Vagalatia 6:17 - KITABU KITAKATIFU

¹⁷ Kutura kalunu mundu woosi, atanyangiza mba, kigira ng'ingi ku muviri gwange zimbala zimanyia ndi mbeeye mutugwa wa Yeso.

Vagalatia 6:17 ပူးပေါင်းရင်းမြစ်များ

Isaya 44:5

“Mundu mulala sa mulala alavoora, ‘Inzi mbeeye wa Yahova.’ Valaza nukuhambana na vandu va Isiraeli. Vuli mulala alang'oda lieta lia Yahova ku mukono gwigwe, kandi aliigulika umwene kuva mulala ku vandu va Nyasaye.”

Ezekieli 9:4

“Zia mu lidaala linene lia Jerusalemi liosi na uviiki kelolero ku vweni vwa vuli mundu overeraa kandi usiomaa kigira vindu viosi viu kuvihiliriza vikoleka mu lidaala yili.”

Vikolwa 15:24

Kunyi kuhuliyi ndi avandu vandi kutura mu muganda gwitu vamunyangiza na makuva gaavo, nivamuhendiza mioyo jinyu. Navuzwa vakora ndio vugira munwa kutura ku kunyi.

2 Vakorintho 1:5

Yee, kuli kusangaa muvusaliri vunyingi vwa Kristo, kandi ndio, kuvitira mu Kristo, kusangaa mu vokonyi vonene vwa Nyasaye.

2 Vakorintho 4:10

Vuli ing'inga kugingaa likuza lia Kristo mu miviri jietu, kunangwa livamwoyo lia Yeso liduuki kololeka mu miviri jietu.

Vagalatia 1:7

Mugiligali gene, sihaveeyeho ni “Ivangeri yindi mba”, navuzwa mboraa yaga kigira vaveeye ho avandu valala avamunyangizaa, kandi avagerizaa kugirung'anyia Ivangeri ya Kristo.

Vafilipi 3:10

Icha inzi nyenya ku viosi ni kumanya Kristo, no kolola izingulu zie ilisimuguka lilie, nduuki kusanga mu uvusaliri vwivwe, nu kuvwa kuli oyo mu likuza lilie,

Vakolosai 1:24

Kalunu sangala mu vusaliri vwange kigira munyi, kuvitira mu vusaliri vwange vwu muviri, ngonyanilaa cha ligala mu vusaliri vwa Kristo kigira muviri gwigwe, ogoveeye likanisa.

Vahebraina 12:15

Mwilindi ku lirana inyima kutura ku zimbavasi zia Nyasaye. Mutaleka mulala ku munyi ave kuli kitagwa kilulu ichakaviruka ma chaleeta uvudinyu, ni sumu yacho mba.

Joshua 7:25

Joshua yavoola, “Kigira ki oleeti kivi yiki choosi ku kunyi? Yahova alaleeta ikivi ku ivi mwene kalunu!” Avandu vosi vamulasa na magina nakuza kandi valasa vandu vinyumba yeeye na magina kandi nivavasamba harara ni miandu jije josi.

Likunula 13:16

King'ang'a zana chaaniga avandu vosi, avakeekeke na vanene, avatugi na vadaka, avatugwa na vavoholore, vahevwe chukumanyirwa ku mukono mulungi, anoho kuvweni vwavo.

Likunula 13:17

Sihaveeye nu mundu kali mulala unyala kugura kindu anoho kugulizira wundi kindu nataveeye uyu oveeye ni chukumanyirwa, ku nacho ni lieta lie king'ang'a yiki, anoho inamba yi lieta liacho.