Vagalatia 5:22 - KITABU KITAKATIFU

²² Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vagalatia 5:22 ပူးပေါင်းရင်းမြစ်များ

Zaburi 1:3

Alafananywa numusaala gwasimikwa ahimbi ni migera ja mazi, gwamaa ku muhiga gwagwo matu gagwo siganialaa mba, na viosi via akola vilagasa.

Zaburi 92:14

Avaamaa makuyu mu vusakulu vwavo, kandi vaveeye kuli amatu mavisi kandi agizingulu.

Kohelethu 7:8

Limalirika lie kindu liveeye lilahi kuvita litanga liacho, kandi liekuzira liveeye lilahi kuvita lielola.

Jeremia 33:6

Navuzwa ndahonyia lidaala yili kandi ndilanyia avandu valio nu kuvaha uvulamu. Valamenya mu mirembe kandi mu likingwa liange.

Hosea 14:8

Avandu va Isiraeli si valeenya vifananyi kandi mba; Inzi ndahaana mativuli ku lisaala liavo kandi ndavalinda. Inzi ndava chiriri kuvo kuli musaala muvisi gwu mudaragwa: kandi ligasiza liavo liosi lilatula ku Inzi.”

Matayo 12:33

“Ni mwenya munyore makuyu malahi, gamudukira muve nu musaala umulahi; kandi ni mwenya munyore makuyu madamanu, muve nu musaala mudamanu. Umusaala gumanyikanaa ku makuyu gagwo.

Luka 13:9

Niiva gulama amakuyu muhiga guzaa, vulahi; navuzwa nigutama, unyala kugotema.’ ”

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Yohana 15:2

Vuli lusia oloveeye ku inzi ulutamaa makuyu alalotema, kandi vuli lusia lwamaa makuyu, alaluhalulira kunangwa ludase kwama amakuyu manyingi ligali.

Yohana 15:5

“Inzi mbeeye Muzabibu, na munyi muveeye zisia. Mundu ku vosi omenya mu inzi, nainzi niimba muye, yamaa amakuyu manyingi, kigira vugira inzi simunyala kukola kindu kali hakuzu mba.

Varumi 14:17

Uvwami vwa Nyasaye sivoveeye lilia kandi linwa mba, navuzwa voveeye uvulungi, imirembe kandi uvuyanzi voleetwa na Roho Mutakatifu.

Varumi 15:14

Avaamitu vange, mbeeye ni lisuuvira ndi munyi kandi mwizuyi uvulahi vwosi kandi, muveeye ni limanya liosi; kandi munyala kwigizana aveene naveene.

Varumi 15:3

Kristo si yiyanziza mwene mba. Navuzwa, kuli Mang'oda Matakatifu ku maziambiri gavoora, “Amanyego goosi ga yavo vanyega ivi, gaaza ku inzi.”

Varumi 15:30

Kunangwa avaamitu vange, mugoonyaa ligali imbiri wo Mwami wiitu Yeso Kristo, kandi mu vuyanzi vwa Roho ahaanaa, muhambane harara ninzi mu lisaala nu mwoyo gwu vugulu ku Nyasaye.

Varumi 6:22

Navuzwa kalunu, mumali kovoholorwa kutura muvwoni, na mugwiyi vatugwa avatumikiri va Nyasaye. Vukala vwa muveeye navwo kalunu nu vutakatifu, kandi keheri chavwo kcveeye livamwoyo lie mihiga ni mihiga.

Varumi 7:4

Ni ndio kandi gaveeye ku munyi avaamitu vange. Munyi mwakuza ku Lilaga kuvitira mu muviri gwa Kristo. Kalunu muveeye ava uyu wasimugukizwa kutura mu vakuzu kunangwa kuduuki kuva avovokoonyi mu vutumiki vwa Nyasaye.

Varumi 8:5

Yavo avamenyaa kuli liiva liu muviri livavoolera, vamiihangwa ni zing'anagani ziu muviri gwenyaa. Navuzwa yavo avamenyaa kolondekana ni lienya lia Roho, zing'anagani ziavo ziamifwa na ga Roho yenya.

1 Vakorintho 13:13

Kulwa kalunu viveeye ho vindu vivaga vihindiraa: ilisuuvira, lisuuvirizwa, kandi uvuyanzi; navuzwa ekenene kuvita viosi keveeye uvuyanzi.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vafeso 4:23

Mugirung'ane kandi mukolwe avahia mu Roho nomu zing'anagani zienyu,

Vafeso 5:9

Likuyu liu vulavu linyoolekaa mu goosi gaveeye malahi, malungi kandi agiligali.

Vafilipi 1:11

Livamwoyo lienyu liosi liliizula amakuyu goosi gu vulungi agatulaa mu Yeso Kristo kuduuka ku uvukumi ni ilizominywa lia Nyasaye.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

2 Vatesalonike 3:2

Musaale Nyasaye aduuki kokohonyia kutura ku vandu vachamu kandi avadamanu kigira vosi sivaveeye ni lisuuvira mba.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Petro 1:8

Munyi mumuyanzaa kali niiva simwamulola, kandi musuuviraa muye, kali niiva simumulolaa kalunu mba. Kunangwa musangare nu vusangali ovonene uvutanyala kovoolwa mu makuva vuzwa,

1 Petro 5:12

Ng'oderaa munyi ibarwa yiyi, Silivano naveeye umukonyeleri wange uwa inzi ndolaa kuva kuli amiitu oveeye umusuuvirifu mu Kristo. Nyenya kudinyiriza munyi nu kwizominya ndi yizi ni zimbavasi zia agiligali zia Nyasaye. Musingiri vudinyu mu zimbavasi yizi.