzwa niiva mu Roho, muliita vikolwa vienyu viu vwoni, mulava mwoyo.

Varumi 8:6

Ukwamiifa na Roho koleta livamwoyo kandi mirembe.

1 Vakorintho 15:42

Ni ndio galakave mu lisimuguka lia vakuzu. Lwu muviri guyavirwa, goveeye gwi likuza. Lwa gusimugukizwa, goveeye gwi livamwoyo mihiga ni mihiga.

Vagalatia 6:7

Mutagadwa mba, Nyasaye sianyala kokolelwa kehenyahenye mba. Ichu mundu atagaa, nicho cha agesaa.

Tito 3:7

Kunangwa ku zimbavasi zizie, kunyi kuduuki kokolwa avalungi na Nyasaye kandi kuduuki konyoora imiandu lisuuvirizwa lie livamwoyo litahera mba.

Yakobo 3:18

Ligesa lia amakuyu gu vulungi limizwa mu mirembe na yavo avayaanzaa koleta mirembe.

2 Petro 2:12

Navuzwa avandu yava vayinzira novogeri kuli zinyama ziu muvulimu, ziivurwa ma zigumirwa nukwitwa. Vingilira namanyego kindu choosi chavatamanyi. Valadivizwa kuli zinyama ziu muvulimu,

2 Petro 2:19

Vavasuuviriza ovovoholore, lwa yavo aveene vaveeye avatugwa vu vwoni kigira umundu aveeye umutugwa wi kindu choosi ikimwamihaa.

Yudasi 1:21

Mumenye mu vuyanzi vwa Nyasaye, ni mulindiliraa liu Mwami wiitu Yeso Kristo muzimbavasi amuhe ilivamwoyo lie mihiga ni mihiga.

Likunula 22:11

Leka oyo okolaa vudamanu ameede kokora vudamanu ligali. Leka oyo oveeye ni kivihiri ameede kokora kivihiri. Leka oyo okolaa vulahi ameede kokora vulahi. Leka oyo oveeye mutakatifu ameede kuva mutakatifu.”