Vagalatia 5:10 - KITABU KITAKATIFU

¹⁰ Navuzwa ngikiri ni lisuuvira ni munyi kuvitira mu Mwami ndi, simulava nu mwoyo gundi kali mulala kutura ku aga ndaamuvolera mba, navuzwa ku vosi umukubizaa kivi alava ni likalagirwa lilie mwene na Nyasaye, kali naava naveeye vwaha.

Vagalatia 5:10 ပူးပေါင်းရင်းမြစ်များ

Vikolwa 15:24

Kunyi kuhuliyi ndi avandu vandi kutura mu muganda gwitu vamunyangiza na makuva gaavo, nivamuhendiza mioyo jinyu. Navuzwa vakora ndio vugira munwa kutura ku kunyi.

1 Vakorintho 5:5

gamudukira muhaane mundu uyu ku Setani. Na ndio iliiva lilie liu vwoni liduuki kwononywa, kandi umwoyo gwigwe guduuki kohonywa ku Lidiku lie likalagirwa liu Mwami wiitu Yeso.

2 Vakorintho 1:15

Mu agiligali yaga, ndegomba kuuza ku munyi kutanga, kunangwa munyi muduuki kugasizwa haali kaviri.

2 Vakorintho 10:2

Mugoonyaa ligali ndi mutangola mbe mululu lwanduuka yaho ku munyi mba. Manyi vulahi ndi nyara kuva mululu ku vandu valala vavoola ndi ngola vindu kuturana ku lienya lie kivala yiki.

2 Vakorintho 10:6

Kwetegeki kuhaana amageri ku woosi uvula kuhulira, lwi liitia lienyu liiva niliakatwekizwa.

2 Vakorintho 13:10

Kigira yaga, ng'odaa ibarwa yiyi nimbeeye ihale kutura ku munyi kunangwa lwa ndakaaze, ndavuli kuva mululu ku munyi lwa nditumikira uvunyali vwu Mwami yamba. Yee, vunyali vwu kwumbaka munyi; sivoveeye vwu kusambula mba.

2 Vakorintho 2:3

Kivuni chagira ning'oda ibarwa yeyo chaali ndi, lwa nziza yaho kuluuta munyi, mburi kuva ni livererizwa na yavo avenyekaa vanyaanzize. Mbeeye ni lisuuvira ndi lwa mbeeye nu vuyanzi, kandi munyi mwosi muveeye nu vuyanzi kuli ndio.

2 Vakorintho 2:6

Amageri ga yanyoora kutura ku vandu vinyu vanyingi gamuduuki.

2 Vakorintho 5:16

Kutura kalunu, kunyi sikukalagiraa mundu woosi kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva lia vandu kalunu sikokolaa ndio kandi mba.

2 Vakorintho 7:16

Mbeeye nu vuyanzi ligali kigira kalunu nyara kusuuvira munyi ligali mu makuva goosi.

2 Vakorintho 8:22

Kunangwa, kutumaa amiitu Mukristayo wundi harara na vaamitu yavo. Kwamala kumugeriza haali kanyingi ma kwamunyoola ndi aveeye nilienya kokoonya kazozo. Kalunu kigira aveeye ni lisuuvira linene mu munyi, kandi aveeye nilienya ligali kokoonya.

Vagalatia 1:7

Mugiligali gene, sihaveeyeho ni “Ivangeri yindi mba”, navuzwa mboraa yaga kigira vaveeye ho avandu valala avamunyangizaa, kandi avagerizaa kugirung'anyia Ivangeri ya Kristo.

Vagalatia 2:4

kali niiva valala venya akevwe. Amakuva yaga gaatulira kigira avalala ku avaamitu vingira mu kiduma chiitu machiriri kuli vatunyirizi vaduuki kutunyiriza ovovonolore vwitu vwa koveeye navwo kuvitira mu Kristo Yeso. Venya kokokola kove avatugwa.

Vagalatia 2:6

Navuzwa ku yavo avaloleka kuva vaveeye aviimiliri vanene hagati ha vandu avasuuviraa, mboraa yaga kigira ovonene vwavo sivoveeye ni kivuni ku inzi mba. Nyasaye siakalagaa ku lihenza ligondo lie chova liu mundu mba. Aviimiliri yavo, si vaali ni kindu chokomeda ku Ivangeri ya nzilwazaa yiyi mba.

Vagalatia 3:1

Munyi Avagalatia vasiru! Nivwaha wamuloga? Imbiri wi zimoni zienyu ziene mwivaalirwa havulavu kuli Yeso Kristo yakuza ku musalaba.

Vagalatia 4:11

Mbeeye ni lihenda mwoyo kigira munyi, gase miyinzi ja ndakora hagati hinyu jilagota vugira vukala kandi jive hazwa.

Vagalatia 4:17

Avandu vandi yavo vaveeye nu vugulu kung'usa munyi, navuzwa zing'anagani ziavo siziveeye zindahi mba. Venya kumwavukanyia ninzi, kunangwa munyi muduuki kuva nu vugulu vwi livenya kuli navo vaveeye navwo mu munyi.

Vagalatia 4:20

Liegomba liange liveeye ndi, ndava nimunyi kalunu, ngano ndakaveeye ni zing'anagani lugano kumunyi, mbeeye ni lihenda mwoyo linene kigira munyi.

Vagalatia 5:12

Ndakayanzi yavo avamuhendizaa mwoyo vazie viilade aveene.

Vagalatia 5:7

Mwaali ni mukoraa vulahi! Nivwaha wamwigalira muvura kolonda agiligali? Yamugoonya kuli ndi?

Vagalatia 6:17

Kutura kalunu mundu woosi, atanyangiza mba, kigira ng'ingi ku muviri gwange zimbala zimanyia ndi mbeeye mutugwa wa Yeso.

Vafilipi 3:15

Kunyi kwosi avakoveeye avadukiru mu Roho mu liiva liu Vukristayo, gakuduukiraa kusingiri vudinyu mu liganagana lilala liere kuli ndio. Navuzwa niiva avalala ku munyi valaganagana lugano, Nyasaye alamuvuulira ikindu zana yicho.

2 Vatesalonike 3:4

Kunyi koveeye ni lisuuvirizwa linene mu Mwami ndi munyi mukoraa kandi mulazizagilira kokora ivindu via kumulaga.

Filemona 1:21

Mbeeye ni lisuuvira ndi, lwa ng'oda yaga ku ivi, ulakola aga ngoteva, kandi manya ligali ndi ulakola ligali agambooraa kali kuvita.