Vagalatia 5:19 - KITABU KITAKATIFU

¹⁹ Kunangwa miyinzi jumuviri jiveeye havulavu, najo ni yiji, uvulaya, kifavwi, voheyi vwi zing'ano ziosi,

Vagalatia 5:19 ပူးပေါင်းရင်းမြစ်များ

Zaburi 17:4

Mali kuhulira lilago liilio kandi sinondaa kuzinzira zia avikirage vatindi.

Yohana 3:6

Chu muviri gwivulaa nichumuviri ni charoho yivulaa ni cha Roho.

Varumi 7:18

Inzi manyi ndi uvulahi sivomenyaa mu inzi mba, iliveeye kovora, mbeeye mu liiva liu muviri. Kali nimba ningayilwa kokora amalahi, sinyalizaa kokora ndio mba.

Varumi 7:25

Lisandiza liveeye ku Nyasaye, kuvitira mu Yeso Kristo Mwami wiitu! Kunangwa yili nilio liiva liange: Inzi nyara kutumikira Lilaga lia Nyasaye mu zing'anagani ziange, navuzwa mu liiva liu muviri gwange, ndumikiraa Lilaga liu vwoni.

Varumi 7:5

Lwa kwamenya kolondekana ni liiva liakale liang'odwa mu Lilaga mba, navuzwa mu liiva lietu liu muviri, likayirwa lietu liu vwoni, ilialeetwa ni Lilaga, liakora miyinzi mu miviri jietu, ma nilikoleetera ilikuza.

Varumi 8:13

Nimuva nimumenya kolondekana ni liiva lienyu liu muviri, mulakuza; navuzwa niiva mu Roho, muliita vikolwa vienyu viu vwoni, mulava mwoyo.

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

Varumi 8:5

Yavo avamenyaa kuli liiva liu muviri livavoolera, vamiihangwa ni zing'anagani ziu muviri gwenyaa. Navuzwa yavo avamenyaa kolondekana ni lienya lia Roho, zing'anagani ziavo ziamifwa na ga Roho yenya.

Varumi 8:9

Navuzwa munyi si mumenyi kuli liiva lienyu liu muviri limuvoolera mba; navuzwa mumenyaa kuli Roho amuvoleraa mumenye, niiva Roho wa Nyasaye amenyaa mu munyi. Ku vosi utaveeye na Roho wa Kristo, mwene oyo siaveeye weve mba.

1 Vakorintho 3:3

kigira mukemenyi kuli avandu vi lirova yili vamenya. Lwe embodoka ni lirembana vikikiri hagati hinyu, vindu yivi vimanyia ndi munyi mukikiri vandu vi kivala, kandi mumenyaa kuli avandu vatamanyi Nyasaye.

1 Vakorintho 6:18

Mwerehe ligali ku voheyi. Uvwoni vundi vwosi vwu mundu akolaa voveeye ichova wu muviri gwigwe; navuzwa mundu okolaa vwoni vwo voheyi, yoona ku muviri gwigwe umwene.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vagalatia 5:17

Kigira vindu vie liiva liu muviri gwu uvwoni gwenyaa vihing'anaa ni via Roho yenya, kandi via Roho yenya vihing'anaa na iviumuviri gwenyaa. Kigira yivi viviri viveeye uvusigu ku iviene ku viene; agaveeye kovora, simunyala kokora via munyi mwenya kokora mba.

Vagalatia 6:8

Niiva mundu alataaga mu mulimi ku liegomba lio muviri gwigwe mwene, alagesa ligesa lie likuza. Navuzwa niiva atagaa mu mulimi gwa Roho, kutura ku Roho, alagesa livamwoyo litahera mba.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

Vahebraina 13:4

Lisererana kuduuka live nuluyali ku vandu vosi, kandi gaduukiraa avasaza na vakali vave avasuuvirifu mulala ku wache kazozo. Nyasaye alakakaragiri vadamanu kandi yavo avakolaa ovoheyi.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.