Vagalatia 5:11 - KITABU KITAKATIFU

¹¹ Navuzwa kulwa inzi avaamitu vange, nimba ni nzizagilira kwilwaza ndi likevwa lienyekanaa kalunu, kigira ki ngidambizwa? Kunangwa niiva yago gakaveeye agiligali, lilwaza liange kigira musalaba gwa Kristo sililaleeta vudinyu mba.

Vagalatia 5:11 ပူးပေါင်းရင်းမြစ်များ

Isaya 8:14

Kigira litihiza liu vutakatifu vwange, mbeeye kuli ligina liavandu vikigitara ku; mbeeye kuli mutego guligumira avandu vamadala ga Ivuyuda na Isiraeli kandi na vandu va Jerusalemi.

Vikolwa 16:3

Paolo yenya Timateo azie harara naye mu logendo, na kigira yaga yamukeva. Yakola ndio kigira Avayuda vosi avamenya hazana yaho vamanya ndi baba wa Timateo yaali Muguriki.

Vikolwa 21:21

Vamala kovoolelwa amakuva googo ndi ivi wigiza Avayuda avamenya mu Zihiiri zindi valeke lilaga lia Musa, vatakeva avana vaavo, kandi vatalonda miima ja Avayuda mba.

Vikolwa 21:28

Vahanzuka nivavoora, “Avandu va Isiraeli, kokoonyi, kokoonyi! Uyu niyie mundu wigiza avandu muvivala viosi makuva gahing'ana na vandu va Isiraeli, agahing'anaa ni Lilaga lia Musa na Havundu Hatakatifu hano. Kali kalunu umali kwingiriza avandu vi Zihiiri zindi mu Litembeli, nu kwonogonyia ahatakatifu hano.”

1 Vakorintho 1:18

Likuva lie likuza lia Kristo ku musalaba liveeye uvusiru ku yavo avadivaa, navuzwa ku kunyi avahonywa, liveeye zinguru zia Nyasaye.

1 Vakorintho 1:23

Navuzwa kulwa kunyi, kwilwazaa Kristo wavambwa. Ku Avayuda, likuva yili liveeye chukwikigitaliza, na ku vizihiiri liveeye uvusiru,

1 Vakorintho 15:30

Kulwa kunyi kigira ki kwiviikaa mu vuhiimwa vuli kazozo?

Vagalatia 2:3

Navuzwa uwache wange Tito, kali naveeye Muguriki, siyaanigwa kokevwa mba,

Vagalatia 3:1

Munyi Avagalatia vasiru! Nivwaha wamuloga? Imbiri wi zimoni zienyu ziene mwivaalirwa havulavu kuli Yeso Kristo yakuza ku musalaba.

Vagalatia 4:29

Ku ing'inga yeyo uyu mwana uwivulwa munzira ya kase yadambiza oyo uwivulwa kigira Roho wa Nyasaye, kandi gaveeye malala mere kalunu.

Vagalatia 6:12

Avandu vageriza kuniga munyi mukevwe kuzinguru, ni yava avenyaa kwimanyia ndi vaveeye avalahi, nu kwekonya ku vindu viu muviri. Vakora ndio kunangwa vavuli kudambizwa kigira musalaba gwa Kristo.

Vagalatia 6:17

Kutura kalunu mundu woosi, atanyangiza mba, kigira ng'ingi ku muviri gwange zimbala zimanyia ndi mbeeye mutugwa wa Yeso.