Vagalatia 5:7 - KITABU KITAKATIFU

⁷ Mwaali ni mukoraa vulahi! Nivwaha wamwigalira muvura kolonda agiligali? Yamugoonya kuli ndi?

Vagalatia 5:7 ပူးပေါင်းရင်းမြစ်များ

Matayo 13:21

Navuzwa sivaveeye nimiri muvo aveene mba. Navo vidinyirizaa mu likuva zana hakekeke vuzwa, ma lwa valora ikivi anoho lidambizwa kigira likuva zana yilio ni lizaa, ahene yaho viranaa inyima.

Vikolwa 6:7

Likuva lia Nyasaye liazizagilira kulaanda. Livaliza lia vandu avasuuviraa vameedeka ligali mu Jerusalemi; kandi avasaalisi vanyingi vavugilira lisuuvira yili.

Varumi 10:16

Navuzwa sivaveeye vosi, avavugiliraa makuva malahi yaga mba. Isaya mwene yavoola, “Mwami, nivwaha umali kusuuvira makuva giitu?”

Varumi 15:18

Ndakaluviliri kovora kindu kindi choosi ni kitali vuzwa cha Kristo Yeso yakola kuvitira mu inzi kwimilira vandu vizihiiri vaduuki kuhulira Nyasaye. Yakola ndio mu makuva nu mu vikolwa,

Varumi 16:26

Navuzwa kalunu agiligali yago galolekiziywi kuvitira mu Mang'oda ga vaporofeti, kandi mu Lilaga lia Nyasaye wi mihiga ni mihiga kunangwa, gamanyikane ku zihiiri ziosi, vosi vaduuki kusuuvira nu kutia.

Varumi 2:8

Avandu vaveeye vahuvali kandi vasuura kindu keveeye kilungi kunangwa vaduuki kokora vindu viveeye vichamu; Nyasaye alaviika vutima vwivwe vululu kuvo.

Varumi 6:17

Navuzwa lisandiza liveeye ku Nyasaye! Kigira ku ing'inga ndala mwaali avatugwa vu vwoni, navuzwa kalunu mumali kutia ni mioyo jinyu josi agiligali ganyoolekaa mu amigizu maduukiru ga mwanyoola.

1 Vakorintho 9:24

Mumanyi vulahi ndi mu ligerana lie zimbiru, avanyaguli vosi vageranaa, navuzwa mulala kuvo niyie onyoora kihaanwa. Kunangwa kuduuka munyaguli muduuki konyoora kihaanwa.

2 Vakorintho 10:5

Kwononyia amahangari kandi chukwikigitaliza chukwekonyera ku choosi chaviikwaho kuhing'ana ni limanya lia Nyasaye, kandi kuvugura zing'anagani ziosi nu kuzikola kutia Kristo.

Vagalatia 2:2

Ndaazia kigira Nyasaye yambolera nzie yo. Mu livugana lia aviimiliri veng'ine, ndaavivaalira makuva gi Ivangeri ya ndilwaza ku vandu vizihiiri. Ndakora ndio kigira ndeenya miyinzi jange ja ndaali nindakola kale ni ja ngolaa kalunu jivuli kwoneka.

Vagalatia 3:1

Munyi Avagalatia vasiru! Nivwaha wamuloga? Imbiri wi zimoni zienyu ziene mwivaalirwa havulavu kuli Yeso Kristo yakuza ku musalaba.

Vagalatia 5:10

Navuzwa ngikiri ni lisuuvira ni munyi kuvitira mu Mwami ndi, simulava nu mwoyo gundi kali mulala kutura ku aga ndaamuvolera mba, navuzwa ku vosi umukubizaa kivi alava ni likalagirwa lilie mwene na Nyasaye, kali naava naveeye vwaha.

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Vahebraina 11:8

Kigira lisuuvira Aburahamu yegehiza lwa Nyasaye yamulanga azie mu kivala cha Nyasaye yaali ni yamusuuviriza ndi alamuha keve mwandu gwigwe, yazia kali natamanyi wazizaa.

Vahebraina 12:1

Kunangwa, kigira, kukumbiriziywi nikiduma kenene cha valolekizi, gendi kuviiki halovega misigo josi miliduhu jinyala kukwigalira kandi vwoni vuhandaa kukunyi vudinyu ligali, kandi gendi kunyaguli mu ligerana liviikiywi imbiri wiitu nuvwikuziri.

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.