Vagalatia 6:1 - KITABU KITAKATIFU

¹ Avaamitu vange, niiva mundu woosi yanyooleki nakora vwoni munyi avaveeye mu Roho gavadukiraa mumukonye vulungi mu vohoma. Navuzwa mwilindi aveene gase na munyi mulagerizwa kandi.

Vagalatia 6:1 ပူးပေါင်းရင်းမြစ်များ

2 Samweli 11:2

Lidiku lilala hamugorova ligali, Daudi yavuka kutura mu lisosa lilie nazia kwigulu kwi inyumba yu vwami. Lwa yaali nagenda igulu wene yeyo, yalora mukali niyisinga. Mukali oyo yaali wi ligondo lilahi ligali.

Zaburi 141:5

Mundu mulahi alahaana amageri ku inzi kandi alang'ondokera mu vulahi, navuzwa si ndavugilira uluyali kutura ku vandu vadamanu mba, kigira inzi saalaa kazozo ku vikolwa viavo vidamanu.

Ezekieli 34:16

“Inzi mwene ndahenza agagotaa; ndiranyia agavoyavoya, ndavohelera agasalirizwa, kandi ndahonyia yago agaveeye malwaye. Ndakadivizi agaveeye amakomeru kandi agizingulu, kigira mbeeye mwimiliri okolaa agaveeye malungi.

Matayo 11:29

Mugiingi iniira yange, mwikutula ku inzi, kigira inzi mbeeye muhooma nu muhocha mu mwoyo; na munyi mulanyola ovososi mu mioyo jinyu.

Matayo 26:69

Petero yaali ni yikaye ha mugizi lwa mulala ku vatumikiri vakana vu Musaalisi Munene yaza kuye navoora, “Ivi kandi ni mulala ku vaali na Yeso wa Galilaya.”

Matayo 26:75

na Petero yizuliza amakuva ga Yeso yamuvolera, “Idaywa nikikiri kulagula, ivi ulanyambakana haali kavaga.” Yatura nazia ichova nalira ligali no vovereri.

Matayo 9:13

Muzie kwiga kivuni cha amakuva yaga: ‘Nyenya zimbavasi, si nyenya visiuviliru mba.’ Sindaaza kulanga avandu avalungi, navuzwa avoni.”

Varumi 14:1

Muvugiliri vandu vaveeye vadedekere mutahangalizana navo ku makuva gi zing'anagani ziavo mba.

Varumi 15:1

Kunyi ava koveeye ni zinguru mu lisuuvira, kuduuka kokoonye avadedekere vaduuki kuginga uvuliduhu vwavo. Kutiyanziza kunyi aveene mba.

Varumi 8:6

Ukwamiifa na Roho koleta livamwoyo kandi mirembe.

1 Vakorintho 10:12

Woosi wiganagana asingiyi vudinyu vwakaveeye vulahi yeehenze, gase alagwa!

1 Vakorintho 14:37

Niiva umundu woosi aliganagana kuva muporofeti anoho ave ni kihanwa cha Roho, gaduukanaa amanye ndi ga mung'oderaa gaveeye amalago gu Mwami.

1 Vakorintho 2:15

Mundu oveeye na Roho aveeye ni likalaga lirungi ku vindu viosi, navuzwa oyo mwene sianyala kukalagirwa nu mundu wundi utaveeye na Roho mba.

1 Vakorintho 3:1

Avaamitu vange, inzi sindaali nyara komoloma ni munyi kuli molomaa ku vandu vaveeye na Roho mba; navuzwa ndaamoloma ni munyi kuli avandu vu mu lirova yili kuli vana vadoto mu lisuuvira liu Vukristayo.

1 Vakorintho 4:21

Muyanziliraa ki? Nzizi ku munyi ni mbimbu, anoho nu mwoyo gwu vuyanzi?

1 Vakorintho 7:5

Mutasuulani aveene naveene ku likolerana agamuduukira mba, nigataveeye ku lihulirizana lia mulagani kutanga ku ing'inga ngekeeke, muduuki kuva nu vwiyangu vulahi vwu kusaala; ma inyima muve harara kandi, kunangwa Setani avuli kuva nu vwiyangu ku mugerizaa kigira livula kwilinda kwinyu.

2 Vakorintho 10:1

Inzi, Paolo, ovolwa kuva muhocha kandi umwegehizu nimbeeye harara ni munyi moni na moni, navuzwa mululu papapa lwa mbeeye ihale kutura ku munyi, ng'oonya munyi ligali nu mwoyo gwosi, ku vohocha novohooma vwa Kristo!

2 Vakorintho 2:7

Nivulahi munyi musamiihi mundu oyo kandi mumuleminye mwoyo, avuli kovelera no koleka lisuuvira.

2 Vakorintho 2:8

Kunangwa mugoonyaa, mumumanyie mwamuyaanza.

Vagalatia 5:23

ovohocha, kandi ukwilinda. Sihaveeye ho ni lilaga lisuulanaa na makuva kuli yaga mba.

Vagalatia 6:18

Zimbavasi ziu Mwami wiitu Yeso Kristo zive harara ni munyi mwosi, avaamitu vange. Amini.

1 Vatesalonike 4:1

Mu limaliriza, avaamitu, viitu, mwigi kutura ku kunyi kuli gamuduukira komenya kunangwa muduuki kuyaanziza Nyasaye. Nindio mwamenyangi kandi kalunu kumugoonya nu kumwiganihiza mu lieta liu Mwami Yeso mumeede kokora ndio ligali.

2 Vatesalonike 3:15

Navuzwa mutamuvugula kuva umusigu mba, navuzwa mu mwiganihizi kuli aveeye mulala ku vandu vasuuvira.

Vahebraina 12:13

Muzizagiliri kogenda kuzinzira zinungi, kunangwa kerenge chaalema kivuli kufogoya, navuzwa mu vogono yivwo kehonywe.

Vahebraina 13:3

Mwizurizi yavo avaveeye muvuhambe, kuli avamuvoheywi harara navo. Mwizurizi yavo avakubaa kivi kuli musaliraa navo.

Yakobo 3:13

Nivwaha oveeye umugeri nuwilimanya hagati hinyu? Gamudukira avumanyie havulavu mu liiva lilie lilahi, kandi ivikolwa vivie ivilahi ivikolwa mu liegehiza no vogeri.

Yakobo 3:2

Kunyi kwosi kokora vudamanu kazozo amanyingi. Navuzwa niiva umundu woosi siakolaa vudamanu agaveeye kovora, aveeye umundu umudukiru, kandi anyala kulinda liiva lilie liosi.

1 Petro 3:15

Navuzwa mwizominye Kristo mu mioyo jinyu kandi muhaane luyali kuye kuli Mwami. Mwetegeke amadiku goosi kutivulira mundu sa mulala umuteeva ikivuni chi lisuuvira lia muveeye nalio mu Kristo,

1 Yohana 5:16

Niiva mundu alolaa amwavo weve naakoraa uvwoni vutaveeye vumudukiza ku likuza, gamudukira amusaaliri ku Nyasaye, na Nyasaye alamuha livamwoyo litahera mba. Likuva yili mbolera yavo avakolaa uvwoni uvutavimiliraa kuduuka ku likuza. Navuzwa voveeye ho nu uvwoni vuhilaa vandu mu likuza. Simbolaa musaale Nyasaye ku vwene yivwo mba.