Vagalatia 4:9 - KITABU KITAKATIFU

⁹ Navuzwa kigira kalunu mumali kumanya Nyasaye, kandi kigira Nyasaye umali kumumanya, munyi munyala ndi kwirana ku mademoni gu vudaka kandi madedekere gamiihaa mu vwerefu? Kigira ki mwenya kandi avatugwa vago?

Vagalatia 4:9 ပူးပေါင်းရင်းမြစ်များ

1 Avami 8:43

huliriza ku lisaala lilie. Mwigulu, mwa ivi omenyi, umuhuliri kandi umukolere cha akoteeva, kunangwa vandu vosi vi lirova vaduuki kumanya ivi kandi vaduuki kutia ivi, kuli vandu vovo Isiraeli vakolanga. Hene yaho valamanya ndi Litembeli lia inzi mali kwumbaka yili ni havundu ha ivi unyala kusigamirwa.

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

Zaburi 1:6

Kigira Yahova akingaa nukulinda valungi; navuzwa inzira ya avadamanu iladiva.

Zaburi 9:10

O, Yahova, yavo avakumanya, valakusuuvira kandi siulaleka yavo avaazaa ku ivi mba.

Kutwula 33:17

Yahova yavolera Musa, “Ndakora kuli umali koteeva, kigira ndakumanya vulahi ligali kandi nyanziziywi nivi.”

Tsing'ano 2:5

Niiva ulakola ndio, ulamanya kivuni chu kutia Yahova kandi ulanyora ovogeri vwa Nyasaye.

Jeremia 31:34

Siaveeyeho kali mulala waza wigizi wache kumanya Yahova, kigira vosi valakamanye inze, kutura kumukekeeke kuduuka kumunene. Inzi ndakasamihi vwoni uvwavo kandi sindakizulizi uvudamanu vwavo mba. Inzi, Yahova, mali kovora.”

Habakuk 2:14

Navuzwa kivala kilakave ni limanya linyingi liu vukumi vwa Yahova kuli zinyanza zizura mazi.

Matayo 11:27

“Baba wange ombeeye ivindu viosi. Siaveeyeho nu mulala umanyi Umwana, natali Baba, kandi siaveeyeho nu mulala umanyi Baba natali Umwana, kandi ku vosi vu Umwana atovoraa kuvuula Baba weve kuvo.

Luka 5:38

Lwaini imbia izukwaa mu zimuya zievisero zimbia!

Yohana 10:14

“Inzi mbeeye mwayi mulahi, kandi manyi avaveeye avange, navo avaveeye avange, vamanya inzi,

Yohana 10:27

Amagondi gange gahulira mwoyo gwange; inzi ngamanyi, nago ganondaa.

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Varumi 8:29

Yavo ava Nyasaye yatovola kutura mu litanga nivo ava yaahula vaduuki kuva kuli Mwana weve, kunangwa Mwana aduuki kuva wu kutanga hagati ha vamwavo vanyingi.

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

1 Vakorintho 13:12

Icha kololaa kalunu keveeye kuli kololera mu chelolero iligondo litalolekaa vulahi, navuzwa inyima wayaga kulakalole moni namoni. Icha inzi manyi kalunu sikeveeye kidukiru mba, navuzwa inyima kilakave kiduukilu kuli limanya lia Nyasaye, liveeye liduukilu ku inzi

1 Vakorintho 15:34

Mwirane mu zing'anagani zienyu zinuungi kandi muleke kokora vwoni kazozo. Valala ku munyi simumanyi Nyasaye ligali mba. Mboraa yaga, ku muviika mu zisoni!

1 Vakorintho 8:3

Navuzwa umundu uyanzaa Nyasaye, oyo yamanyikana ligali naye.

2 Vakorintho 11:20

Kigira mwikuziraa, kali mundu naamukora kuli vatugwa anoho mundu naamukora ululiiru, anoho naamulanga no vogeri vwu vugadi, niyenenehiza naamwaala izingovi.

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

Vagalatia 3:3

Munyala kuva ndi avasiru kuli ndio? Munyi mwatangila mu zinguru zia Roho wa Nyasaye, kalunu mwenya kumalirizira mu zinguru zienyu ziu muviri?

Vagalatia 4:3

Munzira ndala nzere, kunyi kandi kwaali avatugwa va mademoni gamiihaa ni kukikiri kuhindira mu roho

Vafeso 1:17

Saalaa kandi ndi, Nyasaye wu Mwami wiitu Yeso Kristo, Baba wuvukumi, ahaane ku munyi Roho weve ulikola munyi kuva avageri kandi ulivuula Nyasaye ku munyi kunangwa muduuki kumumanya vulahi ligali.

Vahebraina 7:18

Lilaga likulu lia Musa liukutanga liatulizwa ho, kigira liali lidedekere kandi litanyala kokoonya kindu.

2 Petro 2:20

Niiva avandu vamali kohononoka kutura mu vindu vie kifavwi chi lirova kigira limanya Mwami kandi Muhonyi wiitu Yeso Kristo, kandi viirana kugumirwa nu kuguutwa navio, liiva liavo lie inyima ligwiyi lidamanu ligali kuvita maziambiri.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.