Vagalatia 5:6 - KITABU KITAKATIFU

⁶ Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vagalatia 5:6 ပူးပေါင်းရင်းမြစ်များ

Luka 7:5

kigira yayanza avandu viitu, kandi umwene yakwumbakira lisinagogi.”

1 Vakorintho 13:13

Kulwa kalunu viveeye ho vindu vivaga vihindiraa: ilisuuvira, lisuuvirizwa, kandi uvuyanzi; navuzwa ekenene kuvita viosi keveeye uvuyanzi.

1 Vakorintho 7:19

Kigira likevwa anoho livula kokevwa siviveeye kindu mba; ekeveeye kenene ni kugumira no kolonda amalago ga Nyasaye.

2 Vakorintho 5:14

Vuyanzi vwa Kristo vukwamiihaa, kigira kumanya ligali ndi, umundu mulala yakuzira avandu vosi; agaveeye kovora ndi vosi vaasanga mu likuza lilie.

Vagalatia 3:26

Munyi vosi muveeye avana va Nyasaye kuvitira mu lisuuvira mu lihambanywa na Kristo Yeso.

Vagalatia 3:28

Kulwayago, sihaveeyeho kandi ni liavukana hagati ha Avayuda na vandu vizihiiri, mutugwa nu muvoholore anoho musaza nu mukali kandi mba. Vosi muveeye kindu kilala mu lihambanywa na Kristo Yeso.

Vagalatia 6:15

Likevwa anoho kuvula kokevwa siliveeye kindu, navuzwa kindu keveeye kenene nikuva ekelombe kihia.

Vafeso 6:23

Nyasaye Baba kandi Mwami Yeso Kristo ahaane mirembe, uvuyanzi kandi lisuuvira ku avaamitu Vakrisitayo vosi.

Vakolosai 1:4

Kigira kumali kuhulira lisuuvira lienyu mu Kristo Yeso, nu vuyanzi vwinyu vwa muveeye navwo ku avandu va Nyasaye vosi,

Vakolosai 3:11

Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi.

1 Vatesalonike 1:3

Kumwizulizaa mu lisaala lietu ku Nyasaye wiitu kandi Baba kuli muviika lisuuvira lienyu mu vikolwa, kuli vuyanzi vwinyu vomukolaa kuyinzira vudinyu ligali kandi kuli lisuuvirizwa lienyu mu Mwami wiitu Yeso Kristo liveeye lidinyu ligali.

Vahebraina 11:8

Kigira lisuuvira Aburahamu yegehiza lwa Nyasaye yamulanga azie mu kivala cha Nyasaye yaali ni yamusuuviriza ndi alamuha keve mwandu gwigwe, yazia kali natamanyi wazizaa.

Joshua 5:5

Avandu vosi avaatura Egebeti vaali nivamara kokevwa, navuzwa avayaayi vosi vivulirwa mu changalangwe, mu ing'inga yologendo kutura Egebeti, vaali nivakikiri kokevwa.

1 Petro 1:8

Munyi mumuyanzaa kali niiva simwamulola, kandi musuuviraa muye, kali niiva simumulolaa kalunu mba. Kunangwa musangare nu vusangali ovonene uvutanyala kovoolwa mu makuva vuzwa,