Vagalatia 4:4 - KITABU KITAKATIFU

⁴ Navuzwa lwa ing'inga indahi yaduuka, Nyasaye yatuma Mwana weve. Yaza kuli mwana wivulwa nu mukali, kandi namenya hasi hi Lilaga lia Avayuda,

Vagalatia 4:4 ပူးပေါင်းရင်းမြစ်များ

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Isaya 48:16

“Munyi avandu va Isiraeli, mwisuundi ahimbi ku inzi, kandi muhuliri agamuvoolera. Ndavoora amakuva gange ku munyi havulavu kutura mu litanga, kandi goosi agambooraa kumunyi gaveeye agiligali.” Kalunu mwami munene Yahova yambeeye zinguru zizie kandi yaandumi.

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Jeremia 31:22

Munyi avandu vataveeye nilisuvira, mulavoyavoya kudura ing'inga ki? Inzi mali kolomba kindu kihia kandi keveeye lugano, keveeye lugano kuli mukali asoola umundu musaza.”

Zekaria 6:12

Mumuvolere ndi Yahova Wuvunyali avoora, ‘Mundu ulangwa Ulusia alavilukila havundu ha aveeye, kandi alumbaka vuhia Litembeli lia Yahova.

Malaki 3:1

Yahova Wuvunyali yativura navoora, “Ndakatumi mutumwa wange konombera inzira. Maku Mwami wa mulindiliraa alakaze mu Litembeli lilie vwangu lwa mutamanyi; mutumwa wa mwegomba kolola alakaze kulandiza lilago liange.”

Livalidza 28:22

kandi muhaane imburi ekole indala kuli kihanwa chu vwoni. Munzira yiyi, vakole mwima gwu kwitakasa kigira vandu.

Matayo 1:23

“Henza, mukaana mugima alavereka, naye aliivula umwana muyaayi, naye alagulikwa ‘Imanueli’ ” iliveeye kovora, “Nyasaye aveeye harara ni kunyi.”

Matayo 3:15

Navuzwa Yeso yamutivulira, “Leka gave ndio kalunu kigira ni vulahi kuduukizi uvulungi vwosi vwa Nyasaye yenya.” Hene yaho Yohana yaavugilira.

Matayo 5:17

“Mutaganagana ndaaza kutulizaho lilaga lia Musa, anoho amigizu ga vaporofeti. Si ndaaza kugatuliza ho, navuzwa kugaduukiza.

Marko 1:15

Yavoola, “Ing'inga indahi iduuki, nu Uvwami vwa Nyasaye voveeye ahimbi! Mwiganiri kandi musuuviri Ivangeri.”

Luka 1:31

Henza! Ivi ulavereka na ulivuula mwana muyaayi na ulamugulika, Yeso.

Luka 1:35

Engelosi yamutivulira, “Roho Mutakatifu alaza ku ivi, kandi zinguru zia Nyasaye oveeye igulu Ligali zilakukinga kuli kiriri. Kulwayago mwana wa ulivuula alakalangwe Mutakatifu, Mwana wa Nyasaye.

Luka 2:7

Maria yivula mwana weve muyaayi wimbiri naamulingira mu zinguvu ziu mwana, namwaliriza ku mulinga gwi zing'ombe ziliiraa ku, kigira sivanyoola ovogono munyumba yavageni mba.

Luka 20:44

Daudi yamulanga, ‘Mwami.’ Kunangwa Kristo anyala kuva ndi kisukururwi cha Daudi?”

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Yohana 10:36

Ku lwa inzi Baba yandovola kandi naanduma mu kivala. Kunangwa munyala kovora ndi, ‘Ivi onyegaa Nyasaye?’ Gaveeye kigira ndavoora, ‘Inzi nu mwana wa Nyasaye?’

Yohana 3:16

Nyasaye yayanza avandu vu mu kivala, kali nahaana Mwana weve umuderwa, kunangwa ku vosi umusuuvira atadiva mba, navuzwa aduuki kuva ni livamwoyo ilitahera mba.

Yohana 6:38

Kigira inzi sindaaza kutura mwigulu kokora uvulariri vwange, navuzwa kokora uvulariri vwa oyo uwanduma.

Yohana 8:42

Yeso yavavolera, “ Nyasaye alava Baba winyu, ngano mwayinyanza, kigira ndaatula ku Nyasaye na kalunu mbeeye hano. Sindaaza ku vunyali vwange mwene, navuzwa Nyasaye yanduma.

Vikolwa 1:7

Navuzwa Yeso yavavolera, “Sigaveeye aginyu munyi kumanya zing'inga anoho madiku ga Baba yavika ho mwene mu zinguru zizie.

Varumi 1:3

Ivangeri yiyi eveeye kigira Mwana wa Nyasaye, Mwami wiitu Yeso Kristo, uwaali kisukururwi cha Daudi ku liiva liu muviri;

Varumi 15:8

Inzi muvooleraa ndi, Kristo yakolwa mutumwa wa Vayuda aduuki kumanyia ndi Nyasaye aveeye musuuvirifu, kandi kudinyiriza lisuuviriza lia Nyasaye yahaana ku vaguuga viitu liduuki kuva liagiligali.

Varumi 5:6

Lwa kwaali nikukiri avadedekere, Kristo yakuzira kunyi avadamanu ing'inga ya Nyasaye yatovola.

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

Varumi 9:5

vaveeye visukululwi via vaguuga Vaheburaina vamanyikana na Kristo kuli mundu aveeye wi ihiiri yaavo. Nyasaye wamihaa ku vandu vosi, yizominywi mihiga ni mihiga! Amini.

Vafeso 1:10

Lilohiza yili, Nyasaye alakatwekiza lwi ing'inga indahi ilakaduuki. Alakavungizi vindu viosi harara, vindu viomuligulu kandi vindu viomulirova, na Kristo alakave mutwi gwavio.

Vakolosai 2:14

Yaatuliza ho lilaga lia ng'oderwa kunyi mu malago, lia hing'ana nikunyi kandi yalitulizaho lwa yavikwa ku musalaba.

Vahebraina 2:14

Kigira avana, kuli avalangaa, vaveeye vandu vuzwa vu muviri na masahi, kandi ndio Yeso mwene yaali kuli vo, naasanga mu liiva liavo liu muviri vuzwa. Yakola ndio kunangwa, kuvitira mu likuza lilie aduuki kudiviza Setani, oyo oveeye nizinguru zie likuza.

Vahebraina 9:10

Kigira vindu yivi viosi viveeye vuzwa ku lugano lwi viukulia, viukunwa, kandi lietakasa lie zing'ano ziosi. Yaga goosi gaveeye malago gichova vuzwa, gatumika kuduuka lwa Nyasaye aliviikaho liiva lihia.

1 Yohana 4:14

Kunyi kumali kolola kandi kololekiza ndi, Baba yatuma umwana weve ave Muhonyi wa avumukivala.

1 Yohana 4:2

Mulamanya niiva ni Roho wa Nyasaye kuli ndi: umundu woosi wiyama Yeso Kristo yaza kuli mundu, umundu oyo aveeye na Roho wa Nyasaye.