Vagalatia 4:3 - KITABU KITAKATIFU

³ Munzira ndala nzere, kunyi kandi kwaali avatugwa va mademoni gamiihaa ni kukikiri kuhindira mu roho

Vagalatia 4:3 ပူးပေါင်းရင်းမြစ်များ

Matayo 11:28

“Hambi ku inzi munyi vosi avanyang'anaa na avaminikaa ni misigo militu, nainzi ndamusosiza.

Yohana 8:31

Kunangwa, Yeso yavolera Avayuda yavo avaari nivamusuuviyi, “Niiva mulagumira amigizu gange mulava ligali aviigi vange;

Vikolwa 15:10

Kunangwa kigira ki kalunu mwenya kogeriza Nyasaye ku lidwika vandu avasuuviraa yava umusigo ku migongo, kali ugwa vaguuga viitu, anoho kunyi vene sikunyala kuginga kali hakuzu?

Varumi 7:14

Kumanyi ndi Lilaga liveeye lia Roho, navuzwa inzi mbeeye wi liiva lio muviri, wagerizwa kuli mutugwa ku vwoni.

Varumi 8:15

Roho wa Nyasaye umali kuhona ku munyi siamukolaa vatugwa kandi kumukola muve nuvuti mba. Mu vogono yivwo, Roho amukolaa muve avana va Nyasaye; na kuzinguru zia Roho uyu, kwanira ku Nyasaye, “Abba, Baba” iliveeye kovora, Baba! Baba wange!

2 Vakorintho 11:20

Kigira mwikuziraa, kali mundu naamukora kuli vatugwa anoho mundu naamukora ululiiru, anoho naamulanga no vogeri vwu vugadi, niyenenehiza naamwaala izingovi.

Vagalatia 2:4

kali niiva valala venya akevwe. Amakuva yaga gaatulira kigira avalala ku avaamitu vingira mu kiduma chiitu machiriri kuli vatunyirizi vaduuki kutunyiriza ovovonolore vwitu vwa koveeye navwo kuvitira mu Kristo Yeso. Venya kokokola kove avatugwa.

Vagalatia 3:19

Kunangwa, Lilaga liali na kivuni ki? Liameedwa ho liduuki kumanyia ichi lihiola liveeye, kandi liakolwa ndio lihindiri kuduuka liza lie kisukururwi cha Aburahamu, uwi lisuuvirizwa yili lialomberwa. Lilaga lialetwa ni zingelosi, mu mukono gwu muhambanyi Musa.

Vagalatia 4:2

Lwa akikiri mwana muke aveeye hasi ha valindi kandi avasingiliri vi vindu vivie kuduuka ing'inga ya baba weve yalaga.

Vagalatia 4:24

Vindu yivi ni livaala liu musi ligali. Avakali vaviri yava vaveeye chokololera ku ichaagwa malagano gaviri. Oyo uwa avana veve viivulwa mu vutugwa ni Hagari, na aveeye mu vogono vwi lilagana lialombwa ha kiguru cha Sinai.

Vagalatia 4:25

Hagari, usingiyi mu vogono vwi kiguru cha Sinai mu Arebia, aveeye kuli lidaala Jerusalemi liveeye ho lero. Aveeye mu vutugwa harara na avandu valio vosi.

Vagalatia 4:31

Kunangwa, avaamitu vange, kunyi sikoveeye avana vu mukali mutugwa mba, navuzwa avu mukali muvoholore.

Vagalatia 4:8

Maziambiri, munyi si mwamanya Nyasaye mba, kandi ndio mwaali avatugwa vi vilombe vitaveeye avanyasaye va giligali.

Vagalatia 4:9

Navuzwa kigira kalunu mumali kumanya Nyasaye, kandi kigira Nyasaye umali kumumanya, munyi munyala ndi kwirana ku mademoni gu vudaka kandi madedekere gamiihaa mu vwerefu? Kigira ki mwenya kandi avatugwa vago?

Vakolosai 2:20

Nimuva ni mwakuza harara na Kristo ku amigizu ga kale gilirova kandi ni muhonywa kutura mu zinguru zia roho jamiihaa vwerefu, kigira ki mumenye kandi kuli yava avakikiri mu lirova yili? Kigira ki muviikirwaa amalago ga mulonda kuli,

Vakolosai 2:8

Muhenze vulahi gase mundu woosi alamukola vahambe kandi avatugwa ku vogeri vwu mu kivala nuvugadi vwa vuzwa, vwo vogeri ni miima ja avandu vituraa ku miigizu ga avandu na mademoni gamiihaa mu vwerefu, agataveeye ga Kristo.

Vahebraina 5:12

Ing'inga yaveeye ho indambi ya gaduukanaa munyi muve avigizi, navuzwa munyi mukiri ni lienya mundu amwigizi amigizu gu kutanga agiligali ga makuva ga Nyasaye. Mugwiyi avenyaa kunwa maveere mu vogono vwu kulia viukulia vidinyu.

Vahebraina 7:16

Siyakolwa musaalisi kolondekana na malago kandi miima ja vandu, navuzwa kuvitira mu zinguru zie livamwoyo litahera mba.